هنا

[الرميثي]

اني ماچان عندي خبرة بس بيوم من الايام اتصفح بالنت طلعلي اعلانات منصة فور اكس ، گلت خلي اشوف شنو الفلم ،
بلشت اتابع الموضوع لمدة اشهر ، بهل اشهر چنت مدمن اقرا عن الشركات واقرا تجارب الي دخلوا هل عمل ،
بعدها بلشت و رحت للاردن سويت حساب مصرفي و اشتغلت بي بالنت
ماچان اكو زين كاش و ماستر كارد بالعراق ، هسه صارت اسهل بهواي ،
بس ينرادلها واحد حاب الشغلة ويذب بيها جهد ويخلي اباله راح يخسر ا
ول فترة لأنه ماعنده خبرة بس البقاء للي عنده صبر و خلگ چبير

اخ رامي ليش ما تحاول ترجع لهاي الشغلة مادام بيها ارباح جيدة
وخاصة انه انتة صارت عندك خبرة متراكمة بهذا المجال ؟

[انسان ثاني]

اخ رامي ليش ما تحاول ترجع لهاي الشغلة مادام بيها ارباح جيدة
وخاصة انه انتة صارت عندك خبرة متراكمة بهذا المجال ؟

نعم رجعت خليت 500$ ذاك الشتاء ، اني ما اخلي رصيد هوايه لان ادري بروحي مندفع و اضوج من الخسارة ينكسر واهسي
اشتغلت بيهن و وصلتهن لحد تقريباً 2.000$ سحبتهن و اشتريت بيهن شغلة هههه

و الايام الجاية هم راح ارجع واشتغل بيها

اني خالها من يكون الي واهس وعندي وقت لان اني تقريبا ابقى الليل كله اراقب الموبايل (الشغل يقوى بليل لان يكون نهار بالسوق العالمي مثل امريكا و شرق اسيا) وكون ذهني صافي حتى اعرف اتخذ القرار الصح

بس مشكلتي هل فترة ما متفرغ اقرا واتابع لان گتلك يحتاج تتابع الاقتصاديين تاخذ منهم الاخبار و ع اساسها تبني توقعاتك

[عدنان الواثق]

تدللين خالة



بس خلي اشرحلج شون يصير الاستثمار قبل الرافعة و بعدها




مثلاً خلي نگول رأس مالج 100$ ، استثمرتيهم في شركة بيبسي لانچ متوقعة خلال الايام القادمة راح ترتفع قيمتها السوقية فـ ردتي تنتهزين الفرصة ، اشتريتي بكل فلوسچ اسهم
الطبيعي بهاي الحالة انه راح يصير تقلب بسعر الاسهم ايام تخسرين 10٪ و احياناً توصل خسارتچ 50٪ ، بس انتِ مستمرة وما تبيعين ، لان خالة في بالج انه راح تربحين اكثر من 100٪ خلال شهر ، بعدين تبلش ترتفع القيمة السوقية و يصير رصيدج يوصل لـ 200$ انتِ بهل حالة تعتبرين رجعتي رأس مالج و ربحتي فوگاها 100٪


هاي عرفنا شون يصير الاستثمار الطبيعي او خلي ننطيه اسم العقلاني

نجي للروافع الاقتصادية

انتِ رصيدج 100$ ، تردين تشتثمرين بشركة تتوقعين راح تنمو بشكل سريع و حابة تستثمرين اكثر من 100$ رصيدج الحالي ، بس ماعندج فلوس ، شنو تسوين ؟

تاخذين رافعة اقتصادية بقيمة 900$ من الشركة او المنصة ، يصير رصيدج بهل حالة 1.000$ ، لان اخذتي 900$+100$ رصيدج الحقيقي

تدخلين تشترين الاسهم ، في حال انچ ربحتي 50٪ يعني ربحچ صار 500$ ، تبيعين و تاخذين فلوسچ الي هنه 600$ ، وترجعيلهم فلوس الرافعة الي هي 900$

بس وين المشكلة بالرافعة ، انه بس تخسرين 10٪ الي هي تساوي رصيدج الحقيقي الي هو 100$ راح تبيعج كل شيء و يسترجعون فلوسهم ، يعني تصيرين محكومة بهامش خسارة قليل كلش الي هو يمثل قيمة رصيدج الحقيقي ، اما الربح فـ ما الهم علاقة بيج عسى ما تربحين ملاين همه مايشاركوج بالربح المهم فلوسهم ترجعلهم

يعني تگدرين تسمين الرافعة مثل القرض لكن ما بي فوائد ، اني گمت اشتغل بروافع بقيمة 100.000$ ، واني كل حسابي الحقيقي ما يتجاوز 5.000$ ، ربحت اكثر من مرة بس خسرت خسارة وحدة بيعني ورجعني ع صفر ، مع العلم چنت اني صح بس خاني الوقت ، بسنة 2014 توقعت الدينار العراقي راح ينخفض لحد 1.350 بسبب عدم اقرار الموازنة وخليت حد زمني لحد شهر 8 ، بس بقى محافظ ع سعره 1.900 لحد شهر 5 و الرافعة بيعتني لان خسارتي زادت عن الحد المسموح

بس بنهاية شهر 9 تقريبا انخفض فعلاً اتوقع وصل 1.300 ، يعني اني چنت صح بس مع الاسف خسرت لان استنتاجي چان ابعد بالزمن ، لو ما داخل رافعة اقتصادية چان ربحت بيها هوايه ، بس احيانا الغرور و الاندفاع بـ انك فاهم كلشي وتعرف كل شيء يخليك تخسر بهيج شغلات دقيقة

هي يسموها الرافعه الماليه بالمنصه المهم يعني باختصار معناها انت تدخل مقترض منهم فد مبلغ اضيفه على المبلغ مالتك من تربح راح ياخذون بس راس مالهم مايشاركونك بالربح ومن تخسر هم ياخذون فليساتهم معليهم بكل شي هذا قصدك فاذا خسرت عشره بالميه اذا كان داخل وي مبلغ الاقتراض الف وفليساتك بس ميه ياخذون مالتهم وفليساتك تروح واذا خسرت 5% انت راح ترجعلك بس خمسين والباقيات هم يشفطونهن مو صحيح

[عدنان الواثق]

يرادلج 3سنين يلا يصيرون متابعين عدج باليوتوب
من يصير عدج فوك مليون مشترك يلا ينطوج ارباح

انتي متاكده من هاي المعلومه بس مليون مشترك هواي فما اعتقد هيج يمكن على عدد المشاهدات مو الاشتراك بله تاكدوا من هذا الشي

[عدنان الواثق]

حياك الله

لا القضية ابداً مو حظ ، هذا تحليل واستنتاج مو لعبة مقامرة ، اذا تريد تقامر انطيك اسم منصات و العب بوكر و روليت و اعتمد ع حظك هههه

الشغلة يحتاجلها ثقافة اطلاع مثل ما ذكرت سابقاً ، كون تتابع سوق الاسهم او العملات ، وتعرف الشركات الناشئة الجديدة ، وتشوف ارباحهم وخسائرهم و ع اثرها تقرر هل هاي الشركة راح تكبر مستقبلاً مثل تيسلا او لا

يعني يحتاجلها واحد يخصصله باليوم ساعتين لو ثلاثة بس يگلب بـ الاخبار و المواقع الاقتصادية حتى يصير عنده آفق حول كيفية عمل هل شركات

اني ماچان عندي خبرة بس بيوم من الايام اتصفح بالنت طلعلي اعلانات منصة فور اكس ، گلت خلي اشوف شنو الفلم ، بلشت اتابع الموضوع لمدة اشهر ، بهل اشهر چنت مدمن اقرا عن الشركات واقرا تجارب الي دخلوا هل عمل ، بعدها بلشت و رحت للاردن سويت حساب مصرفي و اشتغلت بي بالنت

ماچان اكو زين كاش و ماستر كارد بالعراق ، هسه صارت اسهل بهواي ، بس ينرادلها واحد حاب الشغلة ويذب بيها جهد ويخلي اباله راح يخسر اول فترة لأنه ماعنده خبرة بس البقاء للي عنده صبر و خلگ چبير

بس انت كلت يا استاد رامي اني اتوقعت شي وصار شي واني صحيح توقعي بس الحظ ماحالفني وتاخر يله انخفض قيمة الدينار مو هي نفس الشي صبيها جبيها يعني تحتاج حظ للتوقع مالتك حتى لو اجهدت نفسك بالمتابعه وتقصي اخبار الشركات ممكن امور هاي الشركه تمام وانت توقعت فد شي بالامور الطبيعيه وهي حاصله بس صار قدر واحتركت مخازن الشركه مثلا او تعرضت لقضيه ما وتخربطت الاوضاع وخسرت مو الحظ لولا سواها الامور هيج ياخويه اذن هي لعبة مقامره صريحه لكن بلون ثاني صحيح تحتاج خبره مو هي حتى لعبة الورق هم تحتاج خبره يارامي الذهب

[عدنان الواثق]

بالايام القادمه راح اسويلكم ملخص لافكار اصدقائنا المشاركين حتى الي مااله خلك يقرأ جميع الردود وخاصة اكو تشابه في بعض المشاريع وحتى نخرج بفائده انتظر افكار اخرى اكثر جديه واقعيه

[آيمـيلُِـي ♪]

طبعا حيل حبيت هالموضوع وطول اليوم واني عقلي يفكر بمشاريع

اثناء رجوعنه للبيت انتبهت اكو مقاهي رجال ماكو مقهى خاص للنساء فقط يعني تجمعات نسائيه ويا ويلكم طبعا من هالتجمعات

والي يفتح هالمشروع يحسب حساب كل ام راح تجيب وياها طفلين ثلاثه يضيف فد ألعاب اضافيه للمقهى هم فكره حلوه وهم المرأة العراقيه تاخذ راحتها يتابعن مسلسل حيره مثلاً بدال ما انتو تتابعون الكلاسيكو الخاص بيكم


هالفكره شبيها بفكرة التكسي النسائي الي انتشرت بكربلاء

[آيمـيلُِـي ♪]

يرادلج 3سنين يلا يصيرون متابعين عدج باليوتوب
من يصير عدج فوك مليون مشترك يلا ينطوج ارباح

ما اعتقد على عدد المشتركين المشاهدات هي الي تحدد وهم تكدرين تروجين للقناة حالها حال اي مشروع

[عدنان الواثق]

طبعا حيل حبيت هالموضوع وطول اليوم واني عقلي يفكر بمشاريع

اثناء رجوعنه للبيت انتبهت اكو مقاهي رجال ماكو مقهى خاص للنساء فقط يعني تجمعات نسائيه ويا ويلكم طبعا من هالتجمعات

والي يفتح هالمشروع يحسب حساب كل ام راح تجيب وياها طفلين ثلاثه يضيف فد ألعاب اضافيه للمقهى هم فكره حلوه وهم المرأة العراقيه تاخذ راحتها يتابعن مسلسل حيره مثلاً بدال ما انتو تتابعون الكلاسيكو الخاص بيكم


هالفكره شبيها بفكرة التكسي النسائي الي انتشرت بكربلاء

فكره مابيها شي اصلا حق طبيعي وخصوصا فكرة الالعاب للاطفال لكن يحتاج مكان في متنزه مغلق فقط نسائي يكون اكثر امانا وهذه الفكره في بقية البلدان مطبقه عمليا ممكن انضيفها للعراق واني اعتبرها شي حلو خصوصا اذا كان روادها من السيدات الكبيرات بالسن والفتيات فيكون ربح المشروع كبير جدا.

[Laraa]

حبيت الفكرة جدًا

بالنسبة الي قبل لا اتعين وبعد تخرجي من الكلية اتفقت ويه مكتبة اطبع بحوث او اي شي متعلق بالطباعة واني بالبيت من اخلص اروح اسلم الشغل طبعًا مطولت هواي لان بوقتها انقبلت ماستر وطلع تعييني فتركت الشغل والدراسة .

من الافكار اللي ممكن الاستفادة منها هي الاشغال اليدوية مثل الرسم على الزجاج
طبعًا هذا الفن ميزته سرعة التعلم و ممكن يتم استخدام بدائل لادوات الرسم بحيث يتم التوفير
والقطعة متكلف عند انجازها وبنفس الوقت تُباع بسعر مرتفع كونها صنع يد ، ايضًا دخلت بهذا المجال بس مشتغلت بي لان عمل الاوردرات يحتاج مزاج واني كنت ارفض انجز عمل الا اذا اكون محابته بس صديقاتي كانوا يشتغلون بي ومازالوا رغم موظفات كانوا يطلعون مصاريف اولادهم ومصاريف اخرى من ايرادات هذا العمل
وطبعًا اعمال الكروشية ايضًا مرغوبة وبمنتهى السهولة ممكن تعلمها من خلال اليوتيوب

الفكرة الاخرى واللي درجت بهذه الفترة الى حدٍ ما هي تربية الحيوانات مثل الكلاب او القطط و بيعهم بصراحة اني ضد بيع الحيوان لكن ممكن ان كان الشخص محتاج لمصدر رزق وهذه الفكرة موشرط تحتاج الى بيج على الاقل ببداية المشوار ممكن يتم العرض عن طريق كروبات تربية الحيوانات او اكو تطبيق لعيادة الكرخ يتم من خلاله نشر الحيوان وبيعه ، هذه الفكرة تحتاج رأس مال جيد اهتمام وتركيز لان العناية بالحيوان مو سهلة من ناحية نظافته والاكل المناسب وغير الضار والفيتامينات وطبعًا بمرور الوقت اكيد يتم كسب معلومات كثيرة وايضًا مشتغلت بيها لكن عندي كلب بالبيت واخذته من بنت تشتغل بتربية وبيع الحيوانات كونها ايضًا خريجة بلا تعيين .

امنياتي للجميع بالتوفيق