هنا

[أبن الاشتر]

اكيد انكم تفكرون بأننا نسيناكم .
حاولو تبعدوا هذة الفكرة .فلازالت خطوطكم على البياض .كأنها تتحرك
.........
مواقف عجيبة في عالمنا .
في يوم قريت فاتحة الى شخص .ودفعت خمس دنانير وسجلوها باسمي عود من اموت لويموت واحد من اهلي
يرجعونها لي .يعني مثل السلفة . خطوة رائعة .؟
وبعد سنة صادف امشي بمنطقة الشخص اللي قريت له فاتحة يعني مات خلاص.
شو هذا لاكَاني وجه ابوجه . هذا الميت ؟
ماشردت منه لانني التقيت معه بالشارع مو بالمقبرة .مثلا وبالليل .لا بالشارع وتحت الضوء .
مااخفي عليكم .تشابكَنا وتحاببنا .وسألته .
ها ولك انت غير ميت ودفعتلك خمس دنانير اشجابك تمشي ابدنيانا .؟
طلع الاخ مفقود . ولما بلغوا اهله سووله فاتحة . هاي ابذاك الزمان موهسة
...........
فيااخوة انتم احياء ونشعر بكم تتطلعون على كتابتنا بطريقة .
لان عندكم هنا اصدقاء وذكريات ومن غير المعقول تتخطون ذكرياتكم بهذة السهولة .
.........
الخط الاسود الطاغي على اسمائكم الافتراضية . لابد ان يمحى ويزول
لان هناك عقول بعيدة النظر وقلوب تتسع لاكبر من (جفصاتكم) وهذة العقول والقلوب
لاتترك حق ولاتسكت عن باطل . ولما تغضب فلا تحقد .وهذة النعمة .
........
هل تعرفون حياة الواقع والافتراض بماذا يختلفن .
بالواقع تخرج (جفصة ) من اللسان ينطرد الواحد من المضيف
وبالافتراض يخرج انفعال من خلال القلم .
اما التشابه هو الاعتذار والتسامح .
لأن اللي (يجفص) بالواقع ثاني يوم يعتذر من المجفوص عليه والمجفوص عليه يسامح وبالتالي اتصير ضحكة وتتنسى .؟
وبالافتراض ايضا مطلوب الاعتذار وهناك تسامح وتسير الامور بالشكل الطبيعي .
...........
اشتقنا الى وجودكم فأن مكانكم فارغ ويبقى فارغ الا بحضوركم البهي
انتم من احبال المضيف من الخارج ومن شرايين القلب من الداخل
ندعو الله تمرون على منتدانا وتجدون الخط الاسود ملغي وتدخلون امنين وبسلام
ونحن ندعو لكم الله بأن تكونوا بخير اين ماتكونوا ويارب الدخول عاجلا .
............
اخوان اخوات ادعو معي
اللهم ليّن قلوب المسؤولون واجعلهم ينسون اويتناسون لاننا الى احبابنا مشتاقون .

[prïnċë häïdër]

ان شاء الله يرجعون .. وعادي يكدرون يدخلون بعضوية ثانية ويبدون حياة جديدة وينسون الماضي العتيق ... مشكور يا بعد رويحتي انت

[افول]

........................................
للاسف

[أبن الاشتر]

ان شاء الله يرجعون .. وعادي يكدرون يدخلون بعضوية ثانية ويبدون حياة جديدة وينسون الماضي العتيق ... مشكور يا بعد رويحتي انت

الله يسمع منك
احنه شنريد غير سلامتهم وبحضورهم نطمئن اكثر
شكرا للحضور والدعاء

[NAZ‌]

حرفياً، گلت اللي بگلوبنا والله عاشت ايدك أستاذ
اشتقنا لهم و لمشاركاتهم اللي انطت للمنتدى لمسة خاصة و كذلك مننسى جهودهم بالمنتدى طيلة فترة تواجدهم رفدونا بمواضيع و مشاركات مفيدة و بعضها مُسلية نتمنى من الادارة اعادة النظر بموضوع حظرهم لأن احنه هنا كلنا اخوة ومن مختلف الطوائف و الديانات و العادات و التقاليد إذا اختلفنا مو معناها خصام و كره و خلص،اختلاف الرأي لا يفسد للودّ قضية، اكيد كل شخص بالمنتدى اله عقيدة و فد شي متمسك بيه و بنظره هو الصح، ماكو بشر ميخطأ و بلحظة عصبية الشخص كلشي ممكن يبدر منه
سنين و هم هنا ما ضروا احد و لا اساءوا بالعكس جداً اخوة طيبين و خلوقين و اتمنى الادارة تاخذ هالموضوع بعين الاعتبار، غلطة وحده متغطي ؏ باقي الحسنات
كذلك يعّز علينا فراقهم و منريد نفقد اعضاء مرة اخرى حتى البقية ميحسون انه وجودهم و تعبهم ما اله قيمة و بأي لحظة يتم الاستغناء عنهم
شكراً مرة ثانية

[أبن الاشتر]

حرفياً، گلت اللي بگلوبنا والله عاشت ايدك أستاذ
اشتقنا لهم و لمشاركاتهم اللي انطت للمنتدى لمسة خاصة و كذلك مننسى جهودهم بالمنتدى طيلة فترة تواجدهم رفدونا بمواضيع و مشاركات مفيدة و بعضها مُسلية نتمنى من الادارة اعادة النظر بموضوع حظرهم لأن احنه هنا كلنا اخوة ومن مختلف الطوائف و الديانات و العادات و التقاليد إذا اختلفنا مو معناها خصام و كره و خلص،اختلاف الرأي لا يفسد للودّ قضية، اكيد كل شخص بالمنتدى اله عقيدة و فد شي متمسك بيه و بنظره هو الصح، ماكو بشر ميخطأ و بلحظة عصبية الشخص كلشي ممكن يبدر منه
سنين و هم هنا ما ضروا احد و لا اساءوا بالعكس جداً اخوة طيبين و خلوقين و اتمنى الادارة تاخذ هالموضوع بعين الاعتبار، غلطة وحده متغطي ؏ باقي الحسنات
كذلك يعّز علينا فراقهم و منريد نفقد اعضاء مرة اخرى حتى البقية ميحسون انه وجودهم و تعبهم ما اله قيمة و بأي لحظة يتم الاستغناء عنهم
شكراً مرة ثانية

انا لو قارء هذا الرد .كان اخذته موضوع رئيسي .
بدل موضوعي .
كبيرة أنزيله .
يارب يسمع رجائك ودعائك ويعود الاحبة من جديد وبنشاط اكثر
كلامج موسيقى الواحد يحب يقراه اكثر من مرة
تصفيق وتشكرات لحضرتك يامبدعة

[أبن الاشتر]

........................................
للاسف

حياج الله
مااعرف قصدج للاسف لان كتبنا الموضوع ام للاسف لانهم غيّاب .
والله مااعرف شنو معنى هاي للاسف ..؟ شنو عمقها
ع العموم شكرا لحضورك

[آيمـيلُِـي ♪]

صعبه انك تشارك وتشغل وقت استراحتك بعد يوم متعب بمكان ترتاح فيه مثل هذا المنتدى حرفياً اني اعتبره شيء مميز وحتى بالسنوات الي غبت عنه اني متواجده كزائر واعرف واتفقد كل اصدقائي والمدير والنواب بس لما تتخيل انت بمجرد مشاده كلاميه تنحضر وبدون سابق انذار ما اعتقد راح يكون الواهس نفسه او لما تلگى روحك من المشرفين القدامى لأسباب حقيقيه ومو اعتقاد
هنا ابدا ما راح يكون اكو واهس بعد

متابعه لكل ما تكتبون اصدقائي وما اتفاعل كالسابق الى ان ارجع اشوف صديقتي جنوبيه
والاخ الطيب الگرعاوي
راجعين هنا
تحياتي ألهم اذا يقرأون

[أبن الاشتر]

صعبه انك تشارك وتشغل وقت استراحتك بعد يوم متعب بمكان ترتاح فيه مثل هذا المنتدى حرفياً اني اعتبره شيء مميز وحتى بالسنوات الي غبت عنه اني متواجده كزائر واعرف واتفقد كل اصدقائي والمدير والنواب بس لما تتخيل انت بمجرد مشاده كلاميه تنحضر وبدون سابق انذار ما اعتقد راح يكون الواهس نفسه او لما تلگى روحك من المشرفين القدامى لأسباب حقيقيه ومو اعتقاد
هنا ابدا ما راح يكون اكو واهس بعد

متابعه لكل ما تكتبون اصدقائي وما اتفاعل كالسابق الى ان ارجع اشوف صديقتي جنوبيه
والاخ الطيب الگرعاوي
راجعين هنا
تحياتي ألهم اذا يقرأون

انا كلي امل يرجعون
وهذة احداث طبيعية لها وقتها .ثم تمضي
واعلمي عدنا مسؤولة لبوة بالسياسة والعقل الكبير
على لحظة وراح تتفاجئين وكأن لاشيء حدث .
ونرجع نتعارك معاهم من جديد .
اهلا وسهلا بك الاخت الغالية اايميلي .؟

[وسـام]

نازلي كتبت كل شي ردت اكتبه تقريبا ، والله شي محزن المواصيل الي وصلها الدرر قرار مزاجي يوحي ان الجميع غير مهم وممكن بأي لحظة او خلاف يتم التخلي عنهم بدون تبرير مقنع او حتى رد او نقاش
على كل حال يا ادارتنا واخص بالذكر المسؤول عن الحظر اتباع سياسة النظر الى الامام دون حل المشاكل العالقة ما تنفع اغلب الاعضاء يطالبون بعودة جنوبية واحمد ورد اعتبارهم لانهم مو اي اعضاء ناس مرتبين وتعبانين على نفسهم والهم حضورهم واحترامهم واصدقائهم وقدمو ما قدمو لهذا المنتدى وفوگ كل هذا مخالفاتهم ما تستوجب الحظر وجائت قبل تحذير الاخت سوزان وليس بعده

الدرر يستمر بتواجد اعضائه بدونهم هو عبارة عن بيت مهجور لا حياة فيه ..شكراً يا ابن الاشتر جزاك الله خيراً