هنا

[ارجع يازمان]

انه العطشان ,,, مو للماي
عطشان,,
أرد اشوف انسان!
جان السبب
لأفراحي
وفاركني وصرت حزنان!
لا تعتقد بالدمعات,, تنصب عله الياهو الجان,,
لا يفلان
المواقف تفرض اعله الناس,,هيه اتحرك الوجدان!
لا تعتب عله المجبور,,
اذا يرحل بلا عنوان!
واذا ورده غزاها الشيب,,, لا تعتب عله البستان!
ورده التنترك تشتاك,, يشتمها الصدك ولهان!
لا تستعجل ابأحكام
اذا ما بيدك البرهان!
...
يمكن بالاساس الصوج ,
اذا تتهدم الحيطان!
اذا ما ساون الكفات,, ما يتصفر الميزان!!
كون امبادل الجيات,, حتى اتناصف الأوزان
ديوان الهلا بالجاي,,
ميخلي البخت زعلان!
...
يوم المالفوا خطار,,
الدله اتعاتب الديوان!
حلوه لمة الاحساس,,مابيها الكصد خسران!
أكيد اعيونك اتغشك
إذا متفرزن الألوان!
...
صحيح الناس تتشابه,,,,
بس مو كل بشر انسان!
....
دَور ناس التفهمك
بدل متجامل الغلطان!
تندم لو صرت مثلي,, وتضل طول العمر ندمان,
لوما العتب ما مريت ,,
أقشمر ايدي بالبيبان!!
وما صرت اتصنع الضحكات,, من شفت الوكت خربان!!
وعشت الخاطر الذكرى ,,ورافض فكرة النسيان!
رافض فكرة النسيان!
حسين االساعدي