المشاركة الأصلية كتبت بواسطة دُعےـــآء
بالضبط والله
العَالمُ هو الذي يتقدَّمُ في العُمرِ ؛ أمَّا أَنا مازلتُ طِفلة
لستُ أطيبَ النَّاسِ ولكن أملِكُ قلبًا لا يُحبُّ أن يكسرَ خاطرَ أحد
عفور انه احس بيج انتِ حالياً شگد ممكن تكونين مقهورة ، قبل فترة طلعتي من تجربة فاشلة واثرت بيج كلش هواية نفسياً ومعنوياً والحمد لله على كلشي ، وهسه همين تقريبا انعادت نفس التجربة ولكن الفرق ان انتِ كنتي بالاولى هشّة كلش ولذلك اثرت عليج بس هسه متأكدة انتِ صرتي اقوى وهاي التجربة مراح تخلينها تتغلب عليج ، يمكن تگولين انه مو علمود شخص اضوج او انقهر ولكن بسبب ايامي اللي جاي تروح هيج .. او حضي الفگر اللي مافالحة لا بزواج ولا تعيين بس صدگيني بالعكس انتِ حضج كلش حلو لان جاي تتبين عندج الحقائق وتنكشف الوجوه قبل لا تتورطين ، تخيلي وياي لمن تعرفين رب العالمين شگد يحبج وهو يمدلج ايده ويساعدج علمود لا توگعين ببير اظلم وموحش ،
ممكن تجيج اوقات تتسائلين انو ليش انه بالذات جاي يصير وياي هيج ، ارجع اذكرج ان الله يختبر بس الناس اللي يحبها ، هاي الانبياء والائمة عليهم السلام كل شخص منهم الله ابتلاه بفد شغلة معينة تتوقعين الله يكرههم وهيج يصير وياهم !! ، بالعكس هم افضل البشر والله يحبهم بس يمتحنهم حتى يعوضهم بالاخير على صبرهم وايمانهم بي وبقدره
شوفي شلون راح تجيج ايام تبجين بيها من الفرح على جبر رب العالمين لج وعوضه اللي ماكنتِ تتوقعينه
اريدج توگفين على حيلج وتصيرين قوية وانتِ اللي تنخسرين ماخسرتِ ابد .. هم كانوا اشخاص عابرين بحياتج .. نقطة سودة وتگدرين تمحيها لمن تفكرين بنفسج انتِ وبس وسعادتج بيدج مو بيد اي بشر
انتِ اختي حبيبتي واعرفج راح توگفين بوجه اي شي ممكن يعكر حياتج او يضوجج وراح تتغلبين على كل يأس ممكن يحاول يتغلب عليج
انه كلش أحبج ومراح اكون مرتاحة بحياتي الا لمن اشوفج سعيدة ♡♡
كلما اخلي راسي على المخدة اريد انام افكر بيها بس هالمرة گلت خلي اكتب اللي افكر بي وادزه لها
حالتي وانه اتقرب من بنات اخوي علمود لابالمستقبل اصير العمة الحية
"أَنتَ أَوّلُ شَخصٍ أَفتحُ لَهُ قَلبِي، أَوّلُ شَخصٍ أُعطيهِ كُلَّ مَشاعرِ الحُبِّ، أَوّلُ شَخصٍ لاَ أَستطيعُ صَدَّ قَلبِي عَنهُ، أَوّلُ شَخصٍ يُطمئننِي وُجودهُ وَترعبنِي فِكرةُ اِختفائهِ."
رد مع اقتباس
