هنا

[ᎬᎠᏔᎯ ᎡᎠ]

مساء امس السبت بتاريخ 10/9 رحت للسوك اجيب طماطيات خيارات جزرات بصلات اسوكت علاكتين وحدة بيها طماطة كيلوين الكيلو 750 دينار وحدة بيها بيتنجايات كيلوا ب 500 دينار كلت خل ادخل بالسوك كلش بلكت الكي بانية ناعمة شفت كدامي ازدحام نسوان يتعاركن على بدلات المدرسة تكلها ماما ما يقبلون هذا الزي تكله لعد ما اتشوفيهن نار منين اجيبلج من شيب ابوج اكو ولد كدامي اشتره معجون وطلع ورقة لابو المحل وابو المحل كلي عندك خردة وانه ماخذ 15 الف عموما جان معلك على حايط المحل خنجر عثماني ما سئلته المن
ولابس محبس داوودي من يشيل الاوزان يلمع بالكلوب ابو 400 الي معلكة ومنزلة قريب على المخضر
اشتريت بقن عندي 10 الاف ضميتهن بجيب التراك
مشيت زايد وجان يطخ بيه حجي وتوكع علاكة البتيتة جانن 6 بتيتايات اربعة كبار و3 ناعمات يصيرن مرگه
لزم بالبجامة وسحبها ليجوة واستحيت وشمرت روحي وياه ع الكاع
كتلة حجي اسف ولمتهن وياه شفت بجيب الدشداشة حرز وكلت الحجي مريض الله يشافية جان يروح الحجي دخلت لابو اللحم كتلة خليلي نص كيلوا لحم مديت ايدي على جيبي ما لكيتها الله لا يوفقك ابو لحية البيضة

[Aya']

راحن فلوسك
الله يعوضك

[ᎬᎠᏔᎯ ᎡᎠ]

راحن فلوسك
الله يعوضك

الحجي طلع خبره

[شمس خلف السحاب]

[سومري 13]

لا تتهم بختك ايجوز افلوسك طفرن بجيبه من الضربه

[شمس خلف السحاب]

هم يجوز طاحوا على الأرض وانته مملتفت

[زينب | ١٤٢٤ هـ]

ههههه خمطهن الحجي

[فراشه‍]

المفروض تلزم حجره كبيره شويه وتركض وراه وتضربه بيهه وشنو يصير بي يصير ياريت وياي هذا الموقف صاير مااتركه حتى لو كانت مبلغ قليل وما يستاهل .. لازم اخذهم منه واعلمه درس طول عمره ما ينساه مثل هجي ناس ماينتركون ولازم يتعلمون حتى ميعيدوها ^^

مااعرف شتكولك صراحة المهم ما اتأذيت من وكعت

[أبن الاشتر]

ههههههههههه

معقولة هيج اكو خطاف بالبلد ابجرة بجامة يخمط عشر تالاف .
زين اذا جر بنطرون شيخمط .
اتاكد زين يمكن ابو الخضرة مارجعلك الباقي .
وباقية في بالك عشر تالاف .

[ᎬᎠᏔᎯ ᎡᎠ]