هنا

[ايليتا]

كلش انقهر من اشوف الفيديوهات والمنشورات على السوشل ميديا وكيف الناس تتقاتل بيناتها علمود تمن ومرگ او من احضر المجالس واشوف النسوان شلون اذا ماكو توزيع مايحضرن ..
بحيث ذاك اليوم وصل الامر للملاية تگول للنسوان تذكرن اباءجن وامهاتجن واخوانجن بس تريدهن يبجن .. شنو فايدة هالبكاء وهو مو لسيد الشهداء

لو تشوف الناس تصيح هيهات منا الذلة والامام خرج للاصلاح.. وتشوفهم عايشين بالذلة والمجتمع من سيء الى اسوء .. يرددون الكلام مثل الببغاءات ومايعرفون شنو معناه ..

شكرا حبيبتي الغالية .. كلش افرح من اشوفج هنا وتشاركيني فضفضتي

حبيبتي انتي أنا لي الشرف اكون بين سطورك

[دُعےـــآء]

_ يا صاحب الظل الطويل، ها قد عدتُ بعد غياب، فهل أنت هنا؟

= عزيزتي جودي، لا أدري لماذا لا تلتقي أوقاتنا، كنت هنا عندما كنتِ هناك !

_ يا للألم! أما من وسيلة لحذف هذه الكاف الجائرة؟


.

[دُعےـــآء]

انت لو تحبني چان عرفت شنو بية !!

هاي الجملة هواي نضحك عليها ونحشش ونتخذها محط سخرية بس لو تجي للصدگ
تره المرأة من تگولها مو اعتباط ابداً

الحب بنظر المرأة هو ارتباط روحي مو اشياء مادية واللي يخالفني بهاي النقطة اگوله اكو بعض النساء خرجن من هاي القاعدة ..

المرأة تريد من الشخص اللي تحبه يهتم بيها وبكل تفاصيلها وكأن ماكو شي بالدنيا غيرها هسه هاي تعتبر أنانية او غير شي .. بس هي هاي مشاعر المرأة .. من يجي الشخص اللي تحبه ويگولها شبيج معناها هو مايعرف شنو صاير وياها ومايعرف شنو اللي جاي تمر بيه .. بنظرها سؤاله هذا تعتبره نوع من الاهمال بحقها لان تريده وياها لحظة بلحظة عايش بكل تفاصيلها يعرف كلشي يصير وياها .. ولو هي الهرمونات لها دور كبير بتعكير مزاجها وهذا الشي مو بيد الرجل حتى راح يعرف ليش هي قبل نص ساعة لوز وهسه انگلبت خلقتها .. هنا نعذره من يسألها شبيج هههه

هذا الكلام نگوله للناس اللي عايشين ببيئة مناسبة ومابيها مشاكل والرجال مگابلها وگاعد وماعنده شغل وعمل بس حتى يرضيها

بس عدنه بالعراق والرجال مسموط سمط من التعب وبهــ الظروف المعيشية التعبانة ويرجع للبيت حتى يرتاح وتجي تگوله هاي الجملة
هنـا اي اجراء يتخذه بحقها ماراح نلومه ابد


.

[دُعےـــآء]

محمد اخوي من اول امس دزلي هاي الرسالة على الواتساب وتوني رديت عليه .. اللي يسألني وين جنتي ؟! أرد عليه وبكل فخر : نايمــة

[دُعےـــآء]

سألت مجموعة من الأطفال أينَ الله؟

جَميعهُم رَفَعٌوا روؤسهم للسَّماء وقالوا إنَّه موجود في السَّماء

قُلَّت لهم وأينَ ايضًا ؟ لم يجب أحد!

قلَّت لهم إن الله موجود فِي كلَّ مكان يا أطفال
في الارض والسماء، البر والبحر ،الغيوم والنجوم بالقرب من الشمس والقمر .

سوف تجدون الله في كل شيء جميل لأننا عندما نرى شيئٌا جميلٌا نقول "الله "!

ستجدون كلمة الله تدلّ على الرَّحمة والعطف لأننا عندما يتعثر شخص أو يسقط على الأرض نقول " أسم الله "!

وضعت يدي على قلبي وقلَّت إنَّه موجود هنا في القلب عندما نشعر بالخوف او الحزن سيكون بِجانِبِنا ‏ ‏{وَرَبَطْنَا عَلَىٰ قُلُوبِهِمْ} .

وبعد مدة سألت أحد الأطفال أينَ الله؟
فقال : الله هُنا وأشارَ الى قَلبهٍ ♡


راقت لي

[دُعےـــآء]

اكثر من مرة اگول تعلمت واخذت درس انو انه مناورايح بعد مااخذ انطباع عن شخص من خلال كلام موصلينه لي .. ممكن هالشخص يكون عنده اعداء او ناس ماتحبه او ممكن غيرة .

مادام هالشخص ماشايفة منه اي اساءة او شي مو حلو اتجاهي فالمفروض مااصدگ اي كلام ينگال عنه ..

المهم اتمنى تكون اخر مرة اطيح بهذا الخطأ وتكون فعلا عِبرة لي ..

[دُعےـــآء]

دائما عدنا بالعراق نشتكي من سوء الخدمات وعدم الكفاءة والخبرة بالدوائر والمؤسسات الحكومية والمدارس والدوائر الخدمية وناس خابطة بناس وصايرتلك هوسة ..

اتوقع ممكن يكون جزء من السبب هو آليــة التعيين اللي يتبعونها علمود يوظفون الناس كلمن حسب كفاءته وخبرته وشطارته .. بس هذا الشي مايصير باغلب التعيينات والسبب هو انو تكون اختيار الموظفين مو حسب كفاءته وشطارته وانما متزوج وعنده اطفال حتى لو كان ماعنده روح العمل والنشاط ولا كفاءة يفضلونه على المامتزوج حتى لو كان شخص كفوء وخوش يشتغل ومطلع معدل وتعبان على نفسه ...

صح هذا عنده عائلة ويريد يعيشهم بس لازم كلش شخص ياخذ استحقاقه من غير سالفة الزواج والاطفال

هاي من غير الواسطات والمحسوبية والمنسوبية

رغم اني متزوجة وعندي اطفال وهالشي راح يخدمني بس اشوف هيج شي خطأ ..

هسه عدنه بالبصرة بتعيينات الـ 30 الف درجة اشخاص خلوهم بمكان مو يم شهادتهم ولا دراستهم ولا شي .. ابو اداب الانكليزي خلوه بالكهرباء زين شجاب هاي على هاي .. ادارة اعمال او اي تخصص مو يم التربية والتعليم سووه مدرس يدرس طلاب وهكذا

زين شلون بعدين اريد منهم يطلعولي شغل زين

ماادري وجهة نظر هاي وممكن اكون غلطانة
​

[ملكةه]

الحروف الغبت عنها من فتره اشتاقيت لهذا مكان

[دُعےـــآء]

الحروف الغبت عنها من فتره اشتاقيت لهذا مكان

تشتاقلج العافيــة

[دُعےـــآء]

هذا الفلم رهييييب جداً .. البارحة شفته وعجبني

يوضح شلون المشعوذين والدجالين يستغلون عقول الفقراء عن طريق الدين ..

اللي يحب هذا النوع من الافلام انصح به وبشدة