ولك ياليل ملينه
ولك هلبت تجيب اوياك طيف المايمر بينه
هدم من عافيتنه الشوگ وانبهتت معانينه
بعد شيسوي بينه الضيم غربه بنص اهالينه
يمعثور البخت والله التعب خضر باسامينه
ولك طيبين مانرضه الشمع يبجي بصوانينه
انبعنه اشمالنه اشبينه
ولك موحلوه من الماي مايذكر سواجينه
ولك ياليل حنينه
بكثر مابينه ريحة ضيم السكاره بطرف الولايات من تگعد تغنينه
يليل نغيب عن الناس ماكو عيون تبچينه
يالليل شينسينه
توازت والصبر بذات گام وسد روازينه
عتبنه اعله السما اهوايه بلايه حظوظ ثارينه
قسمه بلون ثوب الناس من تحزن عله الميتين منطينه
يوسفه وهيج تالينه





علي نافع