هنا

[ارجع يازمان]

الليل متحدي واجاني
زامطيته وزامطاني!!
لو تغركه ادموع عيني,,لو أطيح أكباله اني!
اتراهنينه,,
ابلعبة الموت ابتدينه,
وانعدم صووت الاماني!
هو يسحب بالدموع ,,وانه اسحب بالثواني!
رته يخلص قبل لا تخلص ادموعي,,
وضلت اوشالة دمع... بس الفجر ما طر مكاني!
اشوهدناني
وراهنيته!
بهيج ليل اشورطاني!
اليوم واحد منا يخلص ,, ردت عطوه وما نطاني!
ماكو حاجوز اليجينه!,,
كابليته _ وكابلاني!!
!الدمع بعيوني أحسه,,اوشالة اشموع ابصواني,,
الساعه بالثنتين صارت,,
ومدري ساعتهه اشعماني!!
امدخنات ادموعي تطلع,, جنها جمرات ابكواني!!
ضلت الساعه الأخيره ,
وكام يتعزز عليه! الدمع شو ما سانداني!!
اشلون ليلي الما يفارك,,, والدمع لو فاركاني!!
من كثر عصرات عيني,,
الرمش سجين أحسه وجرحاني!
ساعه ويأذن المؤذن,,وأطرد الليل اللفاني!
بعد ما اسمحله يرجع ,,الليل ياما عذباني!!
بس حجه احجايه قويه!!
صادقه ابكل المعاني!
الليل كال انه صديقك,, يوم ما راحوا احبابك
مانسيتك ليله اني!!
صدك ما ناسيني ليلي,, مو مثل ذاك النساني!
سامحيته
ابكثر ما مر سهراني!!
وكمنه صلينه سويه ,,لا كضيته ولا كضاني!!
لا كضيته ولا كضاني,,
حسين االساعدي