يمته يا رب السمه
نشوف مرقد فاطمه
بيا زمن . نشوف قطعه مضيئه و مؤنسه
من هنا . العتبة الفاطمية المقدسة
.....
بجية المهدي . للگبر نحدي . ونبني صحنچ نرتجي
الملا والشاعر . والخدم باچر . كلها عماله تجي
لفاطمه نحتزم . كلنه
يوگف المنتظر . النه
واحنه نبني القبب
هذا ينقل حجر . محني
وذاكه فوگ الصحن. يبني
وهذا يصفط ذهب
نبني ونخط اشعار كدماكو حيطان
ولخاطر الزهراء ما نبني بيبان
ابسمار مندگه لمن . منبر المهدي انصبه
ويخطب المهدي بشيعته ويا محلى ذيچ خطبه
ومن بعد خطبة وعي
ملا يصعد للنعي
والعزه . المهدي هو اليحفظه واليحرسه
من هنا . العتبة الفاطمية المقدسة
...
نشيد و نحسن . لفاطمه ومحسن . قبتين اويه السمه
للقبب ديره . لمحسن زغيره . والچبيره لفاطمه
عالصحن ترتفع . خضره
بيها يا فاطمه . الزهره
ومحسن اعليه علم
منارتين بصحن . تحله
يغازلن بالنجم . واعله
واليشوف ابتسم
يا حضرة ام حسين جنه نسويچ
نطبّگها من الماس كل الشبابيچ
برأس المنارة مأذنه . وساعه وللآذان ترن
وما ندري يا صاحب بخت . يا ملا بيها يأذن
اليقرا بالمجلس ذكر
يأذن آذان النصر
فاطمه . اشهد ان جوها اتنفسه
من هنا . العتبة الفاطمية المقدسة
أشهد ان فاطمه
..
المرقد اليضوي . للعليه ينوي . ست مداخل للصحن
للنبي الاول . ولعلي مدخل . وعدنه ثالث للحسن
والحبَيب اله . الرابع
باب اله بو علي . وشارع
من جهة كربله
والكمر مدخله . يگرب
مدخل السيدة . زينب
زينب مدلله
وكل شارع نسميه منين اله جيه
من جهة ارض الشام شارع رقيه
بجهة البقيع وشارعه واكراما لهالواقع
يفرح الصادق لو صفه . لم البنين الشارع
وشارع امُ سلمه
بيه جامع فاطمه
بت اسد . ام علي اللي بوفاها مدّرسه
من هنا . العتبة الفاطمية المقدسة
.......
لهالصحن تقوه . نلگه للنسوه . المضيف الزينبي
الزايره اتزوه . تروه من نوره . عفّه يمطر عالعبي
ولخديجه نرى . مسجد
بيه اله العرش . نعبد
والعطر هاشمي
وللهدايه قسم . نقره
ومو رواق النبي . بظهره
المتحف الفاطمي
هالمتحف الزوار بيه تلگه ذكره
الرحه والتنور وسبحة الزهره
ومابين أروقة الصحن نلگه رواق شكبره
هذا المضيف الحسني يوزع ثواب الزهره
والسقايه بالضبط
بمدخل حسين السبط
والشرب . ماي ابو اليمه ينصبه مجلسه
من هنا . العتبة الفاطمية المقدسة
............
بره هالمرقد . التعازي شكد . والمواكب مُرصَفه
كلها تتوزر . الموكب الاكبر . موكب ال المصطفى
الموكب وصاحبه . المهدي
يخدم بفاطمه . ويهدي
للخدامه الهمم
بلقب قمبر خدم . تحضه
والنساء تقتدي . بفضه
للزچيه خدم
بين المواكب هاي نلگه اليكر عين
تتجمع الزوار وخدام الحسين
نجهز عزانه وننتظر للمهدي الله يديمه
لكل خادم يكلفه بأمر حتى اليسوي القيمه
بشارع القبله الدمع
بيه رسم كسر الضلع
والخدم . ملبس المجلس الكحلي لابسه
من هنا . العتبة الفاطمية المقدسة
#ميثاق_الحمداني
رد مع اقتباس
