"أعِدني لنَفسي، كَم تغرَّبتُ حائرًا."
- النقشبندي
"أعِدني لنَفسي، كَم تغرَّبتُ حائرًا."
- النقشبندي
مريحة فكرة أنو الرجاء الصغير المكنون داخلك إن صار ونسيته أنت ، ربنا ماينساه، وبعد ليالي يرزقك الله هذا الرجاء بأطيب صورة وحتى لو إنعاد بيك الزمن راح تختار توقيته سبحانه لأن الخيرة دائمًا باللي يختاره الله
كلما يصير عندي مجال اگعد اتذكر بسنة 2014
شلون جنت احب قيس الخزعلي واعتبره فارس احلامي .. من يطلع بقناة العهد لابس زي عسكري ولاف العمامة على جتافه ويتفقد المناطق المحررة ، واگعد اتأمل تفاصيله وذايبة بحبه
حاليا كلما اتذكر ذيج الايام اتمنى اعاقب روحي بس مااعرف شلون ، الحمد لله ان عقل الانسان يتطور وينمو مو جامد .. هاي نعمة من الله
ماادري شلون چنت اشوفه بطل باسلٌ مغوار ووسيم هم.. يمكن لان چنا نضوج من سيد مقتدى وجيشه وهذا طلع منهم وانفك عنهم
چنا نشوفه انو هو يفكر وعنده عقل وعنده ضمير وانسانية ولذلك ماقبل يبقى وي مقتدى ..
هي لحظة وحدة بس واتحول هذا العشق والهيام ان صرت اضوج منه واتخبل من اشوفه .. بوكتها جاي اگلب بالفيس وطلعت صورته صفنت عليها شوي وعبالك واحد ورگعني راجدي وصحاني ماادري شلون بس والله فجأة ولگيت نفسي اضوج منه ومااطيقه من صفنتي هاي ..
ومن بعدها وصرت اشوفه على حقيقته هو وسيد مقتدى والمالكي واللي على شاكلتهم كلهم نفس الطينة ومحد منهم يستحق انو نحترمه او نتأمل منه خير
الوقت الي تحچين بي چان الشحن الطائفي قوي جداً و الطبقة السياسية العراقية افرزتلنه كل انواع الطائفيين الي ممكن يرضون جميع الاطراف المتدينةالمشاركة الأصلية كتبت بواسطة زهرة اللوتـــس
كلما يصير عندي مجال اگعد اتذكر بسنة 2014
شلون جنت احب قيس الخزعلي واعتبره فارس احلامي .. من يطلع بقناة العهد لابس زي عسكري ولاف العمامة على جتافه ويتفقد المناطق المحررة ، واگعد اتأمل تفاصيله وذايبة بحبه
حاليا كلما اتذكر ذيج الايام اتمنى اعاقب روحي بس مااعرف شلون ، الحمد لله ان عقل الانسان يتطور وينمو مو جامد .. هاي نعمة من الله
ماادري شلون چنت اشوفه بطل باسلٌ مغوار ووسيم هم
چنا نشوفه انو هو يفكر وعنده عقل وعنده ضمير وانسانية ولذلك ماقبل يبقى وي مقتدى ..
هي لحظة وحدة بس واتحول هذا العشق والهيام ان صرت اضوج منه واتخبل من اشوفه .. بوكتها جاي اگلب بالفيس وطلعت صورته صفنت عليها شوي وعبالك واحد ورگعني راجدي وصحاني ماادري شلون بس والله فجأة ولگيت نفسي اضوج منه ومااطيقه من صفنتي هاي ..
ومن بعدها وصرت اشوفه على حقيقته هو وسيد مقتدى والمالكي واللي على شاكلتهم كلهم نفس الطينة ومحد منهم يستحق انو نحترمه او نتأمل منه خير
اكو جيش المهدي الي حافظ على قاعدته الجماهيرية
اكو جماعة الصرخي الي عساس مُحدث و متنور
اكو جماعة بدر الي تمثل القدماء الي شاركوا بحرب ايران (جيل ابويه وابوج)
واكو جناح المجلس الاعلى الي يمثل الطبقة الارستقراطية الراديكالية الشيعية
و اكو جماعة البطاط الي تمثل حزب الدعوة تنظيم العراق
و بعدين ظهر قيس الخزعلي (الشاب الثوري) الي حاول ان يستهدف شريحة الشباب و المراهقين بعتباره وجه صاعد في ذاك الوقت و لكن بالحقيقة چان هو احد ادوات المالكي لضرب التيار الصدري
لذلك مو صوچچ من حبيتي لان في وقتها فعلاً چان الهم دور مهم في تحرير الاراضي والقتال ضد داعش ، فسادهم الحالي و طغيانهم شيء و موقفهم بذاك الوقت شيء آخر ، المُحايد هو الي ينطي كل شخص حقه حسب فترته الزمنية
ابوية چان عنده ابو اسراء لا يروح ولا يجي
يگول ابو اسراء بطل لو ماهو محد قبل يوقع على اعدام صدام يخافون ، وخلاني انتخبه مرة ووگف على راسي بالانتخابات خاف اغلط وانتخب غيره
بس وره حادثة سبايكر صار يضوج منه ويگول دم هاي الشباب الراحت برگبته اكثر واحد لان هي جان وكتها طائفية هو شلون يودي هذا العدد من الشباب هناك ..
حاليا محد عاجبه كلما تصير انتخابات مايروح
شو اليوم كالبه ع حكومه
هههه ماكو شي بس شفت صورة قيوسي فتذكرت شلون اني چنت احبهشو اليوم كالبه ع حكومه
كلما اشوف زوار بالموضوع اخاف
عيني الزوار تره جاي اتشاقه اني احب كل العراقييين بدون استثناء
مو كل شخص عنده شهادة عليا سواء ماجستير او دكتوراه معناها انسان واعي وعقله چبير
اكو بيهم تشوف اسلوبه وتگول ماشاء الله على الثقافة والاسلوب ومن تتقرب منه او يصير فد موقف معين بينه وبينك راح تلگاه مجرد شخص مغلف من الخارج بغلاف حلو يسر الناظرين
ومن الداخل لا حول ولا قوة الا بالله تصرفات غير واعية مالت مزعطة وتضحّك الصراحة ولا اكو عقل ولا تفكير ولا اسلوب ..
خلوا هالكلام ابالكم حتى لا يخيب ضنكم باشخاص تشوفونهم شي ويطلعون ولا شي
او مختصر الكلام .. الاشخاص اللي تشوفونهم حلوين ويعجبونكم باسلوبهم وشخصيتهم من بعيد خليكم تباوعون من بعيد لا تتقربون .. لان اكو هواي اشخاص من تتقرب منهم راح يخيب ضنك وتروح فكرة الوااااو اللي چنت ماخذها عنهم وتختفي الهالة اللي كنت تشوفهم بيها ..
واكيد كل شخص وعنده عيوبه ماكو انسان كامل والكمال لله وحده .. بس علمود لا يخيب ضنكم بهواي ناس خليكم ماخذين فكرة حلوة عنهم من بعيد احسن
رد مع اقتباس
