هنا

[ارجع يازمان]

اشكد اظاهرت!! وتصيح سلميه!
شو ما سَقَطت !! حكم الحراميه!!
.
شجالك ياشعب! شو ساكت اعله الضيم
وانته الجنت ثوراتك بطوليه!
.
رضيت ابحكم وادم جانوا ايجدون!
وصاروا اغنى ما بالكره الارضيه!!
.
مشفوط النفط بالمنصب الينباع!
ابسبب سلميتك ايحكومونه عفطيه!
.
مليارات دولارات من تنباك!
عدنه المسأله صارت طبيعيه!!
.
انطيني حكم طاح ابعَلم مرفوع!
اذا مو بالسلاح,, الهيبه مسبيه!!
.
يوميه تتظاهر شايل الاعلام!
وطرف ثالث اليقتل بيك يوميه!
.
اكبالك مجرمين ,اجلاب مال أحزاب
كل عقلك تفيد اوياها سلميه!!
,
الف تحقيق صار بالف ناس اتموت
النتيجه ضايعه,, والشغله منسيه!!
,
القضاء فاسد اوياهم مايهمه الصار
جن السان حاله ايكول شعليه!!
,
وبس المستفيد امأيد الأحزاب
الخاطر مصلحتهم ذوله لوكيه!!
,
انطيك النصيحه وناصح اني وياك
وداعت كل عراقي وكل عراقيه!
,
اذا ما تحمي نفسك ,, محد ايحاميك
الحكومه اسلاح عدها! وتبقه محميه!!
,
مو قصدي العنف والناس تقتل ناس!!
بس أحجي الحقيقه ابصافي النيه!
,
اذا تقطع جسر , لو تاير ودخان@
لو ما تطلع احسن ميه بلميه!!
,
الفساد ابغير قوه أبد ما ينزال!
ومتسقط حكومه أحلام ورديه!
,
على كل ثوره ثارت يشهد التاريخ
الثوره ابلا دماء ما جنها ثوريه!
,
دفاعك عالنفس ماحجه فتوى اتصير!
وانته الماشي بالثوره الحُسينيه!!
,
أضربلك مثل بالواقع المفروض!
وأريد ابهل احجايه ,, اتفَكر اشويه!
,
ترى حتى العشيره الما تدكها ابليل!
متحول عليك امن الصبح هيه!
,
يل اتحب الحسين حسين ثار ابسيف
مو بس بالعَلم حاسبها مكضيه!!
.
اذا نمشي اعله رايك ما وكع صدام!
وبعد مية سنه ايحكمونه بعثيه!
ومن ولد الولد والرايه بعثيه!
حسين االساعدي