ماعندك كلب وشلون اكول انطاك
كلبك ليش هيج تخوني بسرعه
يالباجي شكلك عيب من الناس
يله بطول زعلك توكع الدمعة
رسمتك بيه شمعه ومامحسب يوم
هو عود البخور يطم ضوة الشمعه
دفنتك من متت بس كبل ماسويت
من تشتاك روحي الميت ترجعه
عدل بس انت طبعك مو عدل وياي
وطبع وبروحك انت احتار وشيطلعه
وكبر بس مو الحبك كلبي من جفاك
شوكي ايدفعه الك والمستحه يرجعه
اشون ابعده عايش مو هواي تكول
وواحد ماشفت بيده الهوا يكطعه
روحك ماتنغص تاكل حنان الغير
ابظهرك شخص حضنة مستحة تشبعه
بعينك ماوكف عالاقل سهر الليل
ماكلك لهفتي وعمري المضيعه
ووني الجنت اونه ويعبر الصوبين
ويكلولك خطية تكول مااسمعه
ويالاطول من غرورك طولي جان وياك
واكصر عيب طولك حتى مااطلعه
بعتني اشحصلت بس عفية من الغير
وكلولك وفي وهو الوفي شنفعه
صدك ماجذبو هو انت طبعك هذا
تركص عالشبة لو بيه شفت دمعة
ومامستذوقيك الناس جي مابيك
ملوحة وسالفة تصبر على الدمعة
وروحي استعجلت كلمن وذوقة تصيح
ولولا الذوق مو جا بارت السلعه
بصوتك وبغرورك تعله فوك تريد
وانه امن وياك اسولف صوتي مااسمعه
وانه اعمى كلب لو اعمة عين تهون
اذا لاموني اكلهم ماشفت طبعه
ان شاء الله اتنال عجابكم
رد مع اقتباس
المشاركة الأصلية كتبت بواسطة حسن الامير
