اجينه امن اليسر ومن المتاعب
وگعدنه يم زعيم آل الغوالب
يبو الاكبر .. مشينه البر
متاعب
______________
انا زينب واسولفلك ألمنه
امنهد ما جسمك توسّط زلمنه
بسبينه لحظه راسك ما تركنه
يراقبنه ويضوّي و ينضرلنه
عيالك حتى بالموته تحفهم
دزّ الراس جسمك يحرسلهم
برمح أسمر .. مشينه البر
متاعب
___________
وصلنه لگبرك وذكره اربعينك
احط راسي بترابك وبعرينك
اغمه وينك اصرخ واصحه وينك
يعايف اختك افتحلي ادينك
من شفت الگبر والله تراني
چن لا عايشه ولا ميته آني
العلي قدَّر .. مشينه البر
متاعب
___________
اعله گبرك واگفه واصفج اديه
معقوله متت يبن الزچيه
غير احنه اشتركنه بوحده ريّه
اذا أنت متت آني شليّه
انا بحاجه الك يا ضي عيوني
ومن شفت الگبر خابت ضنوني
يبن حيدر .. مشينه البر
متاعب
_____________
عفتك عالرمل والدم خضابك
والعسكر نزل يزحف صوابك
خايف يقترب وتعلن جوابك
لأن أنت عساكر أحتسابك
وخيول تصول حولك خويه عشره
وشفتها اتگلّب بجسمك تكسره
خيول الشر .. مشينه البر
متاعب
_________
وهسه من وصلنه بس مقابر
مكتوبه علامه بكسر خاطر
الحُسين اهنانه وبصدره الحوافر
وأهل بيته معا وابلا مناحر
القبور اهنانه كل من بيت أحمد
عطاشه تذبّحوا عترة محمد
بني الأخير .. مشينه البر
متاعب
_____________
الشاعر علي محمد الشمري
رد مع اقتباس