هنا

[دُعےـــآء]

كم نصيحه حتى تكونين ام هادئه

محد يكول الامومه سهله
بس تحتاجين الى ضبط النفس و الكثير من ضبط النفس حتى تكونين هادئه و مرتاحه
و اليك النصائح :

١. سامعه بالارشادات الجويه من تسمعين المضيفه تكول اذا صارت حاله طارئه خلي الاوكسجين الك اولا ثم لطفلك
هذه هي الحياه كذلك
اهتمي بنفسك اولا و بعدين بطفلك
صحتك مهمه للحفاظ على نفسك و على طفلك

٢. خلي حدود لطفلك
ماكو شي اسمه مو ما يقبل
مو هو يحب فلان شي
منو دا يربي منو ؟
محد كالك راح يطيعك مباشره
بس لابد تخلين الحدود و القانون
مثال
ما اكل الا تنطيني التلفون
انت تنطين التلفون
شسويتي ؟
عززتي مبدا العياط و القوه عنده و بينت مدى ضعفك امامه

٣. اتركيلي العاطفه خارج الموضوع
التربيه مو سهله ابدا
من تجي نوبه بكاء هستيريه حتى يحقق اللي يريده
لا تخضعين لطلباته
خلص لن اوافق
مره مرتين و يبطل

٤. ما كدرتي الا تصالحيه و الا تراضيه
و هو موضوع صعب لآي ام و لآي لاب
اؤكدلك التربيه اهم من العاطفه
فاعزلي نفسك
و ابتعدي عنه
و من تحسين نفسك صرتي بموقف قوه
رجعي تعاملي مع الموقف
بدووون عاطفه

٥. افهمي طفلك
جوعان؟
نعسان؟
مره كتبتلكم كانوا الاولاد من يجوعون يعصبون و يبجون لاي سبب حتى لو تافه
بعدين كمت اعرفلهم انه هم جوعانين
من تقدملهم الوجبه ياكلوها وراها مزاجهم يتحسن
و الامور عاديه و لطيفه
لذلك اسبقي العاصفه و كوني سباقه و اعرفي اللي يوترهم

٦. التربيه هي الروتين
مو مثل اللي كاعد نشوفه
وقت نوم براحتهم
و غدا براحتهم
و اكل براحتهم
التزمي بجدولك
فطور غداء عشاء
و بين الوجبات
خليك دائما تعرفين انه الروتين هو سر النجاح بتربيه طفلك
طبعا عدا الوجبات كلشي ممكن يخضع للروتين

٧. ريحي مخك و مخ اولادك فتره
يعني مو تخليه ٤ ساعات يحل واجب المدرسه انطيه فتره راحه
نفس الشي انت من اولادك كبار
ارتاحي
تفرجي تلفزيون
اخذي غفوه
روحي صالون
انت لازم ترتاحين و طفلك كذلك
التربيه مو معناها اكعد كدامهم و احاسبهم على الهواء اللي يتنفسوه

٨. ارتاحي
يمكن النقطه انعادت مرتين و ٣
اي ارتاحي
انت مو المراءه الخارقه اللي تتصوريها
و ماكو شي كامل
ارتاحي

٩. سوي شي انت تحبيه لنفسك بعيدا عن الاولاد !
التقي بصديقه
تصفحي نت
اقري كتاب
انت مهمه لكل البيت

١٠. اقضي الوقت ويه الاطفال
العبي وياهم
احجي وياهم
شوفي شنو يحبون
شنو يكرهون
سولفي عن طموحاتهم

١١. ابعدي الالهائات
اكيد اني و انتم ضيعنا الكثير من الوقت و احنا نتصفح الموبايل
بس هذا شي لازم نحاسب نفسنا عليه
اني اكتب هذا البوست و الاولاد نايمين
ابعدي الالهائات
اشوف امهات عايشين بالتلفزيون
و مخليه اولادها عايشين بالتلفزيون
و بعدين تعصب عليهم
و تعيط
لحظه اهدئي
انت اولا من ضيع الوقت !!

١٢. لا تبالغين بكثر التوقع
كلنا شايفين هذه الامهات و الاباء اللي يكولون على اطفالهم اذكياء و هو عمره ٥ سنين ما يعرف الالوان !!
طيب وين الذكاء ؟
ما علينا
ماكو شي يتم كامل
لا تعلين سقف طموحاتك
ماكو طفل مثل الملاك هاديء و حباب و ياكل و ما يخرب
الاطفال عادي يكذبون و يخربطون و يوسخون انفسهم و اللي حولهم
بس بالتربيه يتعدلون

١٣. تذكري بنص هذه الملحمه اللي اسمها الامومه انه طفلك كائن حي اله حقوقه
لا تغصبيه
لا تجبريه
لا تكولين عليه اريده سمين لان ما راح تذبحيه على العيد
تعاملي وياه كانسان كامل
اسالي رايه
مو الا تنفذيه بس اساليه
حسسيه بانسانيته

١٤. خلي يساعدوك
و ليش ما يساعدوك
بنات او ولد
سوي جدول الهم
الام الحقيقيه هي اللي تعرف تستغل كل جهد حتى تتفرغ لنفسها اولا و لاولادها ثانيا
مو انانيه ابدا
بس انت محور البيت
و صحتك و سلامتك اولا

د. سيف سمير البياتي
اخصائي طب الاطفال

[لاڤندر]

شُكرا عالمعلومات حبيبتي عاشت ايدج

[دُعےـــآء]

شُكرا عالمعلومات حبيبتي عاشت ايدج

يــ عمري .. على الرحب والسعة

[زينب | ١٤٢٤ هـ]

شڪرا قلبي موضوع رائع

[دُعےـــآء]

شڪرا قلبي موضوع رائع

يـــ عمري يدللو

[ايليتا]

الامومة شكد ما تعب... لكن اطيب نكهة للحياة...
اجمل لمسة من تنام الام تعبانه ومهمومة واذا تلتصق رؤوس صغار قرب وجناتها تقبلها بلطف وحب تنسى كل التعب وتعيش كمولود في هذه اللحظة..
الله اكرمنا بنعمة وجود خلقه بين ايدينا... لعلنا للامانة حافظون
ممتنه لكل منشوراتك يا وردة الدرر

[حہيہدر الہبغہداديہ]

[دُعےـــآء]

الامومة شكد ما تعب... لكن اطيب نكهة للحياة...
اجمل لمسة من تنام الام تعبانه ومهمومة واذا تلتصق رؤوس صغار قرب وجناتها تقبلها بلطف وحب تنسى كل التعب وتعيش كمولود في هذه اللحظة..
الله اكرمنا بنعمة وجود خلقه بين ايدينا... لعلنا للامانة حافظون
ممتنه لكل منشوراتك يا وردة الدرر

يــ عمري شموسة كلامج كله صحيح ويخبل اني من اكون تعبانه او متضايقة من فد شي بس اباوع لاطفالي احمد الله ويخف التعب ..
نورتيني بكلامج الحلو يـ گلبي

[دُعےـــآء]

مية هلا حيدر نورتني

[ملكةه]

شكرا للنشر صديقتي