ريح اعتذارك
.....................
ظني نجلاتك...
اكتبهن علرمال...
كلت وي ريح اعتذارك ينمحن....
وحسبت كل الحصل..
منك دلال...
توهمت.....ثاريك متراهن رهن...
لو تمر مره جذب...
تسأل سؤال..
ذكرياتك بلنبض..
يترادفن...
يروحي عايش...
وانته بحساسي خيال...
بيا بخت عكبك...
أنه عيوني عمن...
يلحسبتك بلمحبه...
اجمل مثال..
شو ليالي افراكك اعليه شقسن...
صعبه كلت انساك...
بل هذا محال...
الرسمك ...
اعيوني يغالي تعودن...
وياك ماعندي ذنب يبن الحلال.
ماني كتلك...
كلبي الك اصبح سكن..
هموم منك صارن بثكل الجبال...
وشيفيد النوح...
وسنيني جزن...
هوايه ماخذ انته من طبع الغزال...
كمت ترعه
بروضي خلاك الزمن..
روج بحرك خذني. .
وي ريح الشمال. .
وعله برك سفن روحي مارسن...
عمي حزن من العنب..
رد السلال...
يلسمتنه بساع...
وبلايه ثمن...
اعليك ما اعتب....
ولا عندي جدال...
هوايه طعناتك بروحي غرزن...
ضاع كلشي ابينه...
ومامش وصال...
خلاف عينك تدري عاشرت الوسن . .
...............................................
بقلم الدغاري
رد مع اقتباس
المشاركة الأصلية كتبت بواسطة تّـفـاَصيلـٓ
