من أجمل نِعم الله عندما تضع راسك على الوسادة
تنام مرتاح البال .. لا يشغل عقلك التفكير السيء
ولا يأخذ منك القلق والندم مأخذاً .. متفائلا بـ غدٍ أجمل
وســـ يكون أجمل بـ إذن الله ..
تصبحون على خير وسعادة
من أجمل نِعم الله عندما تضع راسك على الوسادة
تنام مرتاح البال .. لا يشغل عقلك التفكير السيء
ولا يأخذ منك القلق والندم مأخذاً .. متفائلا بـ غدٍ أجمل
وســـ يكون أجمل بـ إذن الله ..
تصبحون على خير وسعادة
الطيبة
الطيبة بمجتمعنا هاي الايام تنظرلها الناس على انها شي مُعيب ..
يعني لا تصير طيب يستغلونك ..
اذا انت شخص طيب يشوفوك ماعندك شخصية ..
اذا شافوا گلبك طيب يفسروها على انك غبي وتتقشمر بسرعة ..
لا عيوني انتم .. لا تاخذكم هذي الافكار ويجرونكم لمستنقع النفاق والمكر ..
الطيبة شعور حلو .. ان تكون شخص طيب راح يحبك رب العالمين .. وحب الله يغنيك عن حب كل البشر
مو كلشي يصير لنا بحياتنا نتكلم بيه لازم يكون عدنه قدر من الخصوصية ولازم نترك شي لنفسنا ومنخلي احد يعرفه .. لان ممكن بيوم من الايام نندم ان احنه فاضحين نفسنا بنفسنا مو غباء من عدنه وانما طيبة والي بگلبنا على لساننا وعبالنه كل الناس مثلنه ..
الدنيا هاي ماتتأمن والناس الي بيها منهم الطيب ومنهم الخبيث والمنافق .. ماتعرف شنو بدواخلهم
المواقف احيانا هي الي تفضحهم وتبين معدنهم شنو
لذلك لازم نتعلم ان مو كلشي نحچيه للناس ولازم نحافظ على الجزء المهم من حياتنا
صارلي هواي ادعي رب العالميـن علمود التعيين تقريبا من 2014 ولهسه .. بس كلما اشوف اسمي مايطلع اضوج شوي وبعدين اگول اكيد رب العالمين لـ مصلحتي منع عني هذا الشي الي أريده
لان بـ غير اشياء بس ادعي يستجيب دعائي من غير النِعم الي منعم علية بيها الحمد لله
وهسه اختي نشرت ستوري بالانستا هذا الكلام لي .. وهم اگول اذا صار الحمد لله واذا ماصار اكيد الله اعرف بـ مصلحتي وله الحمد ..
ماأثق بالابراج .. ثقتي بـ الرحمن الرحيم فوق الكل
التعديل الأخير تم بواسطة دُعےـــآء ; 21/September/2022 الساعة 2:42 pm
من چنت زغيرة واني كلش اكره الظلم .. من اشوف شخص ينظلم گدامي واني مو گادرة اسوي شي احس بگلبي يصير يوجعني وكلش انقهر ومرات توصل وياي اضل ابچي لان مااتحمل اشوف هيج شي ..
اتعجب من الاشخاص الي يضلمون ناس ويگدرون يعيشون حياتهم وكأنما ماصاير شي ياكلون ويشربون وينامون ويضحكون مو عبالك بسببهم اكو ناس تعاني
دائما اتسائل شنو السبب الي مايخليهم يحسون بالاذية الي سببوها لغيرهم .. ظلم الناس شي چبير عند رب العالمين .. الشي الي بينا وبين الله تبقى يم الله هو يحاسبنا او يطيحها لنا بـ ارادته .. الا ظلم الناس هاي بينك وبين الشخص الي ظلمته وأذيته .. مايسامحك رب العالمين الا الشخص الي ضلمته واذيته يسامحك ..
عود ليش الكلمات الحلوة عدنه ماخذه غير معنى بعيدا عن الشي الي لازم تنگال علموده .. مثلا ..
كلمة ( الله كريم ) لازم تكون احلى كلمة ممكن نسمعها ونطمئن ونرتاح . بس اذا شخص گالك الله كريم راح تاخذها على ان الشي الي تريده ماراح يصير ..
كلمة ( يصير خير ) واضحة كلش يعني نتأمل ان الاشياء الي تصيرلنا راح تصب بمصلحتنا وبالشكل الي يعجبنا ومايصير الا الخير .. بس بمجتمعنا من نگولها معناها للتهديد .. اذا ردنا نهدد شخص ونحذره نگوله:
بسيطة يصير خير
كلمة ( الله ياخذك ) هاي الكلمة كلش تاركة أثر بداخلي
اذا مااريد الله ياخذني لعد منو ياخذني .. هو اكو احلى من ان .. الله ياخذني
صحيح يقصدون بيها الموت .. كلنا راح نموت هاي نهاية حتمية .. بس ان اموت ويكون الله ياخذني اعتقد ماكو احلى من هيج شي برأيي ..
إلى من سرقوا اوطاننـــا
قلتُ للحاكمِ : هلْْ أنتَ الذي أنجبتنا ؟
قال : لا .. لستُ أنا
قلتُ : هلْ صيَّركَ اللهُ إلهاً فوقنا ؟
قال : حاشا ربنا
قلتُ : هلْ نحنُ طلبنا منكَ أنْ تحكمنا ؟
قال : كلا
قلت : هلْ كانت لنا عشرة أوطانٍ
وفيها وطنٌ مُستعملٌ زادَ عنْ حاجتنا
فوهبنا لكَ هذا الوطنا ؟
قال : لم يحدثْ ، ولا أحسبُ هذا مُمكنا
قلتُ : هل أقرضتنا شيئاً
على أن تخسفَ الأرضَ بنا
إنْ لمْ نُسدد دَينَنَا ؟
قال : كلا
قلتُ : مادمتَ إذن لستَ إلهاً أو أبا
أو حاكماً مُنتخبا
أو مالكاً أو دائناً
فلماذا لمْ تَزلْ يا ابنَ الكذ ا تركبنا ؟؟
… وانتهى الحُلمُ هنا
أيقظتني طرقاتٌ فوقَ بابي :
افتحِ البابَ لنا يا ابنَ الزنى
افتحِ البابَ لنا
إنَّ في بيتكَ حُلماً خائنا
أحمد مطر
لازم نتعلم نحب نفسنا .. حب الذات مو شي اناني وانما هي ثقة بالنفس وتقدير لها .. صدگني اذا انت حبيت نفسك ووثقت بيها الناس راح تحبك .. لا تعتمد على شخص او تنتظر احد يجي يسعدك اذا مالگيت شخص يلزم ايدك الزمها بالايد الثانية واسعد نفسك بنفسك .. وكتها بس راح تعرف ان وجود الناس بحياتك شي حلو واذا غابوا مراح يضرك هـ الشي ...
اسولفلكم موقف واگوللكم تصبحون على خير
مرة من المرات جان عدنه بناء ابيتنا يعني الشغل بالحديقة علمود يسوون ديوانية ( صاله استقبال) احنه نسميها ديوانيهالعمال جانوا كلهم شباب والاسطه ابوهم وهم جيرانه .. فـ الصبح جنت اريد اطلع للدوام بالكلية جنت مبدلة وكاشخة وهله هله فتحت باب البيت الي على الحديقة واشوف ماكو مكان اعبر صفحة مملية اسمنت مخبوط وانقاض وصفحة هم ملتمين جانوا يشتغلون .. من طلعت ضلوا يباوعولي شلون اريد اعبر
طبعا مستحيل اعبر من يمهم لان اني كلش خجوله ..
مااباوعلهم انوب مو اعبر من صفحتهم .. گلت يله خلي اشبخ السمنت .. ردت اعبره ووووطب بالخبطه مالتهم
هم ضلوا يصيحون الله الله بس جنت متأكده جانوا يضحكون بداخلهم لان الموقف يضحك صراحة ..
كمت على حيلي ورجعت دخلت للبيت بس الفشلة تقره ألف .. مملية اسمنت .. انوب غسلت وبدلت من جديد وردت اطلع مره ثانيه .. وهالمره سوولي مكان عبرت من يمهم .. سويت نفسي كأنما ماصار شي .. هي الهيبة وطارت بعد عليمن مستحية
فديت الواثقهالمشاركة الأصلية كتبت بواسطة زهرة اللوتس .
اسولفلكم موقف واگوللكم تصبحون على خير
مرة من المرات جان عدنه بناء ابيتنا يعني الشغل بالحديقة علمود يسوون ديوانية ( صاله استقبال) احنه نسميها ديوانيه
طبعا مستحيل اعبر من يمهم لان اني كلش خجوله ..
مااباوعلهم انوب مو اعبر من صفحتهم .. گلت يله خلي اشبخ السمنت .. ردت اعبره ووووطب بالخبطه مالتهم
كمت على حيلي ورجعت دخلت للبيت بس الفشلة تقره ألف .. مملية اسمنت .. انوب غسلت وبدلت من جديد وردت اطلع مره ثانيه .. وهالمره سوولي مكان عبرت من يمهم .. سويت نفسي كأنما ماصار شي .. هي الهيبة وطارت بعد عليمن مستحية
رد مع اقتباس