نظام التحميل في الدراسة العراقي
توضيح بالمختصر :
بخصوص نظام المحاولات ( التحميل )..
طلبتنا الاعزاء معنى نظام المحاولات هو تحميل المواد .. يعني المواد الي راسب بيها تمتحنها بالعام المقبل فقط
لازم تعرف نظام التحميل اجة قبل ٣ سنوات بي عدد شروط ومضامين المفروض تتوفر بطالب يلا يكدر يحمل
بس بالبداية خلونة نعرف شنو يعني التحميل ؟
فرضاً انت امتحنت وبالدورين منجحت ورسبت بمادة او بمادتين فقط لا اكثر
هنا الوزارة كالت يابة الطالب بدال ما يعيد سنة بكاملها بحرها وبردها علمود درس لو درسين خلينا نسوي قرار يفيدة فجابو التحميل
معناها ان انت واكع بدرس او بدرسين تروح للمدرسة سوي اجراء التحميل راح تعيد سنة بس مراح اداوم ولا شي ولا تمتحن حتى تدخل وزاري انما تكضي سنة كلها كاعد بالبيت
وبالامتحانات الوزارية تروح تمتحن ذني المادتين او المادة الي حملتهن
اول سنة اجة بيهة قرار التحميل ( المحاولات ) هي سنة 2015 وكان قرار عام لجميع الدراسات صباحي مسائي خارجي انتساب لكن من سنة 2016 فما فوق اجة قرار تحميل بشروط معينة وهي المذكورة اعلاه
اعيد الكم : بداية هو اسمه نظام محاولات بس هو الماشي تحميل شوف
1- يشمل بس الي راسب سنتين بالسادس ..او سنتين وسنه ثالثه لكن عدت سنة عدم رسوب .. يعني اذا راسب سنتين يحقله يحمل ان كان راسب بدرس او درسين وهاي السنة تم الموافقة على الطالب الي راسب سنة وحدة فقط وراسب بمادة او مادتين
شنو يعني تحميل ؟
الجواب يعني تروح لمدرستك تكولهم اريد احمل هذا الدرس او الدرسين وتملي استماره وتوقع وتروح لبيتك .. لحد ما يجي الامتحان الوزاري بطاقتك مال الوزاري نفسها مينطوك بطاقه جديده نفسها تمتحن بيها .. نجحت دور 1 خوش مانجحت تمتحن دور 2
الفئات المشمولة بنظام المحاولات التحميل للعام الجديد 2022 شروط التحميل
1- الطلبة راسبين سنة او سنتين من المنتظمين فقط.
2- الامتحان يكون مادة او مادتين فقط.
ملاحظة : للاسف نظام المحاولات لا يشمل طلبة الامتحانات الخارجية
الاستاذ احمد مهدي شلال عباس المهداوي
رد مع اقتباس
المشاركة الأصلية كتبت بواسطة حہيہدر الہبغہداديہ
