انه اكلك ليش في ذهنك ان صاحب المنتدى راقي ومثقف عالي المستوىالمشاركة الأصلية كتبت بواسطة زاهـــد
ولما تمر على مشاركات رامي ومواضيعه فتهجس فيها نكهه مختلفة عن بعض المواضيع
وتدل على من ورائها كاتب بارع ينفح ثقافة .
ناهيك عن حرصة على المنتدى ومدارات خواطر اصحابه وخصومه .
فسرعان ما يخطر في بالك انه صاحب المنتدى .
ياخوية ياجهاد الحجب طبيعي
بمعنى كل مكان لابد يسوده القانون وكل قانون لابد ان يكون فيه بنود عقوبة .
لكن حجب نهائيا والى الابد هاي مشكلة .؟
على اعتبار يراد منا .فقط نتكلم عن برشلونه ونحسب من الواحد للعشرة ونزيّن العضو اللي قبلك .
لان اذا كتبنا مايجول بخوطرنا (يمكن ننحجب الى الابد)
ولهذا ارتبكنا ونخبصنا .؟
شكرا لحضورك
ما اعرف ليش يا ابن الاشتر تجامل رامي لهذه الدرجة؟!
رامي مطاط الشخصية صاحب مبدأ مجامل ثابت على مبادئه
اللي انا لااعرف شنهو مبادئه بالضبط .؟
بس هو اكدر افسره .
مثل واحد يمشي بين حبات المطر ولايتبلل .
شاطر .
ويقبل الرأي الاخر .؟ وممكن يتغير للافضل ولايحب الرجوع للخلف .
هذا رايي بيه .
مرحبا
اول شي اني من البداية شخص مدني وديمقراطي للغاية، و الدليل انه اني سامح بنقد اجراءات الادارة بدون ما اتخذ اي اجراء، اي ملاحظة سلبية (مباشرة، مهذبة إلى حد ما) تكدر تكتبها على اداء الادارة، هذا مو ضد القوانين.
هنا اني ما افرق بين اي شخص من الطوائف، الكل سواسية عندي، بس اللي ما اقبله (من بداية المنتدى لحد الان) هو انه يقوم عضو معين بايذاء عضو آخر عبر التجاوز بشكل مباشر، او التلميح السلبي الجارح، او الاساءة للمعتقدات اللي يعتبرها الآخر (مقدسة)، واللي يراجع القوانين، راح يشوف احنه ندور مدار هذه الفكرة تحديدا .. منع الاعضاء من ايذاء بعضهم (او كتابة ما يجرح مشاعر الزائرين للموقع غير المسجلين)
اللي ينحظر من "مجرد منتدى او موقع" مو يعني نهاية حياته، ولا موقعنا هو اهم موقع بالدنيا، مجرد منتدى اعتيادي،واكو غيره ملايين المواقع.
مشاعركم، وطلبكم عل عين والراس وكلكم مقدرين ونحترمكم جدا ونحترم اراءكم، وكذلك اللي انحظروا مقدرين ايضا ونحترمهم كأشخاص، بس الجواب باختصار No
مع احترامي لرأيك كونك صاحب اعلى سلطة هنا ولكن اذا كل شخص خطأ تم نفيه او ازالته فمعناها كثير منا يستاهل النفي والحظر .
انا تكلمت سابقا على ان لا تسيسوا المنتدى يعني يكون سياسي بحت ( يعني بكل قسم نرى نقاشات سياسية بموضوع الكلمة والاعترافات وغير اقسام ليس لها علاقة بالسياسة )
وايضا المثل ينطبق على الامور الدينية ( العقائدية ) والنقاشية فنحن اشخاص عاديين وانا شخصيا احب الاعتدال وابتعد عن الامور الدينية وحتى السياسية و ما اسيئ لأي طرف ولا فد يوم تكلمت بهكذا امور ولكن عندما نعطي مساحة لهكذا نقاشات او هكذا مواضيع تكون النتيجة هكذا وهذه تراكمات لعدة مواضيع سابقة كانت نتيجتها يرى البعض ان الادارة اعطت مجال للبعض بفتح مواضيع يراها خلافية او غير مقبولة بالنسبة له .
اذن من اشوف هيج موضوع او هيج كلام امنعه حتى لا تكون النتيجة ما وصلنا اليه .
حتى المدونات البعض حسب رأيه الشخصي من بدأ يتكلم عن بعض الشخصيات التأريخية والدينية وتاريخهم معروف للقاصي والداني واصبحت نقاشية وشد وجذب هذا الطرف يتهم الطرف الاخر بأنه متواطئ والطرف الاخر يرد ويتهم المقابل اذن من السبب بهذا النقاش وما وصل اليه ؟
رفضك لرغبات الكثير من الاعضاء ب كلمة no فيه من الاستخفاف لرأيهم معقولة الكل على خطأ ؟ لماذا الادارة دائما لا تحب من يخالف رأيها ولا تسمع لراي البقية ؟
ما نكول الجماعة ما غلطوا ( حسب القوانين ) ولكن لتكن الادارة متسامحة واذا كان احمد حسب القول له عدة مواقف ف جنوبية لم نرى منها اي اساءة في يوم من الايام والكل يشيد لها بذلك .
..
كلمة اخيرة اعتب فيها عليك تكول اللي ينحظر من المنتدى يشوفله غير منتدى اكو غير ملايين منتديات هاي مامقبولة منك هاي تعتبر طرده .
مو كل الاعضاء لهم طريقة تفكير واحدة ولا الكل متفقين على امر واحد ومع ذلك نرى الكل ماحدث بينهم اي مشكلة إلا ماندر .
مثل ما الاعضاء مطالبين بأحترام القوانين ( القوانين اللي خطها بشر ) نطالب الادارة ايضا ان لا تكون قاسية تجاه البعض لخطأ واحد .
بالنسبة فيما يخص الادارة نعم سمحنا بمناقشة المواضيع السياسية وانتقاد السياسين بكلمات مقبولة من غير شتائم وايضا تناول المواضيع التي تهم الشارع العراقي لكننا لم نسمح بالسب واللعن لاي شخصية سياسية او دينية ولم نسمح بالمواضيع اللي عليها اختلافات او شبهات وحذفنا الكثير منها لانه درر العراق مو مخصص لتناول الشبهات .
لذلك لاتخلط الامور علاوي واعرف ان هناك فرق بين انتقاد شخصيات سياسية بكلمات مقبولة وبين لعن الصحابة وشتمهم ..
بالنسبة لاحمد كان يلح و يكتبلي بصورة شبه يومية عن رغبته بحذف عضويته والسبب اعتراضه المستمر على حذفنا لبعض ردوده التي تخالف الفقرة الثانية والرابعة من القوانين ..
كنت حضرتك مراقب وتمر مرور الكرام على الردود اللي بيها لعن و طعن بزوجة الرسول وصحابته واوجهكم بقسم المراقبين يابه هذه المشاركات ممنوعة وما الكى اي رد الا ماندر ..
لذلك لو متصرف بصورة صحيحة من كنت مراقب كان ماصار الضغط عليه وحدي بحذف الردود المخالفة ذات الطابع الطائفي وكان ما التجئت لسامر لوضع حد لهذه المهازل.
مممم
من نجي لموضوع النقد ، يحق لنا ننقد اي دين وأي مذهب ،حتى نقد ساخر، للأشخاص حقوق لكن الأفكار لا ... وما أتوقع جنوبية واحمد انحظروا لمجرد كالو كلمة " عصابة"، السبب أعمق من هيج ب هواي
مثلاً اني بالعراق اكدر أسب الذات الإلهية وكذلك النبي ، راح تصير ضجة وبلبلة بسيطة تنتهي بسرعة ،بس إذا أسب صحابي او أمام هنا التبعات والآثار الي راح تنطوي ع هل الكلمة البسيطة خطيرة كلش
الوضع بالعراق محتقن من ٢٠٠٣ والحروب الطائفية السنية-شيعية تحتاج شرارة بسيطة حتى تندلع مرة ثانية
هاي الحروب الي تخدم أجندات ودول خارجية وسياسيين داخل الحكومة العراقية شرارتها كلمات بسيطة مثل "عصابة" وإلي يخدم انتشار هل الكلمات وهل النوع من الأفكار هي الناس الجهلة ، احمد صديقي احبه هواي بس جان مندفع بزيادة وماخذ دور نصرة المذهب على أعداء آل البيت ومن هلكلام الفارغ ومايدري إنه بهاي الكلمات البسيطة جاي يشحن الكراهية بين أعضاء المنتدى السنة والشيعة ،يمكن بقصد أو دون قصد ما اعرف بس الاعرفه أن كلماته جانت فتنة والفتنة أشد من القتل
ع العموم هي مو نهاية الحياة إذا انحظر احد ، اكو هواي تجمعات تخدم النوع هذا من الأفكار
ياهلا والف مرحبة بحضرتك الموقرة
بالبداية نشكرك للحضور الرائع . ونقول لك لو لم نعرف انك ديمقراطي ماكنا كتبنا بهذا الشكل اوقد يكون نكتب لكن لايستمر الموضوع الى هذا الحد .
ونحمد الله على ذلك .
......................
بالنسبة لقولك بأن الف منتدى موجود . لانخالفك بذلك .
لكن الحقيقة نحن اللذين نحب التواجد بالمنتدى لانرى احسن من هذا المنتدى فالعمل به متقن للغاية وفيه مزايا حسنة كثيرة .
لايهم احسن او اقل . فلاننظر من هذا الجانب ولااعرف كيف انت قلت ذلك .
الموضوع ومافيه .
ان المحظورين عندهم نقش وبصمات واصدقاء فنحن لانفرض ولكن نطلب على ان الحظر يكون مؤقت لادائمي .هاي هية القصة .؟
................
الاستاذ سامر الفاضل .
انك تعتبر قامة عراقية مبدعة والدليل تأسيس هذا المنتدى الكبير .والمشهور على مستوى المنتديات .
انا شخصيا اقدر عملك هذا واحترمة وافتخر فيه ايضا .
على اعتبار انك عراقي مبدع . شكرا لك وندعوه ان يوفقك بكل شيء .
لكن يااستاذي ولااخفيك الحقيقة .
فقبل ان لاترد علينا كنت افكر .لوانا انحجبت مثل الاخوة ماهو شعوري .
هجست اني ابقى حزين ومتألم ومختنق .
لكن بعد ردك ياطيب .تنهدت ثم عدت بأفكاري من جديد واستعديت للطرد .
يعني جهزت نفسي وازدتها معنوية فلو انحجبت لااحزن ولا أتألم . لأن الشغلة مابيها اخذ وعطا .
الشغلة اما اسود او ابيض .
كذلك استفدت ان لاانقش ذكريات واحاول لاابني علاقات لاني على موعد من الرحيل .
لكني لااريد ان ارحل من ذاتي لأنني احب المنتدى واحب اصدقائي واحب كل من له عضوية في هذا المنتدى .
انما اقبل بالحجب وبرحابة صدر ولااعترض ولاغيرها .
.............
النتيجة .
فمشكلتي لازلت أتأمل تغيّر قرارك حسب قناعتك وترفع الحظر من الربع . لااعرف لماذا هذة الفكرة تصاحبني .
والمهم تبقى الاستاذ والمبدع والاخ الكبير ويبقى احترامك محفوظ لايتغير ابدا
لكن من ناحية الحب مابين الاخوة والاصدقاء .
فأنا لاأحبك no
في الحقيقة خاب ظني بمن هو مسؤول عن الحظر .
خاب ظني به كـ محاور لا يملك الشفافية ولا يصلح بأن يكون بهذا المركز لو لا المال طبعاً
وبعض القامات المثقفة التي ساهمت بنجاح هذا المنتدى وبعض هذه المقامات تم حظرها أنا متأكد لو لا هم لا يستمر هذا المنتدى بهكذا قيادة متعنفة غير قابلة للمساومة ولا تملك حنين المعشر ولا تقدرة وتتكلم بلغة آل أنا ..
الأهم هي مصالح المنتدى فقط وهي القوانين التي وضعت لحماية الأعضاء وهي العكس لأجل المنتدى حتى لايكون مستهدف مثلما تم حظرة ببعض الدول ويكون غير مدر للأرباح.!
أما الشخصيات المحظورة كيف سيكون أعتقد سيكون حفظ ماء وجوههم أهم بكثير من الرجوع هنا بعد ما طلب جميع الأعضاء بتوسل و ود رجوعهم شخصيات كبيرة في العمر وصغيرة ويقابلهم رد بكلمة. NO. ؟
أكتفي بهذا .
و
"هذا مجرد رأيي الخاص بي أتمنى لا يخدش مشاعرك "
