هنا

[رمـْـْْـْــــــــآڊ]

للاسف اراء احمد الكرعاوي الدينية سببته الكثير من التنبيهات السابقة الى ان وصلت الحظر .. مرة نشرت موضوع عن زوجات النبي والروايات من الصحاح الي اتناولت قضايا "الجنس" رغم انها روايات حقيقية ومصدقة في صحيح البخاري ومسند احمد وفتح الباري لكن شفت انو الردود مو بمستوى ثقافة النقاش والحقيقة المعروضة من جوانبها وقبل لا يكمل نقاشنا طلب سامر من سوزان تغلقة بالبداية انزعجت بيني وبين نفسي بعدين رجعت للردود شفت انو هيج مواضيع مراح تكشف الحقائق التاريخية وخصوصا انو احنة بمجتمع ما يقره للمختلف معه يأخذ فقط ما يخص مذهبه وقناعته ..

رغم حزني على احمد لكن تعصبه كان السبب في حظره
نتمنى من سامر يراجع القرار .. ويسامح
او يحظرنا كلنه

[زاهــــد]

عفية ابن الاشتر ، تصلح فريضة، معدَّل..
بس وينك تگول علاقتي قويه ويه سوزان والادارة ، !! شو كُلشي ماكو!

[أبن الاشتر]

السلام عليكم
حسب الي فهمته من سامر وخلال اتصالي بيه الي دام نص ساعه تقريبا واني بكربلاء.... تم تنبيه الاعضاء اكثر من مرة بعدم التدخل بهيج قضايا نهائيا لان هاي قضايا اذا انطرقت هنا راح يصير المنتدى حاله حال باقي مواقع التواصل الاجتماعي... للامانه اني مع رفع الحظر عن الاعضاء وحاولت مع سامر يحول الحظر الى مؤقت لكن رفض الفكرة بوقتها.... نعيد المحاولة مرة ثانية عسى ولعل يرجعهم

سوزان شخبار الذهب.... امس نازل تدرين لو نايمه
..............

عليكم السلام
بالبداية اقول لك يشهد الله عليه مااعرف شنو سبب حضرهم ولااعرف انهم تلقوا تحذير سابق
وحتى اذا اعرف فاعتقد لايستحقون حظر دائم . .؟
لكن اعرف ان لهم باع طويل بالمنتدى وعندهم اصدقاء ونشطين جدا .
....................
على طاري الذهب
.................
القانون معروف قاسي لايرحم كالتاريخ .؟
لكن كل مانسمع اونقرأ عن الحكام والملوك فنجد اكثرهم اما يغور بالحفر واما يسحل بالشارع واما يموت بشكل مزري .
طيب اين القانون في تلك الحالات .؟
ياصديقي
القانون اذا لم يسير مع الانسانية والانسانية تسير معه يحدث ارباك وتخرب الموازنة بالتالي يكون قانون بلا قيمة .
والطغاة استخدموا القانون فقط بعيد عن الانسانية ولهذا تسمع عن نهاياتهم المأساوية
............
واحد يجيك يرهن عندك قطعة ذهب تقدر بعشر اوراق .ويستقرض منك ورقتين لمدة ثلاثين يوم .
يجلب معه شهود من اهله ثم تعمل عليه كمبيالة صار قانون واذا لم يرد الدين باليوم المحدد اتزين لحيته
تبيع قطعة الذهب وتربح 8 اوراق (ثمانية) ورقة .
خلصت المده ورحت عليه وحلف الك ماعنده واجهته ظروف وماعنده .
هنا تشتغل الانسانية هنا دور الانسانية .
القانون معك لكن الانسانية تقول لك انطيه فرصة اخرى لان زحمة تربح من خلال ضيمه كومة اوراق المسكين .
هذا القانون الذي يصنع اكبر عزا .وراء اكبر حاكم بالبلد .؟ بدل من ان يجر بحبل من رقبته .؟
....................
يتبع اخي
يمعود اسمك ابطول العنوان
لوانا من سامر انطيك تحذير لتغيير اسمك
ههههههههههههه

[أبن الاشتر]

للاسف اراء احمد الكرعاوي الدينية سببته الكثير من التنبيهات السابقة الى ان وصلت الحظر .. مرة نشرت موضوع عن زوجات النبي والروايات من الصحاح الي اتناولت قضايا "الجنس" رغم انها روايات حقيقية ومصدقة في صحيح البخاري ومسند احمد وفتح الباري لكن شفت انو الردود مو بمستوى ثقافة النقاش والحقيقة المعروضة من جوانبها وقبل لا يكمل نقاشنا طلب سامر من سوزان تغلقة بالبداية انزعجت بيني وبين نفسي بعدين رجعت للردود شفت انو هيج مواضيع مراح تكشف الحقائق التاريخية وخصوصا انو احنة بمجتمع ما يقره للمختلف معه يأخذ فقط ما يخص مذهبه وقناعته ..

رغم حزني على احمد لكن تعصبه كان السبب في حظره
نتمنى من سامر يراجع القرار .. ويسامح
او يحظرنا كلنه

استاذ رماد
الاخ والاستاذ سامر انا لااعرفه سوى انه مدير ومؤسس انه صاحب جميل كبير علينا
ويفترض نقابله بكل الاحترام والتقدير لانه مبدع كبير لبناء هذا الصرح العظيم
لكن اخر رد يمكن راح اعرف ولدنا العظيم سامر بشكل اخر .
واتمنى ان يكون مثل ماافكر وارسم شخصيته في ذهني .
ولااعتقد يصر على هذا القرار .
لانه من كبارالمثقفين بالعراق والدليل هذا المنتدى المشرف الجامع لكل العرب والقوميات
بارك الله به ووفقه للاعلى .

[أبن الاشتر]

عفية ابن الاشتر ، تصلح فريضة، معدَّل..
بس وينك تگول علاقتي قويه ويه سوزان والادارة ، !! شو كُلشي ماكو!

اي لازالت قوية مع سوزان ولاتختلف عن قوة علاقتها بالجميع .
فالشغلة مو يم سوزان .
سوزان سياسية مطاطية الشخصية تفرض حبها على الواحد ولو الشغلة يمها فقبل كتابة الموضوع
تنهي القصة وتضربنا بوري .
سوزان خط احمر حتى لوتحجبني يبقى لها مكان في قلبي .

[انسان ثاني]

ابن الاشتر
انت تحب الردود المطولة و التفصيلية و لذلك هذا ردي خصيصاً الك حتى لا يجي زميل ويگول شدعوة هلگد كاتب

اني جنوبية ما اعرفها لكن اعرف احمد ، مشكلة احمد هو التطرف الديني ، ما اعرف شنو سبب هذا التطرف الي عنده و لكن ايجوز نابع من ثقافة مجتمعية او كره لمذهب اخر لأسباب مجهولة ، بس مشكلته الاعمق هي عدم ضبط النفس ، الي چنت استغربه بـ احمد انه يحمل شهادة عليا و المفروض يكون شخص مُطلع و يجيد لغة الحوار ، لكن مع الاسف اسهل شيء عنده السب و اللعن و تحويل النقاش لصراع شخصي يُفقد الطرفان احترامهم ، وهذه نقطة هواي چنت اعيبها بي (بيني وبينه) ، لذلك اشوف الحظر المؤقت قرار سليم لكبح عصبيته و حتى يعتبرها مساحة للتفكير ، لكن انا ضد اقصاءه بشكل كامل هذا امر مابي نقاش
مثل ما اني احياناً اؤيد حظرك من تبقى تلح بسوالف صدام وتحسسنا انه انت المظلوم الوحيد و المعتقل الوحيد و قصة كفاحك اعظم من قصة نيلسون مانديلا و بالنهاية انت تستلم راتب مقابل خدمتك الجهادية و عايش بـ امريكا و متونس وجاي تنظرلي بالواقع المعيشي العراقي
بس هم اني ضد حظرك الدائم لانك ملح المُنتدى


اما نجي هسه ع سوزان ، بهاي النقطة سوزان مرنة جداً و كلنه نشهد الها ، واعتقد الكل يعرف هذا القرار (حظر احمد وجنوبية) مو قرارها ، الاكيد هي بلغت عنهم بس مو هي الي قررت يكون حظر دائمي

نجي لسامر ، سامر في بداية تسجيلي هنا شفته يحمل فكر اسلامي ، بس بمرور الوقت بلش يتجه نحو المدنية (كما يقول هو) الى ان بلش يدخل طريق الفاشية بدون ما يحس ، مو غلط انك تتطور و تجدد افكارك بس الغلط انك تبحث عن مصلحتك فقط حتى لو كانت على حساب مشاعر الآخرين ، انت من فكرت انك تمنع المواضيع السياسية ما قررت هل قرار لمصلحة المنتدى حتى تحافظ ع اخوة ، ولا لمصلحة سوزان حتى تساعدها وتبعد عنها المشاكل ، لا عزيزي انت سويت هيج لمصلحتك المادية ، لانك تعرف الدرر انحظر بالسعودية بسبب الانتقادات السياسية الموجهة للمملكة ، زين ما سالت ليش السعودية حظرته ؟ ، اني اجاوبك لانه ملتقى مُهم وتطرح بي (احيانا) اراء سياسية مهمة ، وهل شيء ما صار لانه المنتدى يعتمد بس ع موضوع شنو تحب بـ القبلك لو شتطبخ للبعدك ، هذا الشيء صار نتيجة نقاشات سياسية لسنوات افرزت اشخاص معينين اصحاب رأي سياسي يُحترم ، مو غلط تبحث عن مصلحتك المادية ، بس المادة ما تجيك بمواضيع الترفيه و بس ! ، و حتى لو كنت اني مع قرار الحظر المؤقت بس يستوجب عليك سماع رأي الاعضاء و تحاورهم ، المُعاملة بفوقية ما تجيب نتيجة و هل شيء مو حلو بحقك سامر

بالنهاية اني اشوف سوزان تتحمل جزء من المسؤولية وخلي يعذروني المراقبين ، بس لو كل اختياراتج للمراقبين تتم حسب فد نقطة معينة اني اشوفها اهم من عدد المشاركات اليومية وهي المرونة و العقلية المتفتحة الي تستوعب جميع الاراء ، ما چان صارت هل مشاكل من الاساس لان الكادر الاداري جزء من المشكلة


تحياتي

[الرميثي]

بالنهاية اني اشوف سوزان تتحمل جزء من المسؤولية وخلي يعذروني المراقبين ، بس لو كل اختياراتج للمراقبين تتم حسب فد نقطة معينة اني اشوفها اهم من عدد المشاركات اليومية وهي المرونة و العقلية المتفتحة الي تستوعب جميع الاراء ، ما چان صارت هل مشاكل من الاساس لان الكادر الاداري جزء من المشكلة

ما اعرف يا اخ انسان ثاني ما هو دخل المراقبين
بالمشكلة الي صارت بالمنتدى والي على اثرها تم
حظر عضوين هنا
ولماذا الكادر الاداري جزء من المشكلة
واشلون يعني المرونة والعقلية المتفتحة الي تستوعب جميع الاراء ؟
انت تدري المراقبين احيانا يكونوا في موقف محير حول مثل هذه المواضيع ؟
ان تم حذفها صارت ضجة علينا
وقالوا ما يصير تتصرف لسبب شخصي او لانه ما عجبك الرد
وان تركت الموضوع قالوا مثل ما قلت وان المراقبين غير فعالين
لدرجة احيانا تقرر بينك وبين نفسك انه بعد ما اسوي شي
غير بس انزل مواضيع وارد على الاصدقاء واطلع
واترك الامر لست سوزان هي تتصرف

[زاهــــد]

ما ادري ليش كنت ولا زلت اشك ان انسان ثاني هو نفسه سامر!!

[Gehad Youssef]

لما شفت الاعضاء بيقولوا احمد وجنوبيه اتحظروا ، استغربت جنوبيه أتحظرت ليه دى ولا مره شفتها معديه قدام موضوع نقاشى سوا سياسى او دينى ،
بس لما عرفت ان أحمد قصدهم أحمد الكرعاوى فأنا عرفت سبب حظرهم وحدى .

[أبن الاشتر]

ابن الاشتر
انت تحب الردود المطولة و التفصيلية و لذلك هذا ردي خصيصاً الك حتى لا يجي زميل ويگول شدعوة هلگد كاتب


تحياتي

بالبداية اشكرك من كل قلبي لان هذا ردك مص غضبي وغير الكثير من فكري بصدد هذا الموضوع .
ولهذة قرائتك للوضع ابقى اصر وادعو ان تألف كتاب .وان شاءالله قبل لانودع الدنيا نشتريه من المكتبة وبعد سنين طويلة يباع بالشارع
وطبيعي الذي تراه بالشارع معناه .انه تراث .؟
................
اما نقطة ضعفك هاي اللي اقتبسته من ردك العظيم .
هل تعرف من الذي وأول واحد قال (ابن الاشتر) تطول بكتابتك .........؟
يارامي كل ماتكون عظيم بنظري . تروح تنزل من عظمتك درجة لما تردد هذة المقولة .؟
انا لااقول من الذي قالها اول واحد . ..؟ يعني اكدر اقول ....... ضعيف .احسن من كلمة اخرى ..؟ حتى لاتزعل سوزان . ؟
لان سوزان الكل عدها متساوي .
فاستاد رد حسب قناعتك ولاتجامل ضعاف القوم ..؟ اوتردد عباراتهم ..؟باجر وراك مسؤوليات كثيرة وكبيرة لاتضعف امام الضعيف .؟
..................
نرجع لموضوعنا .
طبعا انت ماخليت شيء ماذكرته واحسن مني عشر مرات واقنعتني بارك الله بيك .
بقى عدنا شغلت الاخ احمد .
حتى انا مرة اخذت غيبته بس كون يبريني الذمة ان شاءالله .انفعل زيادة ع اللزوم والمشكلة كنت انا مامقتنع وهدّيت وياه هم (جفصت)
وبالصدفة حضرت سوزان وحلّت المشكلة وهل تشوف عينك مانحجبت وبخير والحمد لله بس يمكن اليوم
راح انحجب الله اعلم لان الشغلة مويمها
هههههههههه
الصراحة انا مع الحجب وليس ضده لكن مو مأبد .
نحن نعرف وضعنا العراقي بصورة عامة مرتبك واساس الارتباك هم الدواعش .
فالمؤبد يكون للداعشي خو مو الى مثل احمد أو جنوبية .
هذا في رأيي لاافرضه على اصحاب المنتدى .ومن اكون انا سوى عضو . ابخط اسود صغير انلغي وتنسد صفحتي .
لكن لحرصي على هذا المنتدى الراقي والعظيم . كون العقوبات مؤقته .ولما تكون مؤقته ينصلح حالي واتعلم من اخطائي
ويعمر المنتدى طويلا طويلا .
...........
رامي انت انرت بعض زوايا الظلام في ردك الناجع والواضح الى درجة عالية جدا .
اشكرك ياروعة اشكرك استاذنا الفاضل .
بس لاتنسى لاترفع من شأن ضعفاء القوم .هاي تنحسب عليك .؟