المشاركة الأصلية كتبت بواسطة أم عبوسي
حبيبتي زنوبة معليج بكلام ادم الي شماتسوين مايجي بعينه هذا عباله الله خالقه بس حتى يكون هو المظلوم وهو الي خطية ..
هواي يگولون الاسلام ظلم المرأة وما نطاها حقها وفضّل الرجل عليها .. الرجال قوامون على النساء .. بس اذا تجين للصدگ الله سبحانه وتعالى خلاه قوام بالمصروف عليها يعني غصبا عليه لازم هو ينفق عليها يوكلها ويشربها ويلبّسها
ويعيشها احسن عيشة حتى رضاعة الاطفال من حقها اذا تريد ترضع ابنها او لا .. واذا تريد تاخذ اجر على الرضاعة بكيفها .. ودائما يذكر انو البيت بيت المرأة
فمن كنوز القرآن الكريم : { لَا تُخْرِجُوهُنَّ مِنْ بُيُوتِهِنَّ } ..
لماذا نسب الله عز وجل البيت إلى المرأة رغم أنه ملك للرجل ؟!
*قال تعالى :
{ وَرَاوَدَتْهُ الَّتِي هُوَ فِي بَيْتِهَا عَنْ نَفْسِه ِ} .
﴿٢٣ يوسف﴾
امرأة العزيز تراود يوسف وتهم بالمعصية ورغم ذلك لم يقل الله عز وجل وراودته امرأة العزيز أو وراودت امرأة العزيز يوسف في بيته .
▫ *وقال تعالى :
{ وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ } . (٣٣ الأحزاب)
*وقال تعالى :
{ وَاذْكُرْنَ مَا يُتْلَىٰ فِي بُيُوتِكُنَّ مِنْ آيَاتِ اللَّهِ وَالْحِكْمَةِ } .
*وقال تعالى :
{ يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لَا تُخْرِجُوهُنَّ مِن بُيُوتِهِنّ } . ﴿١ الطلاق ﴾ .
حتى في أوقات الخلاف وحين يشتد النزاع وتصل الأمور إلى الطلاق الرجعي هو بيتها
نعم هذه حقوق المرأة في كتاب الله ..
فخاف لاسامح الله تصير مشكلة بينج وبين زوجج لا تطلعين من البيت .. لمي ملابسه بعلاگه وگوليله روح لامك لان الله يگول ولا تخرجوهن من بيوتهن الا ان يأتين بفاحشة واني ماسويت فاحشة لحتى اطلع من بيتي
وبالنسبة للطبخ وغسل الملابس وكل اعمال البيت غير مُطالبة بهم المرأة في الاسلام انما هي تتفضل عليه بهاي الامور هاي حقوقها عليه لازم هو يطبخ يشتري من المطعم بكيفه ويوكلها ويغسل ملابس يشتري جديد هم بكيفه ويلبسها او يجيبلها خدامة اي قبل بزمن الرسول النسوان المتزوجات عدهن خدم يساعدوهن بالبيت
بس احنه النسوان گلوبنا طيبة ونسوي هاذا الشغل بالبيت عن طيب خاطر ونتفضل بيه على الرجال ولازم يكون هو الممنون .. لان هذا مو شغلنا بس احنه نسويه عادي مانگول شي
هاي حقوقها عليه لازم يوفرلها الظروف الي تخليها مرتاحة بالعيشة وياه الله يگول هالشكل مو البشر .. واذا هو مو گد هالشي خليه لا يتزوج ويورط بنت الناس وياه ..
بس مشكلتنا احنه النسوان مانعرف حقوقنا الي كفلها لنا الاسلام ونبقى عبالنه الرجال متفضل علينا باللگمة واللبسة وعساس گاعدين ابيته ولازم ندفع ايجار مقابله الي هو شغلنا بالبيت..
بس بالاصل هذا تكليفه هو وحقوق زوجته عليه الي مقابلها تطيعه وتحترمه وتمكنه من نفسها وقت رغبته ..
فــ يا آدم شوي قدّر النعمة الي عندك وعبالك آلة من الصبح لليل گاضيتها شغل وتعب وتربية اطفال وغسل ملابس وطبخ وتنظيف واحمد الله واشكره .. لان ماتشكي ولا تتمنن عليك بهالشي
حبيبتي زنوبة
رد مع اقتباس
