هنا

[ملكةه]

طلعت اني مو سباعية !!
قبل فترة قريبة حسيت بالم قوي برقبتي وضهري وامتد على الذراع بس متقطع يروح ويجي
ماطولت شهر ورحت اراجع طبيبة مفاصل ( كون والدتي واختي بالثلاثين مسوين عمليات انزلاق فخفت ان اكون مثلهم)
قبل الفحص واني اشرحلها للطبيبة سالتني كالت انت سباعية
استغربت من السؤال وماعرفت من اي ناحية؟!
كتلها مافهمت دكتورة
كالت يعني تشيلين قنينة غاز وتحطين وتجرجربن يومية مغيرة موديل الغرفة و يومية منزلة البردات مصعدة الزوالي وغاسلتهن
كتلها الصراحة لا
كالت شعجب
كلهن اليراجعني نادرات وسباعيات ( طبعا قالتها بحسرة واسف)

بقت حجايتها ببالي
منو سوة هذا الدور للمرأة ؟!
منو كال لازم تصير سباعية ؟
المرأة كائن رقيق وجميل وحساس ...اكيد طبعا احنا عدنا قوة عاطفية وجسدية ونفسية بس مو حتة نكرب ليل ونهار

شغل اغلب النساء صاير عبارة عن كراب بكراب
مثلما كالت الدكتورة اضافة للوظفية وتربية الأطفال والتدريس والواجبات الزوجية والطبخ والهدوم والمواعين وووو
بحيث ميبقالها وقت لا لنفسها لا لاطفالها ولا اي شي
وتقاس ندارة المراة بمقدار الاحمال الملقاة على عاتقها
فلانة نادرة ماكو مثلها
فلانة سباعية شايلة البيت والجهال والعيال وموظفة
وصار سباق منو الفائز
والي تريد شوية ترتاح او تخفف بعض الحمل ...النساء نفسهم يقللون من شانها ومن كونها مو خوش ام وزوجة او بالعامية مو خوش ام بيت لان تنطي برة يلفولهة كبة
او تودي زوالي للغسل
او ببساطة مثلي سبع سنوات مافكرت تغير موديل الغرفة وتصير جامبو الجبار تسحل الكنتور والجرباية منا ومنا
هسة الشغلات الروتينية بالبيت والتربية مسؤولية الام اوك
بس ليش لازم تثبت هي نادرة
وبالاخير يصير عدها انزلاق وسوفان وهشاشة ورفع رحم وووو

طبعاً اكيد اكو امهات عظيمات قاموا بدور الأم والاب مجبورين اوقات الحروب او الارامل والمطلقات او زوجات المغتربين للعمل في بلدان اخرى
بس ما لازم هذا يكون السائد
انتظري زوجك يوم الجمعة وفرشوا البيت سوة انت مو بطلة ولازم تفرشين زوالي وحدك
اطلبي من اولادك الكبار يغسلون الزولية او ياخذوها برة
الكنتور لو رجال يحركة لو بلاها
تعزيل الصيف والشتاء والعيد تعاونوا مع بعض قسموا المهمات انت واطفالك وزوجك لتشيلين الشيلة وحدك

لتصيرين سباعية وتخسرين صحتج
لان بالاخير محد يفيدج

[آيمـيلُِـي ♪]

صح كلامج والله

والسباعيه اخر شي تصير اذا ما تشيل وتحط تحس اكو نقص بيومها الى ان تخسر صحتها والبطران يتگلب عليها يريد وحده قويه مو تعبانه

شكراً زنوبه
خالص الود

[العراب ']

لعد آني على شنو متزوجها، حتى اشيل بمكانها ، وهي حضرة جنابها من تريد تحافظ على صحتها ، ماتگول هذا يطلع للشغل من الصبح لليل ويستهلك طاقته وصحته وعافيته غير علمودها هي وأطفالها، وهي نستنكف تشيل قنينة غاز .
لا والله تشيل الزوالي والتخم وتبدل غرفة النوم غصبن عليها ، لو هي بس تحب تشيل الأحمال خفيفة الوزن .

[ملكةه]

صح كلامج والله

والسباعيه اخر شي تصير اذا ما تشيل وتحط تحس اكو نقص بيومها الى ان تخسر صحتها والبطران يتگلب عليها يريد وحده قويه مو تعبانه

شكراً زنوبه
خالص الود

حبيبتي الغاليه انرتي
لو شتسوي المراه محد راضي عليها

[ملكةه]

لعد آني على شنو متزوجها، حتى اشيل بمكانها ، وهي حضرة جنابها من تريد تحافظ على صحتها ، ماتگول هذا يطلع للشغل من الصبح لليل ويستهلك طاقته وصحته وعافيته غير علمودها هي وأطفالها، وهي نستنكف تشيل قنينة غاز .
لا والله تشيل الزوالي والتخم وتبدل غرفة النوم غصبن عليها ، لو هي بس تحب تشيل الأحمال خفيفة الوزن .

حرب ويا حواء عالكها عمو
مو جنت تكول البنات كائنات رقيقه

[زينب | ١٤٢٤ هـ]

فعلا صح ڪلامج عاشت ايدك

[ملكةه]

[QUOTE=زنـٰو໑شـه;9155286]فعلا صح ڪلامج عاشت ايدك[/QUOT
صح بدنك حبيبتي

[دُعےـــآء]

شكرا زنوبة

[ملكةه]

شكرا زنوبة

شكرا لتواجدك