هنا

[فقار الكرخي]

السلام عليكم

البارحة اكو ولد رحنه نخطبلة مرة
كال اريدك تجي ويانة علمود الهوسة
وعيب كدام العالم اريد اتباها بأقاربي واصدقائي كدام العالم

يابة وين بيت العروس جان يكول بالفضيلية

المهم كشخت ورحت بسيارتي
وطلعنة ٥ سيارات الساعة ب٣ الظهر وكلنا يا الله
وما وصلنا هاي الفضيلية اله ب٥ ونص بتلفات الدنية
على ما انتظرنة السيد اليعقدلهم
اخذناه من الطريق ورحنه

طبعا المنطقة جدا مزعجة كلها طليان وهوايش وجلاب
ومابيها شارع مبلط
والعجاجة مال التكاتك واصلة البعكوبة
احنه هذني بس بالفيس انشوفهن

المهم وصلنه البيت ودخلنا
همه جانو ينتضرونة بالباب معكلين

يمكن عدهم ٤٥٠ جلب

اني جاي ادخل من الباب وجان اكو جلب نايم بصف الباب
وجان ادوس على رجلة ما ادري بي
وجان يعيط ويجلب برجلي

جلب صغير مو جبير
ولك هدني اضربة بيدي ماكو
وجان انفض رجلي حيل
طار الجلب وجان يصير بحظن طفل من عدهم اهل العروس
والطفل ضل يعوي
ويكول بوية عضاني جلب
ولك وين لحك يعضك
وشكد عيب ذيج الفشلة الزينة

وانوب عم العروس الخطبة كلها بس يخزر بية

وشوفو هاي اثار سنونة الابن الكلب



ومارجعنة اله ب١٠ بليل عبالك رايحين للبصرة
وكبل للمستشفى كتلهم عضني جلب ضربوني ابرة
والعريس خربان ضحك ابن الهر

يا روحة الكشرة

[المستشار القانوني]

السلام عليكم

البارحة اكو ولد رحنه نخطبلة مرة
كال اريدك تجي ويانة علمود الهوسة
وعيب كدام العالم اريد اتباها بأقاربي واصدقائي كدام العالم

يابة وين بيت العروس جان يكول بالفضيلية

المهم كشخت ورحت بسيارتي
وطلعنة ٥ سيارات الساعة ب٣ الظهر وكلنا يا الله
وما وصلنا هاي الفضيلية اله ب٥ ونص بتلفات الدنية
على ما انتظرنة السيد اليعقدلهم
اخذناه من الطريق ورحنه

طبعا المنطقة جدا مزعجة كلها طليان وهوايش وجلاب
ومابيها شارع مبلط
والعجاجة مال التكاتك واصلة البعكوبة
احنه هذني بس بالفيس انشوفهن

المهم وصلنه البيت ودخلنا
همه جانو ينتضرونة بالباب معكلين

يمكن عدهم ٤٥٠ جلب

اني جاي ادخل من الباب وجان اكو جلب نايم بصف الباب
وجان ادوس على رجلة ما ادري بي
وجان يعيط ويجلب برجلي

جلب صغير مو جبير
ولك هدني اضربة بيدي ماكو
وجان انفض رجلي حيل
طار الجلب وجان يصير بحظن طفل من عدهم اهل العروس
والطفل ضل يعوي
ويكول بوية عضاني جلب
ولك وين لحك يعضك
وشكد عيب ذيج الفشلة الزينة

وانوب عم العروس الخطبة كلها بس يخزر بية

وشوفو هاي اثار سنونة الابن الكلب



ومارجعنة اله ب١٠ بليل عبالك رايحين للبصرة
وكبل للمستشفى كتلهم عضني جلب ضربوني ابرة
والعريس خربان ضحك ابن الهر

يا روحة الكشرة

هههههههه طرشة الگشرة.... يالله.. افرح لبن العم تحتاج ايامه

[غروب]

هذا جرح مال اسبوع على وشك الشفاء يا اخا العرب ههههههههههههه

[عدنان الواثق]

هذا مو جلب بس انت تجامل عم العروس لان ضاربك سجينه والسبب انت تعرفه اكيد شفت شوفه وطبعا ماتكعد راحه والشوفه دسمه بعد رابيات عالدهن الحر مربربات وحقك طبعا

[ملكةه]

تاليتك تاخذلك مره من عم العروس

[عـــلي]

سلامتك ومتشوف شر ياخ احساس شاعر ههههههه

[ايليتا]

مبارك عليكم... واكو مثل ايكول
عرضة جلب ولا عرضة حصيني
يعني ابشر... المشية الجاية مالتك... انطاك مراد

[أبن الاشتر]

انا اشوف هذا الجلب اشارة
ايكلك هاي سالفة الزواج والخطبة مو دربك شنو اللي جابك هنا .
ويقول لك اليوم بالخطبة عضيتك وانا زغيرون .
بس تزوج الا يجيك ابوي ابو الجلب هههههه ويعرف وين يعضك
واشلون ياخذله وذرة منك.
فبطل لاتورط الشباب .خل الوضع يهدأ وروح زوج العالم
موهسّة

[عضوية محجوبه]

هههههههههه سلامات ان شاء الله

[تّـفـاَصيلـٓ]

قبل اسبوعين جنت هناك بس كلها الشوارع مبلطيها ترا و بعد بيها شغل
ونادر تلكي حيوانات كلش قليل صارت بيها تربية مواشي
اعتقد رايح الغير منطقة انت

المهم الحمدلله على السلامة