هنا

[أبن الاشتر]

ترى كلنا نخطئ بسبب العصبية وخصوصا العراقي لان كاضي حياته ضيم بضيم ،
وحتى سامر يخطئ واني وكل البشر ، فأعتقد المسامح كريم يا سامر

ابن الاشتر شكرا لمبادرتك

انت لازم اتكمل دراسة وتصير دكتور نفساني .
تدري هاي العصبية ومن ذاك الضيم .يومية تريد تلبسني القاط الاسود
بس الله خلاني مع ادارة راقية التفكير حكيمة القرار
والا انا الان في خبر كان .
عمي كضيناها ضيم ابضيم .
حتى اتذكر مرة ماكو معجون اسنان بالسوكَ كمنا انفرج ابخفت .
لاتكلي ماتعرف الخفت .
حياك الله واهلا بهذا الحضور الرائع

[علي الواسطي]

يعز علينا ان لا يكونو بيننا نفتقدهم بصراحة .
القانون شي حلو عندما يطبق لكن ان لا يسلط السيف على رقابنا وكأنه ينتظر اقل زلة حتى يقطع رؤسنا وايضا ان يطبق على الكل بنفس المعيار حتى لا يظلم احد .


اتمنى اشوفهم مرة ثانية متواجدين بين اخوتهم واخواتهم

اتمنى يرجعون اعضاء مميزين وتعودنا على وجودهم وحاليا مكانهم فارغ الصراحة ..

تاك لعلي الواسطي خل يجي يفضفض خطيه

لا تدفعيني ترا بسرعة اندفع واخاف الحكهم

ماكو فايدة محد يسمع ناطين الاذن الطرشة


ترا مناسيهم صراحة مشتاقيلهم

شكرا استاذنا عالمبادرة اللطيفة

[أبو ملاك]

صباح النور والعافية
اعتقد هيج هي الامور ويمكن كتابة حظر دائم بس مجرد من نوع الترغيب والترهيب
خوية الادارة شاطرة وتعرف شسوي .
واذا اتريد جرب سوي شغلة اتحجبك .اسبوع ويرجعونك .
ابلغهم عليك . مجرد تجربة .
ابكيفك
ههههههههه

لايخوي قبل سنة إنحضرت شهر ورجعت

[أبن الاشتر]

يعز علينا ان لا يكونو بيننا نفتقدهم بصراحة .
القانون شي حلو عندما يطبق لكن ان لا يسلط السيف على رقابنا وكأنه ينتظر اقل زلة حتى يقطع رؤسنا وايضا ان يطبق على الكل بنفس المعيار حتى لا يظلم احد .


اتمنى اشوفهم مرة ثانية متواجدين بين اخوتهم واخواتهم


لا تدفعيني ترا بسرعة اندفع واخاف الحكهم

ماكو فايدة محد يسمع ناطين الاذن الطرشة


ترا مناسيهم صراحة مشتاقيلهم

شكرا استاذنا عالمبادرة اللطيفة

ابوحسين ازمة وتعدي
وانت سيد العارفين بهذا .
لكن الشعور بعدم تواجدهم جبرنا ان نذكرهم وبهذا الشكل
ففي كل مرة نراهم كالنحل يتقافزون من مكان الى مكان ويتركون بصماتهم على مواضيعنا .
وهذة الايام اشاهد فراغ تحت المواضيع الجديدة .
ان شاءالله يعودون قريبا يالله .
انحبهم مابدينا .
اشكرك لحضورك ومداخلتك المشرفة

[أبن الاشتر]

لايخوي قبل سنة إنحضرت شهر ورجعت

اكول اقرأ اسمك ومااشوف الك حضور
ابريني الذمة
حسبالي ذبانه الكترونية
ههههههههه
ان شاء الله اخر الحجبات .مو تعيدها ترى ملينا من الفراك .
ياهو اللي نحبه سرعان مايذوب .
شد حيلك وتعود ع النسيان .
حياك ياطيب

[أبو ملاك]

اكول اقرأ اسمك ومااشوف الك حضور
ابريني الذمة
حسبالي ذبانه الكترونية
ههههههههه
ان شاء الله اخر الحجبات .مو تعيدها ترى ملينا من الفراك .
ياهو اللي نحبه سرعان مايذوب .
شد حيلك وتعود ع النسيان .
حياك ياطيب

لا نايم على كلبكم ههههههه
فدوة لكلبك حبيبي ..

[عضوية محجوبه]

مكانتهم كانت مميزه بدرر العراق نتمنى ان نلقى بحضورهم مرة ثانية وأكيد مانسناهم أما المعقتدات الدينة ووو.. الخ نتمنى لو يخلوهة خارج المنتدى لن أحنه من كل المحافظات وغير عراقيين موجودين تجمعنا لمه حلوه شايل حقدك مناك لهنا اذا هيج ماراح نخلص أتركهن على صفحة خلي دووم طيبتك وياك ماشية..
لن العضو اليلبس القاط الاسود محلو أبد بدرر وخاصه أعضاء مكانتهم حلوه كانت بيناتنة على كلن نسأل الله التوفيق لنا ولهم وللجميع يارب

شكراً جزيلا أبن الاشتر للموضوع

[❥ اوليڤَيــــــا✿┊❥]

مجرد لون هذا

باقين بالقلب ♥وموجودين هنا والدليل هالشعبية والكل تحبهم ...وكلنا يجي يوم مجرد اسم وصورة

وشڪرآ الك.

[المستشار القانوني]

اضم صوتي لأصواتكم التي تتمنى عودتهم.. فهم أعزاء جدا علينا.. وكل الدرريين أعزاء..لكن قضينا وقت جميل معهم ومع حضورهم ومواضيعهم... شكرا لصاحب المبادرة والموضوع ابن الاشتر.. لهذه الالتفاته الجميلة..

[الرميثي]

اتمنى اشوفهم مرة ثانية متواجدين بين اخوتهم واخواتهم

ما اعتقد يا ابو حسين راح تشوفهم مرة ثانية
لان القرار صادر من مواقع عليا لايمكن ان نتجاوزها
وانت تعرف الموضوع كلش زين

بس اذا تريدون ان يرجع المحظورين
انصحكم بالتظاهر يوم 10/1 بساحة الخلاني
وبعيدا عن ساحة النسور او ساحة التحرير
حتى تكون مظاهرتكم متميزة ومطالبكم محددة
وشكلوا لجنة عليا منتخبة من بينكم
وارفعوا مطالبكم ونحن بدورنا نرفعها لمراجعنا العليا