هنا

[شاهر]

جدلاً كبير صاحب قرار وزيرة الاتصالات بحظر المواقع الايباحية من الشبكة العنكبوتية

هناك من اعتبرها تدخل في حريات المواطنين

هناك من قال المواقع الايباحية اهم من ضرب الفساد ؟

تعالت الانتقادات و لغاية اليوم نرى استنكار شعبي لهذا القرار

ما رايكم اعزائي ؟

[زينب | ١٤٢٤ هـ]

عاشت ايدهم

شڪرا شاهر

[أبو ملاك]

.تعالات الانتقادات و لغاية اليوم نرى استنكار شعبي لهذا القرار

معقولة أكو إستنكار شعبي لهذا القرار؟!
من تكول إستنكار شعبي لهذا القرار
يعني الشعب كُله شغلته تعبانه!!

آني شخصياً مع هذا القرار
مو فقط لأن حرام..
لكن بيه إهانة وإمتهان لكرامة الإنسان
إذا كانت نساء أو رجال..

تحياتي لحضرتك..

[Suzana]

متابعة

[ȺӀì βąҍӀì]

يعني مدري اضحك مدري ابچي حكومتنا الموقرة المؤمنة خلصت كل مشاكل المواطن وما بقت بس هذه الفقرة وتنقفل كل المشاكل
اني مثلا اذا اريد انصح شخص ميصلي لازم اكون اصلي واذا كنت موظف ونزيه وقتها اكدر انصح الموظف المرتشي مو لو مو مو ؟
هالحكومة ما خلت كل موبقات الحياة ما سوته ، من غير المجون وضرب الكؤوس وحفلات الرقص ، وحاليا يريدون يمنعوا هالمواقع لانها حرام وفاحشة ، وهمه الفاحشة نفسها ، اتذكر قبل كم سنة اتفقت كل مجالس المحافظات باجتماع مغلق ومهم ، وطلعوا بقرار حكيم ومنصف وهو انو ابو الغاز لازم عليه يغيرالنغمة لنغمة هادئة لان النغمة السابقة مزعجة للمواطن ، مو المواطن راتب وبيت وحياة رغيدة فما بقت بس نغمة ابو الغاز مشكلة هههههه ، والله مفلونز والحماوة كابة بيه واخاف اطفر الحايط وتزعل الناس مني لان صدك ميستحون ، ومثل ما كال امير المؤمنين علي عليه السلام ( ان لم تستح فاصنع ما شئت )

[M̲u̲S̲h̲T̲a̲Q̲ツ]

استغفر الله ....شر البليه مايضحك
طبعا المفروض ليس هالمواقع فقط تحضر وتحارب
بل مواقع اخرى وتطبيقات ...
لكن لزوم يكون ذلك مع اصلاح منظومه الفساد في الدوله والاحزاب
فالشعب يعرف انه كل او ع الاقل اغلب الاحزاب والاسلاميهبالاخص تمتلك النوادي وملاهي الفساد بالبلاد
بهذا يقولون للشباب اتجهاههكم ليكن نحوى ذلك
المفروض ايضا تقنن وتحارب اذا كانو خايفين. صح ع مصلحه الشعب
..
لهذا انا اجد انهم بذلك يريدون من شباب ان ياخذو خطو باتجاه اخر يصب في مصالحهم
والا فلا تفسير اخر لذلك لانه السمجه خايسه من راسها ولو يقسملي السوداني وحكومته انهم جادون باصلاح الدوله لن اصدق

لاننا للان نرى فقط المهاترات والهياط وغير جادين بتوفير اقل مقومات الكرامه للمواطن

نعم ليغلقوها ..نعم ليحجبوها ...وللان حضرو اسهلها واشهرها وليس كلها
فانا لقبل لحظة اول مافتح تطبيق فيس خرج لي في بدايته اعلان اباحي وهذا يحدث مع الكل او الاغلب بالحالات او قصص الاصدقاء
واليكم الدليل





طبعا احتراما للذوق العام ظللت الاعلان ...فاي جديه هم بصددها لمحاربه الفساد المجتمعي

في ذلك غايه في نفس الشكشوكه

[انسان ثاني]

مرحباً
انا شخصياً مع الحظر ، مو لاني ادعي التدين ، اتوقع ماكو واحد بينا ما زار هذه المواقع بيوم من الايام ومابينا ملاك ، بس اني اؤيد القرار لسبب واحد ، على ايام مراهقتي كانت هذه المواقع قليلة و الي يبحث عن المحتوى الايباحي كون يروح لباب الشرقي ويشتري سيديهات ، ولي عنده dvd هذا ملك الانحراف والكل يتقربوله ، و اگدر امثللكم حالة المراهقين بوقتنا بفيلم مصري اسمه (فيلم ثقافي) ، اما هسه قضية الحظر مراح تأثر ع اي شخص كلنه عدنا برنامج vpn نگدر نغير ايبيات و نتصفح الي نريده بدون مخالفة قانونية (لان البرنامج مجرد وجوده بجهازك بغير دول يعرضك للمسائلة القانونية)

بس حالياً شنو الي ديصير ؟ طفل بعمر 5 سنوات و 6 يگدر يدخل هاي المواقع ، وهذا دمار لمعنى الطفولة ، هذا طفل اذا شاف افلام مثلية راح يعتقد هذا شيء طبيعي وممكن يحرف ميولة الطبيعية ، او بمجرد انه يشوف هيج مقاطع شراح تتصور ما راح يبحث عن طريقة تطبيق هل اشياء ! ، في اوربا اكو خاصية تمنع اجهزة الاطفال من العثور على المواقع الايباحية اصلاً ما تظهرها اله بالاقتراحات ، بس احنه عدنا كلشي عادي

ومن اسباب كثرة حالات الاعتداء داخل الاسر (زنا المحارم) هي هاي المواقع ، ذاك اليوم شفت مقطع بالتيك توك شاب دا يعترف لك عمي شون تغتصب اختك ! يگول چنت دائماً اشوف افلام بين الاخوة و الابناء والامهات

اني كلش اشكر وزيرة الاتصالات على هذا الاجراء ، الله يحمي اطفالنا و يوفقهم بدراستهم ، و اتمنى الخطوة الجاية اذا چانت الوزيرة فعلاً تريد تُصلح لازم تبحث بقضية سرقة سعات النت و الاسعار المرتفعة الي جاي ندفعها مقابل خدمة سيئة جداً

[المستشار القانوني]

انا مع هذا القرار... وأشجع تطبيقه بشكل كامل وصحيح..

[عدنان الواثق]

مو خوش خبر انا لا أقبل

[عضوية محجوبه]

متابعة