افتتاح موفق حبيبتيالمشاركة الأصلية كتبت بواسطة زهرة اللوتس .
قبل لا اروح انام خل اسولفلكم قبل شنو چنت اتمنى اصير ..
چان حلم حياتي اصير صحفية او مقدمة برامج شي من هذا القبيل .. بس بقت أمنية ودفنت هذا الحلم بداخلي بسبب مجتمعنا واهلي محافظين يعني والدي مايقبل اشتغل بهذا المجال
لذلك ضلت هاي الامنية لهسه بداخلي تخرجت من المدرسة رحت كلية تربية لغة عربية لان الشغل الي يقبل بيه والدي ان اصير معلمة .. رادني ادخل اختصاص انگليزي وعاندت لو عربي لو ماادخل كلية اصلا
بعدين خلال دوامي بالجامعه مرحلة ثانية انفتحت دوره للصحافة عدنه مدتها اسبوعين
فـ اني اول وحده رحت اركض وسجلت بيها هههه
وجبت درجة 85 .. اعلى من درجاتي بـ اختصاصي العربي .. وبعدين تعينت عضو باللجنة الثقافية التابعة للقسم بس بدون راتبوضليت انشر خواطر وكذا بالمجلة بس مو بـ اسمي لا چنت كلش خجوله چنت انشر بلقب عاشقة المنتظر / دعاء ..
چنا هواي دعاءات بمرحلتنا 8 تقريبا لذلك ضعت بيناتهن .. محد يعرفني اني بس صديقاتي .. الي موجودين باللجنة شباب وبنات يتوسلون بصديقتي منو هاي الي جاي تكتب خواطر ومااقبل اگول .. المهم تخرجت وماكو تعيين وبقيت اقره خبر او موضوع واشغل موسيقى واسجل صوتي عود مثل المذيعات امارس هوايتي الي انحرمت منها هههه على فكرة لهسه ضاله بنفسي اشتغل بالاعلام .. گلت افتح قناة على اليوتيوب وبس صوت اسجل بس طلع ابو عبوسي نسخة من الوالد ..
تصبحون على خير واحلامكم سعيدة بـ اذن الله
اني مثلج جنت اتمنى اصير اعلامية بس مو مثل اعلاميين هسة حشا الزينين
ام عبوسي كل نص شهر هنا عدنا عدد مجلة درر العراق تكدرين تختارين فد قسم وتنشرين بيها
اني مختاره قسم الاسرة والطفل ادز الموضوع لسوزي وهي بدورها مشكورة ترسله لضياء مدير المجلة
رد مع اقتباس
هم ضلوا يصيحون الله الله بس جنت متأكده جانوا يضحكون بداخلهم لان الموقف يضحك صراحة .. 
