تطوير_الذات
شلون اعرف نفسي حلوة او لا
ما يحتاج تفكرين .. لأنج حقيقة حلوه فعلا وهاي مو مجرد كلام . أذن وين المشكله؟… المشكله هي :-
دتقارنین اشیاء ماتحبيها بيج بغيرج من زاوية نظرج الصغيره لأنج مدا تشوفين كل الصوره. البشر عاده ينسون النعم ويدورون عالمفقود بغيرهم ، وينسون انه ماكو احد كامل.
دتقارنين نفسج بمعايير المجتمع. بيضا شقرا حمرا وزنها كذا طولها كذا..ابدا لا تسوين هيج لأن كل يوم حتلگين تريند جديد وملاحقتج لمعايير المجتمع تخسرج هويتج المميزه
احد زرع بیج كره لصفه بيج. تخيلي تباوعين لنفسج بمرايا مكسوره؟!! ابدا لا تاخذين رأي الناس بشي بيج ك Validation
اهم شي نظرتج لنفسج هي تعكس عالخارج وماكو بنت مو حلوه اذا عالجمال الخارجي كل شخص اله جماله وكيف يداريه. لو اكو شي مخليج مو مرتاحه ممکن ترتبيه بالشكل المريح لأنج انتي عاجبج. مو حتى تعجبين احد. لأن الناس يوم ترفعج يوم تنزلج.
بالنهايه الافضليه مو لأن فلان احلى من فلان. الله راح يقيمنا على نوايانا وصفاء قلوبنا وليس على اشكالنا
رد مع اقتباس
المشاركة الأصلية كتبت بواسطة ايليتا
