شكراً زنوبة ..المشاركة الأصلية كتبت بواسطة زنـہوبـہهہ
علاوي والله زين متحمل
شددعي عليه بهالتوقيت
لا عادي .. الحياة تجارب ..
اصعب شي مر عليك بكل عمرك
أكيد المرض ..
سنه من سنين مرت عليك بقسوه ياهي ياسنه
من ٢٠١٦ - ٢٠١٨
لحكت ع حروب اللي صارت قبل الالفين
والله يعني أتذكر حرب الكويت جان عمري ٧ سنين ..
موقف طريف مر عليك من ماضيك
المواقف هواي لكن مرة ب٢٠٠٣ جنت رايح للدوام والأمريكان قاطعين الشارع بأسلاك شائكة .. وآني
مشتري ملابس جديدة ومكيف أول يوم دوام .. وما أحس نفسي إلا بوسط الأسلاك الشائكة وهدومي صارن
فلم هندي والناس تضحك عليّه ..
صدك ساعتها يا كاع إنشكي وطميني هههههههه
طفولتك وزمن التسعينات شلون جانت
أيام فكر وحصار .. أيام صعبة مرة على جميع العراقيين
برايك العراق الئ اين يذهب
العراق يمرض ولا يموت .. نتأمل خير بالأجيال الجديدة
تعدل الوضع وترسم طريق لنفسها ..
هم بايام زمان لعبت دعابل
طبعاً شلون ما لعبت ..
هم جنت تلعب طوبه
إي جنت مدافع ..
تزوجت عن حب لو تقليدي
تقليدي
شنو شعورك من اجت ملاك للدنيا
والله كانت من أسعد اللحضات بحياتي
قلب أبوها وروحي من الدنيا والنفس اللي أتنفسه ..
احجيلي عن شعور الابوه
تربية البنات مسؤولية مضاعفة ..
آني أعاملهن معاملة الأخ والحبيب قبل الأبوة
الله يحفظهن حبيباتي ..
من صرت اب هم تذكر ابوك مثلا تكول ابوي هم جان يتعب هيج علمودنه
طبعاً أبويه لحد قبل سنة جان يشتغل ..
بيتك حواسم لو طابو صرف
طابو صرف الحمد لله ..
هم ساحب قرض
لا ما ساحب .. ما أحب سالفة القروض
بس مسوي سلف
