هنا

[خنساء العگيلي]

سافر عراقي إلى ألمانيا وطلب لجوء فصارت عندة صديقة ألمانية وصارت تتعلم اللهجة العراقية فسألها انتو الالمان لما تتسامرون شنو الحديث الي يدير بيناتكم ؟ گلتلة احنا نتذكر طفولتنا ونراجع أشرطة الفيديو من چنة اطفال ونستمتع گلتلة وانتو العراقيين شلون چانت طفولتكم ؟! جاوبها أبيت ابو ذية

ءءان وما شفت صاحب إلى الآن
وحديت بجرحي امزامط إلى الآنمن اگماطي اجر حسرررة إلى الآن
والى يوم القيامة الطم علية

وسألتة عن الاصدقاء بالعراق گلها ..

الي صاحب على المو زين يبرة
والي خاطر نسيتة شلون يبرة
انشدج عالجرح مفتوگ يبرة
شجاچ وبالملح رفتيه اليه

سألتة ليش قليل الابتسامة جاوبها..

ونيني ايلم حطب بية وينها
وسنين من الغدر والهم وينها
انا بية الحزن يااااااامر وينها
واهو عم وفراضة وشيخ الية

سألتة كلتلة ليش يصير بيكم هيچ ؟! گلها ..

وحگ السلوى بالايات والمن
هذن دموعي فوگ الجڤن ولمن
عليمن اعتب اعاللناس ولمن
چا غير الله رايد هذا بية

گلتلة ليس متسأل عن بلدك وشعبك ؟! گلها

سألت اعللمشة والطلع ع الطاب
وسألت اعللكبر ع مرض ع الطاب
اشم بهدوم كل مشتاگ عطاب
وانا نيران هجرك كبرة بية

الشاعرة خنساء العگيلي
١٩ / ١٠ / ٢٠٢٢

[sawsanmahmoud]

شكراً خنساء
وعاشت ايدج

[أبن الاشتر]

شنو هاي الحسجة وهذا الابداع
ياخنساء هذا تراث من الشعر والى الشعر
صار المنتدى يزهي بك .
بلكت الله يصير تحدي انت وفقار .
عشت يامبدعة وان شاءالله نمر على جديدك يارائعة

[المستشار القانوني]

أحسنت النشر. صح لسانج

[خنساء العگيلي]

شكراً لأطراءك ومرورك الجميل