هنا

[علي محمد عبدالنبي الشمري]

سبايه والضعن غرّب
وللعيله فقط زينب
حسين يا حسين
____
من يسري ومن ضيمي تعنيتك يبو الاكبر
مهمومه ومهضومه الهوا اشهگه ولا اگدر
الصحاري كلها والوديان مشينه كل اراضي البر
ودخلنه الشام والكوفه وتدري يا شبل حيدر

دفنه بكل مدينه اجساد
وخلصت ضل علي السجاد
حسين يا حسين
__
بمشينه يا عزيز الروح بناتت خلصت وماتت
ورقيه تصرخ اعله يزيد اريده والدي گالت
ومن جابو طشت ليها وبديها الهدمه من شالت
يحسين آنا حسبالي على راسك گلت نامت

ولمّن وخرّتها الگيت
ميته تردد بهالبيت
حسين يا حسين
____
وأثناء المشي لنها صفيه طاحت اعله الگاع
شلتها وانفض التربان وانا صبري يخويه ضاع
لنها ميته من يومك لمن گلتلها صار وداع
وبلحظة دفنها وچان الحگتها وحده هم بساع

جزع گلبي يخويه حسين
كل شويه ادفن عين
حسين يا حسين
_
على الناگه اسيل دموع والناگه بچت ويّاي
اكسرت گلب الحجر والله بنياحي وصرختي ومبچاي
وين انطي الوجه لاوين اگولن بكلي واحد جاي
لكن من انوح اعليك ما ترضى تراهو عداي

بيسر نمشي عجيب امره
واحنه جدنه بي أسرى
حسين يا حسين
_
الشاعر علي محمد الشمري

[مجيد السيد السيد]

في ميزان حسناتك