هنا

[selen]

عبوسي اليوم استلم النتيجة وناجح الثاني بالاسلامية مخليله 9 بالنسبة لي عادي لان اني من بداية السنة مشيت على مبدأ الفهم والتعلم ماينقاس من الدرجات وعندي اهم منهن مادام هو فاهم المعلومات وحافظهن مايهمني شگد مخليله درجة الدرجات عندي مجرد تعبره من مرحلة لمرحلة بس بامتحانات الصفوف المنتهية الدرجات مهمة كون نظامنا التعليمي هيج علمود توديه الكلية اللي يريدها هو ..
حتى مرة اخذ تسعة بالاملاء وتصرفت وياه عادي وعفية ابني البطل وانت شاطر ابد ماحجيت عليه علمود منزل درجته من العشره للتسعه

وعندي رأي هم مااريده يصير مهووس بالدرجات علمود خاف بعدين يخطأ تسوّد الدنيا بعينه وعباله ان هو ارتكب خطأ فضيع اريده اعلمه ان الناس قدرات كلمن وقدرته اللي گدر يبذلها وهذا الشي مايدل على ان هو غبي بالعكس الانسان عنده طاقة تختلف من شخص لاخر ..

الف مبروك لنجاحه عمري إن شاءلله من نجاح لنجاح....
وكلش حلو تصرفج وياه الله يديمج الهم..

اني هالشكل عندي هوس درجات بحيث اذا جبت درجة ناصية
ابقه الوم نفسي واخاف اكول لأهلي لانو من اني طفلة هيج علموني
اتذكر مرة بالرياضيات بالاول ابتدائي رحت مادري ببالامتحان واخذت 5
رجعت كلت لأمي اتذكر شگگت الدفتر من يومها صار عندي رهبة وخوف
وحته صرت اتوتر واقلق زيادة عن اللزوم وابجي ع مود درجات واوراق محستفاد منهم...
اني وياج انو الدرجات متقيس ذكاء وقدرة الطالب وخصوصا هو بعده
ببداية دراسته بالتوفيق اله إن شاءلله....

[دُعےـــآء]

الف مبروك لنجاحه عمري إن شاءلله من نجاح لنجاح....
وكلش حلو تصرفج وياه الله يديمج الهم..

اني هالشكل عندي هوس درجات بحيث اذا جبت درجة ناصية
ابقه الوم نفسي واخاف اكول لأهلي لانو من اني طفلة هيج علموني
اتذكر مرة بالرياضيات بالاول ابتدائي رحت مادري ببالامتحان واخذت 5
رجعت كلت لأمي اتذكر شگگت الدفتر من يومها صار عندي رهبة وخوف
وحته صرت اتوتر واقلق زيادة عن اللزوم وابجي ع مود درجات واوراق محستفاد منهم...
اني وياج انو الدرجات متقيس ذكاء وقدرة الطالب وخصوصا هو بعده
ببداية دراسته بالتوفيق اله إن شاءلله....

ياعمري انتي ربي يوفقج ويسهل عليج كل صعب ونفرح بنجاحج وتفوقج آمين

[selen]

ياعمري انتي ربي يوفقج ويسهل عليج كل صعب ونفرح بنجاحج وتفوقج آمين

يعمري انتي ربي يحفظج وإن شاءلله الموفقيه للجميع...

[انسان ثاني]

لازم ترجعين وتكتبين ام عباس

[دُعےـــآء]

لازم ترجعين وتكتبين ام عباس

هلو رامي وين هالغيبة ..

والله اني حاليا مشغولة ابحث واستفسر عن هواي شكوك تراودني بخصوص الروايات اللي ينقلونها لنا عن اهل البيت عليهم السلام
واقعة كربلاء واحداثها وشنو صار وسيرة الائمة وحتى الرسول الاكرم صلى الله عليه وآله

تعرفني مو من النوع اللي اصدگ كلشي يسولفونه لي ويملونه عليه بس علمود ابچي على الحسين روحي فداه

مو مهم ان هم يظهرون صورة الامام روحي فداه مستسلم ضعيف يتوسل بالاعداء علمود يرحمونه ويرحمون عياله ويگوللهم انا ابن بنت نبيكم مو مهم هالشي .. الاهم من هذا انو نبچي وننحب ونلطم من نسمع هالشي

ومو مهم ان يسولفونا ان الامام روحي فداه كان ماعنده عقلية الحرب والتخطيط وجاي للعراق بس علمود يموت ويضحى بروحه واهله علمود مثل ماگالوله اللي قبله ..

ومو مهم عندهم ان يظهرون ان زينب العقيلة ام الستر كانت كلما يموت شخص من اهلها تطلع تركض بين الزلم
وتضرب وجهها على المحمل وتتوسل للحسين ردنا الى حرم جدنا رسول الله .. لعد وكلامها اللهم تقبل منا هذا القربان وكلامها كرامتنا عند الله الشهادة والمعروف عنها انها ام الصبر والعفة والستر ..

كلامهم متناقض كله وقليل اللي يوگف عند هالنقاط ويستفسر وعقليته ترفض كل شي ينكال ..

وانت تعرف بس اجي هنا واكتب شكوكي لو اكتب لشنو توصلت راح يهجمون الجماعة وماينطون مجال للواحد يشرح موقفه .. كلشي عدهم خط احمر حتى لو كانت روايات تسيء للائمة ومو من مقامهم .. المهم تبچّي الناس عليهم معناها خط احمر وشحدك تحجي عليها

[انسان ثاني]

المشكلة في نقل التراث عن الي نحبهم دائما تطغي عاطفتنا واحنه نجوود ، حتى الدكتور الوائلي اعترف بهل شيء و گال مشاعرنا احياناً تنطي طابع ادرامي يبعد المُنصف عن التصديق ، لذلك اني اگلج راح تتعبين بهذا البحث ، وقطعاً محد راح يقتنع بلي توصليله لان راح يعتبرون دا تمسين ثوابت تربوا عليها ، صعب ع الانسان البسيط يفهم سياسة الحسين ع و خروجه على يزيد و كان مستبشر خيرا بنصرة اهل الكوفة ، لازم يخلون طابع يثير المشاعر ويكولون طلع حتى ينقتل من اجلنا ، من تجين تفهميه ان الحسين اكبر من هيج فكرة واكيد ما خايف من الموت واكيد الي مثله مستحيل يبايع يزيد ، بس الفكرة اعظم من الي واصلتلهم حالياً ، راح يعتبروج تنصبين العداء ، و السالفة ما تخلص

[ايليتا]

نحن في زمن مع الاسف فيه البكاء فريضة..والمحرمات مباحة..
الاغلبية يرجعون للموروث بدينهم وعقيدتهم ومن تسال عن تسلسل الزمني للاحداث وكيف وصل الحسين ع ومن معه ولماذا؟راح يتجاهلوك لان اجوبتهم محدودة بمحرم شهر يلبس فيه السواد وتجتمع الناس على موائد الطعام وتبدأ المواضيع الهزيلة بعيدا عن القضية و(تجد من منهم في حاجة ماسة للعلاج والمستشفيات بحاجة لاجهزة غسيل الكلى وللتبرع لمرضى السرطان لكن القضية تكمن في كيفية ارضاء زوار الحسين ع من اغلب دول العالم دون البحث بشؤونهم الداخلية وحلها )وهذا يتناقض مع قضية الحسين ع ,الذي خرج من دياره و اعتزم الذهاب للعراق في موسم الحج ,واثار ضجة بين الحجاج وهو يسلك الطريق الاخر بعد خروجه يوم التروية ولو نظرنا للمسافة التي قطعها والمدة الزمنية لوجدنا مفارقات كبيرة مع الروايات يعني باختصار قضيته اصلاح..اين الاصلاح ؟اين انت من الاصلاح يا مسلم يا مؤمن بقضية الحسين ع؟...المهم ان الحسين ع قد انجز مهمته لكن انت كمسلم متمسك بالحسين ع اين انت من هذه القضية ؟
هذا ما يجب ان يعلم ويثقف به الجيل ...ممتنة لما تكتب هنا استاذ رامي

[دُعےـــآء]

المشكلة في نقل التراث عن الي نحبهم دائما تطغي عاطفتنا واحنه نجوود ، حتى الدكتور الوائلي اعترف بهل شيء و گال مشاعرنا احياناً تنطي طابع ادرامي يبعد المُنصف عن التصديق ، لذلك اني اگلج راح تتعبين بهذا البحث ، وقطعاً محد راح يقتنع بلي توصليله لان راح يعتبرون دا تمسين ثوابت تربوا عليها ، صعب ع الانسان البسيط يفهم سياسة الحسين ع و خروجه على يزيد و كان مستبشر خيرا بنصرة اهل الكوفة ، لازم يخلون طابع يثير المشاعر ويكولون طلع حتى ينقتل من اجلنا ، من تجين تفهميه ان الحسين اكبر من هيج فكرة واكيد ما خايف من الموت واكيد الي مثله مستحيل يبايع يزيد ، بس الفكرة اعظم من الي واصلتلهم حالياً ، راح يعتبروج تنصبين العداء ، و السالفة ما تخلص

وداعتك مايهمني انو اقتنعوا او لا .. اصلا جاي ابحث عن المعقول مو علمود اگعد اقنعهم هيج وهيج لان متأكدة مايتقبلون اي فكرة او كلام يخالف اللي تربوا عليه .. لو عندي أمل 10 بالمية انو ممكن تتغير افكارهم جان حاولت بس متأكدة راح يهاجموني ويكرهوني همين لذلك كلمن عليه بروحه والنظرة اللي هو ماخذها عن واقعة كربلاء وسيرة الائمة عليهم السلام ..

بس اني أم ومسؤولة عن تربية اولادي .. باجر عگبة اتحاسب عن الافكار اللي راح ازرعها بيهم
مااريدهم يفكرون الحسين بس بكاء ولطم وزنجيل وتمن وقيمة .. اريدهم يعرفون الغاية الحقيقية اللي خرج من اجلها الحسين روحي فداه وان هو ماخرج ابد علمود يضحي بروحه واهله لاجلنا

لا .. وانما الحسين طلع من مكة علمود ينتصر وعمل بكل أمكاناته وتدبير وتخطيط علمود ينتصر بالمعركة بس علمود يقضي على حكم يزيد اللي جان يسرق ويشرب الخمر تحت غطاء الاسلام .. ( مثل الجماعة اللي حاكمتنا حالياً )
واحنه نبجي ونلطم على الحسين ونروح نبايعهم ونهتف لهم علي وياك علي ونطلق عليهم ألقاب حسين العصر .. وهم نسخة يزيد اللي انتفض ضده الامام الحسين روحي فداه

بس الخذلان اللي واجهه الامام والحصار والكثرة تغلب الشجاعة لذلك استشهد روحي فداه ..

اني مو ضد الشعائر الحسينية ابد والله .. اني وحدة من الناس احضر مجالس وابكي وألطم على الحسين عليه السلام واطبخ ثواب .. الحزن على سيد الشهداء يطهر الروح ويزكيها ..

بس اني ضد اني نلتهي بهالاشياء ونغفل عن قيم واهداف عاشوراء الحقيقية ..

شكرا رامي لان خليتني افضفض

[انسان ثاني]

ايليتا اني ما اگدر الوم الانسان البسيط على تصديقه للموروث ، دام ان الموروث ما صار تحت القراءة و البحث من العلماء ، كتبنا مليانة سموم فكرية ، بس بالنهاية اكول خلي الناس ع لاهيتها هو يحب الحسين خليه انسان مُسالم احسن ما يتعمق بالدين ويتطرف ، الله يحاسبهم ع نواياهم وهمه اغلبهم گلوبهم بيضة و نواياهم حسنة ، لذلك اشوف ماكو فائدة من البحث بهيچ مواضيع لان صابني اليأس واني اسال و ابحث وبالنهاية يتم التشكيك بيج وتخوينج

اني الممتن الج اختي الغالية

[دُعےـــآء]

نحن في زمن مع الاسف فيه البكاء فريضة..والمحرمات مباحة..
الاغلبية يرجعون للموروث بدينهم وعقيدتهم ومن تسال عن تسلسل الزمني للاحداث وكيف وصل الحسين ع ومن معه ولماذا؟راح يتجاهلوك لان اجوبتهم محدودة بمحرم شهر يلبس فيه السواد وتجتمع الناس على موائد الطعام وتبدأ المواضيع الهزيلة بعيدا عن القضية و(تجد من منهم في حاجة ماسة للعلاج والمستشفيات بحاجة لاجهزة غسيل الكلى وللتبرع لمرضى السرطان لكن القضية تكمن في كيفية ارضاء زوار الحسين ع من اغلب دول العالم دون البحث بشؤونهم الداخلية وحلها )وهذا يتناقض مع قضية الحسين ع ,الذي خرج من دياره و اعتزم الذهاب للعراق في موسم الحج ,واثار ضجة بين الحجاج وهو يسلك الطريق الاخر بعد خروجه يوم التروية ولو نظرنا للمسافة التي قطعها والمدة الزمنية لوجدنا مفارقات كبيرة مع الروايات يعني باختصار قضيته اصلاح..اين الاصلاح ؟اين انت من الاصلاح يا مسلم يا مؤمن بقضية الحسين ع؟...المهم ان الحسين ع قد انجز مهمته لكن انت كمسلم متمسك بالحسين ع اين انت من هذه القضية ؟
هذا ما يجب ان يعلم ويثقف به الجيل ...ممتنة لما تكتب هنا استاذ رامي

كلش انقهر من اشوف الفيديوهات والمنشورات على السوشل ميديا وكيف الناس تتقاتل بيناتها علمود تمن ومرگ او من احضر المجالس واشوف النسوان شلون اذا ماكو توزيع مايحضرن ..
بحيث ذاك اليوم وصل الامر للملاية تگول للنسوان تذكرن اباءجن وامهاتجن واخوانجن بس تريدهن يبجن .. شنو فايدة هالبكاء وهو مو لسيد الشهداء

لو تشوف الناس تصيح هيهات منا الذلة والامام خرج للاصلاح.. وتشوفهم عايشين بالذلة والمجتمع من سيء الى اسوء .. يرددون الكلام مثل الببغاءات ومايعرفون شنو معناه ..

شكرا حبيبتي الغالية .. كلش افرح من اشوفج هنا وتشاركيني فضفضتي