هنا

[Ali Onger]

و انا أبحث في مكتبة المنزل عن كتاب حول الباراسايكولوجية وجد بين يدي أرشيفي المتواضع من مجلة عراقية أعتقد الكل يتذكرها و هي مجلة الف باء و انا اقلب في صفحاتها أستوقفتني صفحة أسمها البريد الالكتروني e-mail
لمست بها كيف تغير العالم من حولنا في سنوات لا تتعدى كف اليد , احب ان أشارككم بهذة القصاصة من المجلة حول مواطنة ترفع مشكلة لمحرر الصفحة دعنا نقرائها:



تذكروا كيف كان يتم تغير كلمة المرور (معاملة خطية معنونة ) ويجب دفع 1000 دينار كأجور لتغير الباسورد و لا أعرف اذا كان هناك شخص( مثل سامر يريد يغير الدومين) في ذالك الوقت (يمكن يجيه أعدام ) أستوقني كذالك خبر مهم جدا في ذالك الوقت أترككم مع ذالك الخبر :


فحوى الخبر انه قد تم أختراع أصابع للكمبيوتر (فلاش رام ) هههههههه الله يرحم أيام زمان

[EvAnEsCeNcE]

اني هذه المعلومة ما واصلتني شكرا الك علي لطرحها

[الصديق]

ههههههههههه ايباه الله يرحم ايام زمان عيني ابو حسين الارشيف مالتكم يخوف هههه
مو هوة بذاك الوكت يسمو اصبع ومن زاد حجمه الى 512 أو يمكن ماكو اصبع 512 من 256 وطفر لل 1 كيكا .. صار فلاش رام ههههه
علكيفك ويانة اليوم الف باء باجر مدري شنو خخخ
شكرا ابو حسين

[Samer]

ههههههههههه عاشت ايدك .. صدك كي لا ننسى

الله يرحم .. جانت اوروك لنك تصول و تجول .. الانترنت و الايميلات و كلشي و كلاشي بيدها ..

سنة 1997 اشترالي الوالد حاسبة 286 (كيس طرح) ... و جانت كل خواص ما بيها عدا نظام الدوز و الويندوز 3.10 .. و شاشة غير ملونة ... اقوى شي اسويه بيها هو ايعاز dir بالدوز و ارسم برسام الويندوز .. و اكتب بالورد باد .. و اجيب اصدقائي للبيت علمود يشوفون شسويت ما سويت (ماكو جانت منتديات استعرض بيها اعمالي خخخ)

بقت عندي لحد الـ 2003 ..استغليتها سويت بيها برنامج راده من عدنا الاستاذ طولت بالبرنامج شهر كامل .. .. اتذكر واجهة مشكلة باخراج البرنامج منها لأن جانت تحتوي على درايف مال قرص مرن حجم 5.25 .. و ماكو بوكتها "فلوبيات" صالحة .. تالي طورتها و شديتلها درايف قرص مرن حجم 3.5 (الاول يستوعب 360 كيلو بايت .. و الثاني يستقبل يمكن 1 ميكا مدري شكد) .. و كدرت اطلع البرنامج و اوديه للاستاذ بشق الانفس .. تالي اشتريت البانتيوم 4 و بعدها الدبل كور ..و هسة دا اسولف بالـ I7 ... و يكول علي اونكر نزل الـ I9 هع

تقييم

[علي سالم]

ههههههه علاوي اسم الموضوع مالتك مخيف ومريب تدري ليش؟؟
لأن على ما اذكر جانت احدى قوات بالنظام السابق عدها برنامج اسمه(كي لاننسى) يستعرضون بيه قتال الجنود العراقيين على الجبهات ايام الحرب مع ايران
اني عبالي من افوت للموضوع الكه صور البطريات والرادارات والمدافع العراقية القديمة التعبانة المزنجرة ههههههههههههههههه

على كلآ التفاتة جميلة جدآ عاشت ايدك وتحياتي الك

[بنت العراق]

عاشت ايدك ورد
وربي شي حلووووووو
قبل وين هسة وين قبل جنه نسمع عن النت وعن الاميل
واول ماوصل النه بس نريد نتعلم كولشي وبسرعة
وهسة حمد الله نذكر ونضحك
تحياتي الك ولمكتبتك وارشيفك

[fairy touch]

تسلم علي عالذكريات الحلوة ...اتذكر كنت كلشي ما اعرف عن النت ..واسمع صديقاتي يحجون بالايميل ودزيت فلان صورة وعلان تهنئة ...واني اتصور الامور فد شي فوق مستوى استيعابي (هذا الحجي بالـ2000) ...اما اول صورة نزلتها من النت عالحاسبة من اشتركت بأوروك فكانت صورة بول بريمر ...ونزلتها للتجربة ...

[مازن]

مشكورعلي انكر على هذه المعلومات التاريخية
الله يرحم ايام زمان جان العندة حاسبة ينضرب عين
تحياتي

[Daleen]

لازال عندي اعداد من مجلة الف باء ... وكنت طالبة بالكلية اني واسمع بالنت عبالي فد شي
اكبر من امكانياتي وما تخيلت يوم يكون عندي نت اصلا ... وهسة سبحان الله اني اعد من مدمني النت
شكرا علاوي على صور من المعركة هههههههههه

تقيمي

[Sally]

ههههههههه والله ضحكتني الاصابع خخخخ
فد مرة بعهد صدام جان كل واحد يريد يفتح ايميل يروح للشركة وبعدين جنة نستخدم النت عن طريق التلفون وفد يوم جان يجي ايميل لكل العراقيين اذا عندك معلومات عن اسلحة دمار شامل او اسلحة كيماوية وبايولوجية نرجو اخبارنا على هذا العنوان وسوف نتعامل بسرية تامة.. وراها سدوا النت شهر خخخخ

آآآآآآآآآه والله تاريخ ابو حسين بس رغم الظروف هم تاريخ ذكرتنا اياااام خوش خبر قوي قوي وحلو تسلم علي ويسلم ارشيفك الغني بالمعلومات والاوراق الثمينة.. تحياتي وردة~