هنا

[دُعےـــآء]

ههههههه يفدوا اضحك بس بداخلي انقهرت عليج همزين سويته وارتاحيتي منهه يعمري كل ماتنشرين أتابعچ وردة

عمري ايوش .. كلامچ هذا يخليني ابني غرفة هنا واگعد انشر بس علمود تتابعيني
عمري أموت عليج

[دُعےـــآء]

ثورة تشرين

مااگدر انسى هذيچ الايام ابدا .. ايام تحس انك صدگ تفتخر من تگول اني عراقي .. اول مرة نشوف اكو ناس ماتحب الذل .. ناس متحررة من عبودية الاحزاب ..
ناس تحب العراق وماتحب غيره ..

وقت الي صار قتل بالدخانيات والطلق الحر والقناص وقتلوا الشباب متت قهر ونفسيتي تعبت كلش ..
واني اشوف شباب مثل الورد نزلت تدور عن وطن تطالب بحقوق مسلوبة يقتلونهم بدم بارد ..

فقدت واني اشوف مقاطع الفيديو ملت وسائل التواصل وهم يطيحون واحد وره الثاني .. صرت ابجي وگلبي تگطع عليهم .. وابو عبوسي صار يخفف عني ويهدئني
اگوله ليش يكتلونهم حتى ماطالعين بسلاح شايلين علم عراقي وطالعين وكلها خيرة الشباب واحسنهم .. يگولي مابيدنه شي نسويه ..

صدگ مابيدنه شي واحنه عايشين ببلد القوي ياكل الضعيف اذا ماعندك واسطة من الاحزاب تروح بالرجلين
ماتگدر تتكلم وتگول الحق ببلد يزعمون انه تسوده الديمقراطية وحرية التعبير ..

مهما كانت المسميات الي اطلقوها على هـ الثورة ..
مهما شوهوا صورتها واطلقوا الاشاعات وحاربوها
تبقة إنتفاضة شعب أبى الا ان يكون حراً ..
الشباب دفعتهم غيرتهم على وطنهم ماطلعوا يدورون مناصب ومصالح او لصالح حزب الفلاني او الشخص الفلاني ..

رحم الله شباب هذه الانتفاضة الي ماتوا وعيونهم تبحث عن وطن يعيشون بي بحب وتآخي مكرمين معززين ..

سلام الله عليـهم أجمعيـــــن

[انسان ثاني]

ثورة تشرين




اتذكر چنت العب ببجي و سمعت شباب بالطيارة يصيحون (العراقين موعدنا 1/10 بساحة التحرير) ، ما چنت اعرف منو الجهة المنظمة وبوقتها كنت مقاطع السياسة بسبب احباطي من الي دا يصير ، بس اول شيء خطر في بالي ان التيار الصدري وراها و ضحكت لان اعرف سوالف التيار شون يبتزون خصومهم السياسيين بالمظاهرات بعد مايرضوهم بشكم منصب يبوكون من خلاله ، بس وره ما بلشت المظاهرات بلشت اشوف لا التيار مو هو الطرف المنظم ، ما چنت مصدگ انهم مستقلين ! ، بلشت اسمع من اصدقائي الي راحوا انه فعلاً شباب دون انتماءات حزبية ، هنا بلشت اميل لهذه الثورة بالاراء و ادعمهم في تويتر لكن ما رحت للتحرير ، من صار تعدي عليهم هنا خلص اخذت صف المتظاهرين

اكبر غلط غلطته حكومة عادل عبد المهدي انهم قطعوا النت ، اتذكر بعد قطع النت الناس صار ماعدها شغل وعمل بسبب حظر التجوال ، فـ الكل راح للتحرير مو شرط متظاهر بس من الضوجة و الفراغ راح يشوف شكو ماكو ، يعني الحكومة الاغبياء انطوا زخم للمظاهرات بدون ما يحسون هههه

من الاشياء الي رجعت اسويها بوقت المظاهرات ، رجعت اشوف تلفزيون مثل قبل ، چنت كلش استغرب ما اگدر ارجع الحچي المهم بالاخبار مثل يوتيوب و حسيت بنعمة النت

و من الطرائف تابعت برنامج ع شرقية بسبب مذيعة چانت حلوة اسمها نوار عاصم بس قهرتني من تزوجت محمدنا (الحلبوسي) و دزيتلها رسالة ع انستغرام گتلها ابيش اشتراج بعد ما چنتي تهاجميه وتهاجمين الحكومة و مسويه روحج تشرينية ، ماردت عليه بس شافت الرسالة وهذا هو المهم ^___^

[دُعےـــآء]

چنت وقتها مخليه هاي القصيدة واسمعها دائما حتى واني اطبخ او اغسل مواعين مخليتها وابچي .. يجي ابو عبوسي يخترع يشوفني ابچي وبحرگه يگولي شبيج منو مات ؟!
اگوله ( العراق ) يضل يضحك علية ..
بس والله چانت مشاعري صادقة وقتها وابچي من كل گلبي .. لمن انطفت شرارة هاي الانتفاضة وخمدت رحت مسحت شكو صفحة كانت تنشر فيديوهات عليها من الفيس والانستا وصرت اتابع ازياء وسوالف نسوان لمن احس نفسيتي تغيرت شوي .. بس مستحيل ننسى احداث هاي الثورة والشهداء الي راحوا باقين معشعشين بذاكرتنــــا

[أبو ملاك]

جدًا تعجبني طريقة كلامج بالعامية ..
إستمري بطرح الأفكار .. هنا
وأكيد راح أكون متابع لهذهِ المدونة المفيدة ..
تحياتي ..

[تـمــيــڒ]

عزا اشكد لطيفة انتي ونقية؟!يربي

حدخل للدرر بس علمود هالشخابيط لان دافتقر بحياتي لهيج ناس وهيج سوالف

[دُعےـــآء]

جدًا تعجبني طريقة كلامج بالعامية ..
إستمري بطرح الأفكار .. هنا
وأكيد راح أكون متابع لهذهِ المدونة المفيدة ..
تحياتي ..

ربي يحفظك اخويه .. سعيدة جدا بهذا الحضور وهاي المتابعة .. مية هله

[دُعےـــآء]

عزا اشكد لطيفة انتي ونقية؟!يربي

حدخل للدرر بس علمود هالشخابيط لان دافتقر بحياتي لهيج ناس وهيج سوالف

عمري انتِ الالطف والله

هنيالي وهيج ناس جميلة وكيوت تتابعني

مليون هله ومرحبا

[عضوية محجوبه]

عمري ايوش .. كلامچ هذا يخليني ابني غرفة هنا واگعد انشر بس علمود تتابعيني
عمري أموت عليج

هههههه بعد روحي فدوه العمرج من اول مانشرتي واني أتابعج اموت عليج

[دُعےـــآء]

هههههه بعد روحي فدوه العمرج من اول مانشرتي واني أتابعج اموت عليج