قلم اسود ....... ..
..... كلت كافي حزن.... خل ارسم افراح..... ولو طعم الفرح مايوم ضكته.... من وحي الخيال... اختار لوحات.. أثاري القلم اسود لمن جبته... وجنات الصور ... كلهه تجاعيد... الحبر علخد يسيل ولمن شفته... عرفت الفرح... ماينباع بلسوك.. عاينت القلم نزلت دمعته.... ليش تلومني... وتعتب عله الروح... من زغري أنه الظيم الرضعته... من ثدي العذاب... اشكد ترويت... وكاس الصبر حنظل من جرعته.. تترادف عليه.. اهموم واهات.. . لذلك حالي ياصاحب وصفته... تدريني صرت.. توم وي الهموم.. قبلت الظيم مجبور بعشرته... سنيني الي كظن... خلصن متاهات. . وعمري من الزمن شحت حسبته... دنيه معثره. وماترحم اهواي... ياذكرى التمر....خليهه سكته.... الحسبه وي الشده.... تأخذني ساعات... صدك هذا زماني الاني عشته. أنه عشت بحياتي... وراسي. مرفوع... ولو جفي دنه الباطل كطعته.... .................................. .. م.
رد مع اقتباس
المشاركة الأصلية كتبت بواسطة sawsanmahmoud
