طبع الورد
...............
ياكلبي كافي حزن.......... مرت ايام اهواي
مو بيك جل النبض. شعندك بعد من راي
الراح ابد مايرد
المن بعد هالنشد
تسأل الرايح جاي
اتعاتب وي الزمن.... ....صفنات ليلي قسن
بين الحزن والناي
...... ... .......................................... ....
بلجفن ماظل دمع.....علفركه محني الظلع
اتنطرك. لاوين
مولح صبي العين
ماظل بعد كل امل.....ضعن التحبهم رحل..راح وبعد ماسأل
لاتحسب ولا تعد
مو تدري طبع الورد
عن غصنه من يبتعد
ينكطع عنه الماي
......... .......... ....... ...................... ...............
اصحه ولك ياكلب... اصبح بعيد الدرب
جرحك بعد ماطاب
من راحو الاحباب
ليل المواصل كظه..ظل بيك جمر الغضه. وكل المعاتب كظه
وشظل بعد بلعمر
مو طفح كاس الصبر
الوكت قاسي وياي..
ياكلبي كافي حزن.. مرت ايام اهواي
.................................................. ..... ........
م.
رد مع اقتباس
المشاركة الأصلية كتبت بواسطة خالدالسعد
