الهسه يحكم بالقشامر!!_حسين الساعدي
...الهسه يحكم بالقشامر!!
::
لا يغروك ابعددهم
تبقه خداعه المظاهر.....
صعبه تلكه ( انسان ) بيهم,, شايل احساس ومشاعر!
تنصدم لو جربتهم,,,
وتبقه مثل الدمعه حاير!
مادريت أبجي,
عليمن!!
اهواي هنه والله ساتر!!
اتصير مثلي بالتجارب..هيجي عالماكو وتكابر!
كلت باجر
يمكن أحسن,,
وباجر ابيوم اليجيني ,,
اطلابتي اتصير اويه باجر!
عندي جان أحساس زايد
لجن ماشفته يكفي ,, اهوايه المضيعه الظماير!!!
ماكو خطوه ابلا مصالح!,,
وأسئل اشيوخ العشاير!!
ضل الاستهار بينه ,, ايصفك الغدر الخناجر!!
اليا أمل اصبر وناطر!
العرس بعيوني شفته,, ابطبلته وطب للجوادر!
الشجاع ابدمه ضحه,,
وحامه شعبه امن المخاطر!
والجبان ابعد كلشي اخذ صوره اعله السواتر
وبسبب هالصوره هايه,,صار يحكم بالقشامر!!
الهسه يحكم بالقشامر!!
حسين االساعدي
ملاحظه :: اقصد بالقشامر الناس المطبلين للفاسدين لعنهم الله الى يوم الدين.
رد مع اقتباس
المشاركة الأصلية كتبت بواسطة انثى مخمليةة
