هنا

[فقار الكرخي]

خساير
يل جنت لك زمزم الله .....
وحنه وشموع وستاير .
ويل جنت واهس اِلي وموعة نعاس ...
وخمر جنه لصفْنتي .....
وكل صفنه داير .
يا خضار آشيبّسك .....
يل مايع بجفي ضفاير ؟
يا دفو آشثلّج عيونك ،
وصك على ضلوعي الثلج داير مداير ؟
يا معيبر حطّك بذيج الشريعه ؟
وآنت تدري الموج كل موجه بخساير .
يا مفرّط سبحة آسوالف حراير ،
وين ذيج حرورتك ؟ ليش آنطفيت ؟
بارد ودمك ثلج .....
مابيك موعه ، ودمي فاير .
ما تعاين لي آعلى كَد خوفي عليك ...
وكَد مرارة حيرتي ،...
وكل وكتي حاير .
مدري من ياطينه كَلبك !!
تلجم جروحي بوكاحه .....
وعيب تسمعني آمن آشوغ ....
وتسمع آوذان المناير !
دوم تتوضه بدمعتي ، آتصلّي لله ،
وكَلبي عالقبله آيتكَلّه .
هذا يا رب التعبده ؟ آووين صاير ؟
عود شتكَول بصلاتك ....
وآنت كاسرلك طويرة روح خضره .
روح جانت اِلك حضره .
وين صح لك رب غشيم ....
وموش عالم بالسراير ؟
آنا يجري بدمي رب كلّش نظيف .
ربي محرابه نظيف .
ربي يعلم بالسراير .
ما تفك بيبانه سجدة عابر ......
آشطوط الهوى بلثكَة ضماير .









عبد الكريم القصاب

[دُرر الطائي]

يسلموو

[فقار الكرخي]

منورة