نورت استاذنا الجليل صحيح كلامك بالبدايه لازم المعرفه قبل كل شيءالمشاركة الأصلية كتبت بواسطة الرميثي
نورت استاذنا الجليل صحيح كلامك بالبدايه لازم المعرفه قبل كل شيء
حلو مشروع عقلاني لكن يحتاج ممارسه وقبلها مثابره وجهد حتى يتقن العمل نورتي كثيرا
هناك مشروع.. خط
مايكلف هوايه تكاليف..
إن كنت خطاط فالامر جدا يسير.. تستخدم بنتلايت.. وقماش رخيص المتر ب١٠٠٠ دينار او اقل.. ابيض.. وتحتاج اسود.. اسود أكثر الاستخدامات هاللونين..
بالمناسبة اتقان وتعلم الخط ليس صعبا... فقط تاخذ كراسه وتشتغل عليها.. الحروف ٢٨ حرف.. كل حرف ياخذله يوم.. يومين.. تتقنه بخط الثلث أو الرقعة.. اغلب القطع تستخدم هالنوعين من الخط..
وان لم تكن خطاط.. فقط حاسبة إلكترونية والخطوط جاهزة تستخدم برنامج الوورد.. وبرامج الخط.. كثيرة جدا... وإذا ردت تبدع أكثر... نصب برنامج الفوتوشوب..
نفذ القطعة اللي تريدها.. وتاخذهه بفلاش لأي مطبعة فيلكس ينفذلكياهه بسعر رخيص.. تستفاد من هذا الثمن البسيط وتسلم منتجك للزبون بعد ما تضيف هامش ربح مناسب الك..
تكدر اذا عندك سياره تسوي بيها خط طلاب حتئ البنات تكدر تسوي ويا صديقاتها خط ترا عادي مابيها شي
اعمال فنيه تسويها البنات خلال فتره الامتحانات للابتدائيه والثانويه لان يطلبون اعمال
اذكر سنه من جنت بالاعداديه اجن بنات يبيعن علينه اعمال لان جان عدنا معرض بسنه2018
واكو بنات يشترن بيش مجاان
تكدر تفتح بالات بمنطقه مابيها هيج محل: 4: بس كون اسعار مناسبه مو تبيع ب10الف القطعه وتكول محد يشتري مني.
تبيع بهارات وتوابل بمنطقه تفتقر الئ هيج محل
من اذكر اجي اكتب
نورتي سنديلا العزيزه بالنسبه لمشاريعج واقعيه ومناسبه لكلا الجنسين لأنها فنيه بحته وتحتاج مهاره لكن مو صعبه ومردودها المالي جيد قياسا للتكلفه اما بالنسبه للدعم لاتتوقعين احد يدعم احد احنا الي نخلق الدعم لذاتنا من خلال الثقه بالذات والجهد قد نكون هنا كأصدقاء ممكن ندعمج معنويا ونشد على ايدج وبالمناسبه اكو الكثير هنا او بمحيطج ربما يشاطرج الفكره لكن ممكن نعمل كروبات ونبلش اقصد مع صديقاتج
فكره مندثره نادراً ما تجد هيج مواهب احاول اسعى اكثر شكراً
اكو فد فكره أيضاً بس ما اعرف ارباحها شلون تصير
ممكن واحد يستغل عنده فد موهبه يكدر يفتح قناة على منصات التواصل مثل يوتيوب او تيكتوك
بالذات الاشياء الي تخص الاطفال
وأيضاً الي يعرف شغلات اكثر عن معاهد الحاسوب والبرمجيات ولغات البرمجه يكدر يفيدنا
وبعد شنو اكو معاهد كهربائيه تكنولوجيه واحد يكدر يستفاد منها
تدللين خالة
بس خلي اشرحلج شون يصير الاستثمار قبل الرافعة و بعدها
مثلاً خلي نگول رأس مالج 100$ ، استثمرتيهم في شركة بيبسي لانچ متوقعة خلال الايام القادمة راح ترتفع قيمتها السوقية فـ ردتي تنتهزين الفرصة ، اشتريتي بكل فلوسچ اسهم
الطبيعي بهاي الحالة انه راح يصير تقلب بسعر الاسهم ايام تخسرين 10٪ و احياناً توصل خسارتچ 50٪ ، بس انتِ مستمرة وما تبيعين ، لان خالة في بالج انه راح تربحين اكثر من 100٪ خلال شهر ، بعدين تبلش ترتفع القيمة السوقية و يصير رصيدج يوصل لـ 200$ انتِ بهل حالة تعتبرين رجعتي رأس مالج و ربحتي فوگاها 100٪
هاي عرفنا شون يصير الاستثمار الطبيعي او خلي ننطيه اسم العقلاني
نجي للروافع الاقتصادية
انتِ رصيدج 100$ ، تردين تشتثمرين بشركة تتوقعين راح تنمو بشكل سريع و حابة تستثمرين اكثر من 100$ رصيدج الحالي ، بس ماعندج فلوس ، شنو تسوين ؟
تاخذين رافعة اقتصادية بقيمة 900$ من الشركة او المنصة ، يصير رصيدج بهل حالة 1.000$ ، لان اخذتي 900$+100$ رصيدج الحقيقي
تدخلين تشترين الاسهم ، في حال انچ ربحتي 50٪ يعني ربحچ صار 500$ ، تبيعين و تاخذين فلوسچ الي هنه 600$ ، وترجعيلهم فلوس الرافعة الي هي 900$
بس وين المشكلة بالرافعة ، انه بس تخسرين 10٪ الي هي تساوي رصيدج الحقيقي الي هو 100$ راح تبيعج كل شيء و يسترجعون فلوسهم ، يعني تصيرين محكومة بهامش خسارة قليل كلش الي هو يمثل قيمة رصيدج الحقيقي ، اما الربح فـ ما الهم علاقة بيج عسى ما تربحين ملاين همه مايشاركوج بالربح المهم فلوسهم ترجعلهم
يعني تگدرين تسمين الرافعة مثل القرض لكن ما بي فوائد ، اني گمت اشتغل بروافع بقيمة 100.000$ ، واني كل حسابي الحقيقي ما يتجاوز 5.000$ ، ربحت اكثر من مرة بس خسرت خسارة وحدة بيعني ورجعني ع صفر ، مع العلم چنت اني صح بس خاني الوقت ، بسنة 2014 توقعت الدينار العراقي راح ينخفض لحد 1.350 بسبب عدم اقرار الموازنة وخليت حد زمني لحد شهر 8 ، بس بقى محافظ ع سعره 1.900 لحد شهر 5 و الرافعة بيعتني لان خسارتي زادت عن الحد المسموح
بس بنهاية شهر 9 تقريبا انخفض فعلاً اتوقع وصل 1.300 ، يعني اني چنت صح بس مع الاسف خسرت لان استنتاجي چان ابعد بالزمن ، لو ما داخل رافعة اقتصادية چان ربحت بيها هوايه ، بس احيانا الغرور و الاندفاع بـ انك فاهم كلشي وتعرف كل شيء يخليك تخسر بهيج شغلات دقيقة
حياك اللهرامي الحبيب بصراحه اذهلتني جدا ويجوز راح اني ابلش بيها بس يرادلها شويه تركيز لان الخساره على حجايتك تهبط العزيمه وممكن توضح اكثر واكثر بشيء من التفصيل هذا من جهه والشيء الاخر الحلو بالموضوع فكرة المشروع ممكن ان تكون للجنسين ومابيها جهد فقط لعبة حظ او توفيق وبصراحه اني راح انذر طلي من الربح واذبحه واوزعه بالدرر على اول الف دولار احصله وهذا الطلي حاضر تفضلوا حتى اجنبي من كاعه بعد بالدولار
لا القضية ابداً مو حظ ، هذا تحليل واستنتاج مو لعبة مقامرة ، اذا تريد تقامر انطيك اسم منصات و العب بوكر و روليت و اعتمد ع حظك هههه
الشغلة يحتاجلها ثقافة اطلاع مثل ما ذكرت سابقاً ، كون تتابع سوق الاسهم او العملات ، وتعرف الشركات الناشئة الجديدة ، وتشوف ارباحهم وخسائرهم و ع اثرها تقرر هل هاي الشركة راح تكبر مستقبلاً مثل تيسلا او لا
يعني يحتاجلها واحد يخصصله باليوم ساعتين لو ثلاثة بس يگلب بـ الاخبار و المواقع الاقتصادية حتى يصير عنده آفق حول كيفية عمل هل شركات
اني ماچان عندي خبرة بس بيوم من الايام اتصفح بالنت طلعلي اعلانات منصة فور اكس ، گلت خلي اشوف شنو الفلم ، بلشت اتابع الموضوع لمدة اشهر ، بهل اشهر چنت مدمن اقرا عن الشركات واقرا تجارب الي دخلوا هل عمل ، بعدها بلشت و رحت للاردن سويت حساب مصرفي و اشتغلت بي بالنت
ماچان اكو زين كاش و ماستر كارد بالعراق ، هسه صارت اسهل بهواي ، بس ينرادلها واحد حاب الشغلة ويذب بيها جهد ويخلي اباله راح يخسر اول فترة لأنه ماعنده خبرة بس البقاء للي عنده صبر و خلگ چبير
يرادلج 3سنين يلا يصيرون متابعين عدج باليوتوب
من يصير عدج فوك مليون مشترك يلا ينطوج ارباح
رد مع اقتباس
