هنا

[انسان ثاني]

مو كل شخص عنده شهادة عليا سواء ماجستير او دكتوراه معناها انسان واعي وعقله چبير
اكو بيهم تشوف اسلوبه وتگول ماشاء الله على الثقافة والاسلوب ومن تتقرب منه او يصير فد موقف معين بينه وبينك راح تلگاه مجرد شخص مغلف من الخارج بغلاف حلو يسر الناظرين
ومن الداخل لا حول ولا قوة الا بالله تصرفات غير واعية مالت مزعطة وتضحّك الصراحة ولا اكو عقل ولا تفكير ولا اسلوب ..

خلوا هالكلام ابالكم حتى لا يخيب ضنكم باشخاص تشوفونهم شي ويطلعون ولا شي

او مختصر الكلام .. الاشخاص اللي تشوفونهم حلوين ويعجبونكم باسلوبهم وشخصيتهم من بعيد خليكم تباوعون من بعيد لا تتقربون .. لان اكو هواي اشخاص من تتقرب منهم راح يخيب ضنك وتروح فكرة الوااااو اللي چنت ماخذها عنهم وتختفي الهالة اللي كنت تشوفهم بيها ..

واكيد كل شخص وعنده عيوبه ماكو انسان كامل والكمال لله وحده .. بس علمود لا يخيب ضنكم بهواي ناس خليكم ماخذين فكرة حلوة عنهم من بعيد احسن

احس اكو بگلبج اسماء
ممكن تطرحيلنه امثله مدام ام اعباس هههه

[دُعےـــآء]

احس اكو بگلبج اسماء
ممكن تطرحيلنه امثله مدام ام اعباس هههه

اي هو نفس الشخص اللي اجه ابالك

يمعود هيج اشخاص يمرون عليك بحياتك هم نعمة من رب العالمين يخلونك تصير حكيم زمانك وتصير تتفلسف على الناس

[دُعےـــآء]

[ملكةه]

ها شلونكم

[دُعےـــآء]

ها شلونكم

بخيــر . شلونكم انتم

[دُعےـــآء]

ليس رزقي هذه الكلمة تخمد في داخلي كل عواصف التحسُّر والتمنّي في كل مرة أبذل فيها ما في وسعي للحصول على شيء ثم يحال بيني وبينه..‏لقد أردت، وسعيت، وأراد الله غير ذلك، والخير كل الخير فيما يريده الله.. فاللهم لك الحمد

حبيتها

[دُعےـــآء]

اذا عندك حبيبة عايفة حياتها واهتماماتها ومركزة بيك ووياك وتشوفك انت كل الدنيا بالنسبة لها اهتم بيها وداريها ولا تقارنها وي غير بنات تعرفهن مجرد معرفة سطحية ترى البنية اللي تحب من كل گلبها اي كلمة ممكن انت تشوفها عادية بس هي تكسر گلبها بيها
دير بالك عليها وعادي انو تذكرها بين فترةوفترة ان انت ماعندك غيرها وهي الاولى والاخيرة بحياتك .. البنات كلش حساسات ولازم تتعامل وياها بكل لطف بكل حب بكل اهتمام خصوصا اذا هي عايفه العالم وره ظهرها وتشوفك بس انت وبس

[دُعےـــآء]

عندي صديقة كلش احبها تعرفت عليها من خلال درر العراق وحاليا هي ممتواجدة احسها الوحيدة اللي تفهمني وتفهم طبعي ومتقبلته بكل رحابة صدر حتى لو نبقى شهر شهرين مامتواصلين ابد محد تزعل من الثانية ولا وحدة تنسى الثانية دائما على بالي هي ومتأكدة اني بالنسبة لها نفس المكانة ..

ماتذكرني بتاك على الانستا لو بالستوري او تمدح صداقتنا على العام تگولي انتي شي غالي على گلبي واخاف يحسدوني عليج واخسرج ..
واني اتقبلت هالشي منها وكلش فرحت لمن توصل لمرحلة تخاف تفقدني بيها .. لذلك نتغزل ببعض بالخاص كلما سنحت الفرصة ..
والله كلما اشوف فيديو يخص الصداقة بس هي تجي على بالي لان كلش احبها رغم اني من محافظة وهي من محافظة ثانية ..
البعيد عن العين قريب من القلب اؤمن بهاي المقولة

[YAĞMUR]

اذا عندك حبيبة عايفة حياتها واهتماماتها ومركزة بيك ووياك وتشوفك انت كل الدنيا بالنسبة لها اهتم بيها وداريها ولا تقارنها وي غير بنات تعرفهن مجرد معرفة سطحية ترى البنية اللي تحب من كل گلبها اي كلمة ممكن انت تشوفها عادية بس هي تكسر گلبها بيها
دير بالك عليها وعادي انو تذكرها بين فترةوفترة ان انت ماعندك غيرها وهي الاولى والاخيرة بحياتك .. البنات كلش حساسات ولازم تتعامل وياها بكل لطف بكل حب بكل اهتمام خصوصا اذا هي عايفه العالم وره ظهرها وتشوفك بس انت وبس

عاد جويسم شيجيبه لهالنقاوة والحب

[دُعےـــآء]

عاد جويسم شيجيبه لهالنقاوة والحب

والله ياعمري عاد هو الخسران .. وين لاگيله وحده هيج تحبه هو وراسه المربع