المشاركة الأصلية كتبت بواسطة ايٰوشه
فديتتتتتتت اليحچي وردصدقتي وربييارب انشاء الله يطلع تعينج يعمري وتحققين الشي التريديكلامج شكد حلوو
ههههههههههههه خرررب صدك موقف مصيبةفدوات للي متابعني أول بــ أولاستمري حبيبتي متابعةأموت عليج
شويــة دغدغة للـ مشاعر
"ويَحسبون كسر الرُوح هيناً وَهو عِند الله عظيم."
اكو اشياء نسويها ونعتبرها عادية .. مثل تصرف نسيء بي لشخص او كلام نشمره منا ومنا او كلمه نوجهها لشخص على شكل مزاح او مرات بدون قصد ..
ونروح ننسى الي سويناه لان بنظرنا ان هذا الشي عادي
بس هو شي بسيط بنظرنا احنه اما الشخص المقابل ممكن تأثر بيه وتجرحه وماراح يگدر يعبّرها تشوفه ضحكلك وكأنما ماصار شي بس هو صار بالنسبة له وشي جبير هم وماممكن يگدر ينساه ..
مرة من المرات خالي الله يرحمه گالي كلمة ضلت ابالي وقت طويل .. خالي كلش حنون واحبه ومابگلبه حقد على شخص ابد وما ممكن يتعمد يجرح احد ..
بس شمر كلمة لي ضحكت وكتها وسويت نفسي مامهتمه لان اني احبه وكلش هواي بس ضلت كلمته بگلبي وجرحتني حيل وجنت كلما اريد انام اتذكرها واضل ابجي
وحتى من توفى كلش حزنت عليه شخص احبه كلش وخسارته كسرتنا كلنا .. هو كان شيخ معمم والناس كله تحبه ..
بس بقت هاي حجايته بگلبي مااگدر انساها .. لمن مرة شفته بالحلم اجاني وشبگني واعتذر مني واني هم شبگته .. والله عبالك حقيقه مو حلم من گد ماحسيت بالشبگه وشعورها وجان يبچي ويعتذر على كلمته
اني بجيت وكتها وگلتله لا تهتم خالو اني سامحتك
ووره هالشي الي صار احس نفسي استقرت وارتاحيت وصرت ماافكر بحچايته وماتجرحني گد ماافكر باللقاء الي صار بينا بالحلم ..
معناها الكلمة الي نعتبرها عاديه ونجرح بيها شخص هي مو عاديه وراح تبقى تلاحگنا حتى من نموت وگولتلكم الشي الي بينا وبين الله يگدر يسامحنا وهو الرحمن الرحيم .. بس الي بينا وبين الناس مايتغاضى عنها رب العباد لمن هالناس الي اذيناها تسامحنه وهذا هو العدل الإلهي ..
الله يرحم خالي ويغفرله ويجمعه مع محمد وآلِ محمد
تؤمنون بعلم الارقام والحروف وسوالف الطاقة والجذب وكذا .. شو اني اشوفها كلاوات
اكو گروب ع الفيس خاص بالنساء موجوده بيه اني .. بنات اثنين شابات ماخذات هاي الشغلة باب رزق لهن .. هسه الله يرزقهن ماگلنا شي
بس مو سوار بيه كم خرزة عادية اني مشتريته بنفسي بخمسيه دينار يجن يبيعنه فوگ العشره
شگولك هاي الخرز قارين عليها وبيها طاقه وكذا
لو بخور يطرد السلبية من البيت واسعارهن غاليه
اسمج يأثر عليج وهاي الحروف مو زينه عليج لا تتقربيلها وهاي زينة اعتمدي عليها ..
اهل البيت عليهم السلام يگولون احنه مانعلم الغيب .. لا يعلم الغيب الا الله .. انما اكو اشياء الله يريدنه نعرفها فـ نعرفها ..
بعد هذني منين جاي يجيبن سوالف هيج راح يصير وهيج راح يصير عود يقرن الارقام مدري شنو ..
كلها كلاواتتؤمنون بعلم الارقام والحروف وسوالف الطاقة والجذب وكذا .. شو اني اشوفها كلاوات
اكو گروب ع الفيس خاص بالنساء موجوده بيه اني .. بنات اثنين شابات ماخذات هاي الشغلة باب رزق لهن .. هسه الله يرزقهن ماگلنا شي
بس مو سوار بيه كم خرزة عادية اني مشتريته بنفسي بخمسيه دينار يجن يبيعنه فوگ العشره
شگولك هاي الخرز قارين عليها وبيها طاقه وكذا
لو بخور يطرد السلبية من البيت واسعارهن غاليه
اسمج يأثر عليج وهاي الحروف مو زينه عليج لا تتقربيلها وهاي زينة اعتمدي عليها ..
اهل البيت عليهم السلام يگولون احنه مانعلم الغيب .. لا يعلم الغيب الا الله .. انما اكو اشياء الله يريدنه نعرفها فـ نعرفها ..
بعد هذني منين جاي يجيبن سوالف هيج راح يصير وهيج راح يصير عود يقرن الارقام مدري شنو ..
و الكلاوات تكثر بالمجتمعات الي مابيها تعليم سليم
الجهل هو ارض خصبة لكل الكلاوچية
خاصة بناتنا ، هواي يعبرن عليهن هل سوالف
والله ياخويه الله نطانه عقل وميزنه عن باقي المخلوقات حتى نفكر بيه ..
هو چان گروب حليو سوالف عاديه بس من دخلت بيه هاي السوالف خربته ..
سوالف تخزي مثلا تعاي گعدي من الصبح وگولي فلوس فلوس فلوس حتى تجيج الفلوس تركض.. او گولي زوجي يحبني زوجي يحبني حتى يحبج زوجج ومايشوف غيرج .. خو ضحكي بوجهه وگوليله الله يساعدك وهو يحبج
والله مااگول غير الحمد لله على نعمة العقل
كلنا سامعين بمقولة سوي زين وذب بالشط
ليش من نسوي عمل خير او فد شغلة زينة لصالح شخص معين ننتظره يشكرنه بالمقابل
واذا ماشفنا الامتنان والمديح نگول مايستاهل بعد مااساعده حتى ماشكرني ..
لازم من نشوف ان احنه قدمنا مساعدة او فد شغلة معينه للمقابل او محتاج مانتتظر الشكر عليها نكون سوينا هذا الشي لوجه الله ..
اني احب الله .. والله يحب الي يعمل الخير ويقدمه من دون مقابل او مصلحة لذلك اسوي الشي الي يحبه حبيبي حتى يحبني ..
دائما خلينا نسوي الاشياء الزينة او نقدم المساعدة سواء كانت مادية او معنوية وماننتظر من الناس تگولنا عاشت ايدك عفيه عليك
قضيت طفولتي ومراهقتي كلها واني اتابع افلام كرتون .. وتريدون الصدگ هواي تعلمت شغلات منها .. كرتون قبل جان بيه دروس. بالمدرسة نفسها ماعلمونه عليها ..
وبهذا عمري متزوجة وام لطفلين واني من اضوج اروح اتابع كرتون او اخلي الاغاني مالتها واغني وياهم .. راحة نفسية يااخي وتنطيني امل وتفاؤل بالحياة وتغيرلي جو همين ..
عبوسي مرات يصيحني ماما خليتلج الكرتون الي تحبينه واجي اشوفه عهد الاصدقاء او ريمي ونگعد نتابع سوه هههه
الانسان بطبيعته كائن مفرط الحساسية و يحب يشعر بتقدير الي حوله ، لذلك كل شخص بينا يحتاج الى الثناء بين فترة وفترة ، ومستحيل اكو شخص يگدر ينطي بدون مقابل و يبقى بنفس العطاء لفترة طويلة ، التقدير المعنوي هو الماء الي يسقي زهرة العطاء ، واني اختلف وياج بقضية ابقى انطي ، لا اذا ما شفت تقدير ع اقل معنوي فـ معناها انت غلطان اذا استمريت بالعطاء ، كلمة شكراً ما راح تخسر شيء اذا گلتها
وماكو احد بينا ما يحتاج هل كلمة
كل الحالات الي ذكرتهم مو شرط تگليلهم شكراً حتى يقدمون الي يقدموه ، بس اذا گلنالهم شكراً راح ننطيهم دافع ان يسون كلشي بـ حب
شكراً الچ ام عبوسي على هذه المدونة الحلوة
مرات اشياء نشوفها بسيطة بس هي قادرة انو تسعدنا وتنطينا طاقة ايجابية ونشاط ..
من هاي الاشياء لمة عائلية او طلعة وي اهلك وناسك الي تحبهم او اصدقائك ..
حاول گد ماتگدر انو ماتهمل هيج شغلات وخليلها جزء من وقتك .. دائما اشوفهم يگولون الوحده والانعزال من الناس افضل .. ليش اذا جانوا اهلك وحبايبك واصدقاءك حواليك هاي نعمة من رب العالمين لازم نشكره ونحمده عليها ..
رد مع اقتباس
