بصراحه مشروع راقي جدا وخصوصا اذا كونت زبائن وهذا يعتمد على العمل الجيد في اتقان الطبخ ونظافة المكان والاسلوب الجيد في معاملة الزبائن وهذا ضروري لكسبهم على الدوام وتغيير اجواء المطعم بأستمرار مما يجذب الناس على مستوياتهم ...فكره رائعه سيدنا لكن تحتاج مصدر داعم وممكن تذليل العقبه بمشاركة صديق ...نورت بعد غيبه طويله كل الودالمشاركة الأصلية كتبت بواسطة ضياء الصافي
المشروع الزين
مطعم مال باچه ، اويلاه يا يبره
الخياطه فن وابداع وسهلة التعلم مشروع جيد وبأمكان كلا الجنسين العمل فيه صحيح البدايه تكون بسيطه مثلما تفضلتي لكن بالجهد والابداع ممكن تحقيق مكسب مالي مهم ..شكرا عزيزتي على المشاركه المهمهمادري ادورني ماالكاني
اني اكثر انسانة فاشلة بالاستثمار ههههه
بس حقيقة شفت هواي مشاريع دارجة هالفترة كاتبيهن الاعضاء حلو ممكن الواحد يستفاد منهن..ويبقى حبك لكل عمل تقدمة هي نقطة البداية لهذا دائما احب الي يدعم موهبته ويحولها لعمل لان راح يبدع بيها ومتاكدة يتوفق من كل النواحي سواء مادية ومعنوية
ماكو مشروع مربح من اول يوم لازم تتعرض للخسارة المادية لهذا خلي حبك وطاقتك الايجابية هي رأس المال وانطلق كل شي يجي بوقته ولا تعتبر اكو شي اسمه خسارة طالما اول خطوة الك فهي ربح وخبرة للمستقبل
عن نفسي اني اشتغل بمشروع الخياطة الي تحب وعدها القدرة تنمي هذا المشروع فهو مشروع ممتاز يمكن بالبداية ما راح تشوفين وارد مادي جيد بس ماراح تخسرين
وربي يوفق الجميع
نورت امير كل الود وحضورك الذي يشبه تلك الفاكهه في غير اوانها فلاتجلب الا مغطاة واتمنى لو غطيت على الدكتور واشعاره بما تريد قوله وانا واثق انك صادق النيه في محاربة اي ظاهرة سيئه والتمسك عذرا...انا اتمنى ان تشاركنا بأفكار المشاريع التي تخدم الجميع مع كل الود
انا عليه الاكلبصراحه مشروع راقي جدا وخصوصا اذا كونت زبائن وهذا يعتمد على العمل الجيد في اتقان الطبخ ونظافة المكان والاسلوب الجيد في معاملة الزبائن وهذا ضروري لكسبهم على الدوام وتغيير اجواء المطعم بأستمرار مما يجذب الناس على مستوياتهم ...فكره رائعه سيدنا لكن تحتاج مصدر داعم وممكن تذليل العقبه بمشاركة صديق ...نورت بعد غيبه طويله كل الود
ادور على اليشاركني بالاموال
هههه
موضوع جد مهم وناجح هو موضوك عسى ان يجد من يبحث عن مصدر رزق هنا مشروعه
للطرفة كان تعليقي
تحاياي و ودي صديقي المحترم
سيد ضياء الغالي ما أشوقنا الى طرافتك التي طالما عشقناها وكنت دائما خفيف الظل تلطف الأجواء بهذه الحسجه الجنوبيه وقفشاتك التي لاتمل
فأنا اعرفك جيدا يانقي السريره فلا تطول غيابك وعاود ماسنحت لك الحياة مع خالص ودي ياصديقي العزيزومزيد من مشاركاتك الجميله ومشاريع عمل نستفاد منها حتى وأن كانت مجرد خاطره او فكره عرضيه تفضي الى عمل ما ربما يلتقطها احد هنا اوهناك ولكم فيها سبب يضاف الى سجل حسناتكم ...
فكره رائعه استاد ابراهيم وانت لم تكن رماد يوما بل دائما تتوهج ابداعا هكذا عهدناك وهذه الاضافه لجملة مشاريع الاصدقاء بالفعل مشروع يحتاج فقط اشياء بسيطه وهو جدا ناجح حسب مااعتقد لحاجة السوق لهذه الماده لكن فقط مراعاة الجوده على قدر المستطاع لانها ركن النجاح والديمومه شكرا لك على المشاركه الاكثر من رائعه بحق
اكو مشروع انتشر بالفترة الاخيرة هي صناعة الريزن بالمنزل.. اعتقد يفيد بنوتاتنا اكثر من الشباب..
وفدشي كُلش لطيف ويآسر. بس لتبدي اذا معندك دخل يقدر ب٣ ملايين ع الاقل.. وابدي صفحات ع الفيس انستا تيكتوك يوتيوب وروجلهن.... مشروع ناجح كُلش..
وشفت بالانستا مشروع الاكواب يرسمون عليهنن بالصلصال او ميداليات من نفس الصلصال وهذا مثال
اشوف الاولاد الي عدهم وفرة مالية ان يفتحون مشاريع فمشروع الحلواني السوبر ماركت والgim نسائي..
الي عندة هواية يا ريت يشتغل عليها لان حيبدععع..
متابعة مصممات ع الانستا.. اكو منهن فقط تصميم ويودوه للخياطة هي تشتغلة واكو تصميم وخياطة هن يسوونه..
وتبيعة للتصميم وتكدر تفتح بوتيك أصلاً..
مشاريع بوكسات الهدايا تكون بسيطة وميحتاجلها مكان ثابت ممكن من البيت تسوي..
اممم نسيت بعد اذا تذكرت اجي اضيفة..
طبعاً قريت كُل التعاليق وكُلهن واقعيات...
شُكراً عدنان...
مشاريع جدا لطيفه بصراحه ومشاركتج جدا مهمه صديقتنا الرائعه ساره الطائي شكرا لكل هذا الحضور الرائع اما بالنسبه لما طرحتي من افكار فهي واقعيه وتنم عن المام جميل بكل مايمكن فعله على الاقل في مواكبته عصر التكنولوجيا ومايمكن الاستفاده منها
بالمناسبه وعدت بايجاز كل المشاريع المطروحه لكن انتظر المزيد والغير مطروق وهناك الكثير الذي في جعبته جمله من الافكار فمرحبا بالجميع
موضوع راقي وقمة بالعطاء
حبيته كلش
الشغل الذي يحمل لمسة ابداع ومهارة دوما يفوز خاصة الطلب صاير عالشغلات اليدوية
التطريز وفن الرسم عالحقائب اليوم منتشر بكثرة خاصة بالمدارس وعليه رغبة بالسوق وتكلفته كراس مال بسيط وربحه حلو وينطي مهارة وذوق
ومتوفرة المواد الاولية بالسوق
تفتح صفحة عالنت بالطلبيه
وتشتغلها حسب طلب الزبون
المشروع الثاني
اذا عندك امكانيه شراء ستوته وبيع ماء اورو ايضا مربحة ولكن تحتاج راس مال
تفتح قناة عاليوتيوب بأختصاصك وحاول بين فترة وثانيه تسوي سفرة وتنقل تجربتك لمتابعيك كسر للملل.
مشروع كوفي صباحي لطلاب المدارس والجامعات وطلبة الدراسات العليا حيث اجد صعوبة في ان يجتمعون باماكن توفرلهم الراحة والهدوء... يعني مشروع ضخم لكن منتج... ان تخصص بي فروع بي مكتبة عامة و انترنت و حاسبات و استنساخ والة طابعه
حيث يستفاد منها الطلاب و جعل كارت للمشتركين مثل نادي شهري وياريت هناك يكون ركن مخصص للاطفال لقراءة القصص لهم و العناية بهم على الساعة ياخذ اجر بحيث تتمكن الام من ممارسة هوايتها وابنها تشجعه عالقراءة... هذا حلم من احلامي طبعا شاركته هنا
لان الطفولة والامومة عدنا مغبونة
لا يوجد اماكن سوى ترفيهيه او مطاعم
نحتاج نادي مخصص لتنمية مهاراتهم واندماجهم بمجالات ثانيه غير البيت بحيث تتخلص من ضغوطات المنزل برفقة ابناءهها وتشاركهم هواياتهم
وان شاء الله اي فكرة بالي تجي اشارك بيها.
اتذكرت
اكو بالي فكرة تجنن
الي عنده امكانية يأجر ساحة او ارض بالزراعي يشتري و يصممها للالعاب الرمي بالكرات الملونةلعبة البينتبول
راح تكون فكرة راقية و لها جمهورها بين الطلاب و الناس
وشكرا
رد مع اقتباس
