هنا

[ارجع يازمان]

كلها اتعوفك يوم العازه,,,
بس اللجمه اتضل اوياك!
.
ضم جرحك يمكن تعتازه!,,
اتوقع جوعان وينخاك!!
.
جرحك طيب مشوي وتازه,,
وراح ايكفي اليتعناك!
.
حتى ابيوم اتصير اجنازه
اجروح الوادم ما تنساك!
.
اليومك يتمشن جَنازه
ويلطمن دم الفركاك!
.
ما حاجه ابموتك تتوازه
وتداين من هذا وذاك!!
.
تابوتك نفس العكازه
بيها ايشيلونك لهناك
.
وأكفانك دشداشة بازه
نفس اللابسها ابدنياك!
.
لو عندك دشداشه اعوازه!
حتى القََماش اللاكاك!
.
ايراوسها باكفان اعزازه!
وما تمشي الدشداشه اوياك!
متموت الدشداشه وياك!
حسين االساعدي