هنا

[انسان ثاني]

عيش شگد ما تريد ، اول و تالي بعد ١٠٠ سنة راح يموتون كل الي عايشين هسه و معاصريك ، انتَ تصير ماضي و لو يذكروك احفادك لو اصلا مايحفظون اسمك بسبب التطور ويكتفون بـ الاسم و اللقب ، لعلمك الكرسي الي گاعد عليه هسه و تقرا كلامي قد يكون بوكتها ذو قيمة اكثر منك لأنه حيصير انتيكة و تراث ينباع بالمزادات و يشتروه المتمكنين ، لذلك تره بيتك حيصير لغيرك و الهوى الي تشتمه راح يدخل برئة هوايه بشر غيرك ، محد اخذها وياه للگبر ، لا تظلم لا تتكبر اشتغل لـ اخرتك اول وتالي ما راح تبقى العمر كله خلي شيء طيب يتذكروك بي الناس .....

[انسان ثاني]

اكو عطر من عطور البريري اشتريته قبل كومة ، لاحظت كلما اخلي منه يلفت نظر الحولي ، عجبتني الشغلة بعدين گمت اخليه وين ما اروح ، و مثل كلشي اله بداية و نهاية چان يخلص ، واني مسافر بأحد الدول دخلت محل فخم راويتهم صورة العطر گتلهم اريد منه گلولي هذا وگف انتاجه و نزلت هوايه جدد گتلهم الا هذا واشتري ابيش ما چان ، گلولي تروح لذاك المحل تلگه منه رحتله محل بسيط كلش گلي اي عندي واشتريته ، كمت من اخليه يتحسن مزاجي بنسبة 60٪؜ و كلش اتفائل بي ، وراها گمت اخلي منه بس شويه حتى لا يخلص و من خوفي عليه ضميته بمكان سري حتى لا يجي احد ويخلي منه ، بلشت انساه و اتعاجز استخدمه لان مضموم و اعتز بي اريده للمناسبات المهمة ، وره سنة تقريباً تذكرته طلعته اريد اخلي منه و جان انصدم ريحته خربانه طلع مغشوش


همه هيچ الناس الي ماتحسن تصنفهم وفق مكانتهم الحقيقية ، مرات تحس انك تريد تضم هذا الشخص من عيون الناس شگد ما تحبه ، و بـ موقف واحد تكتشف معدنه الرديء و تتندم لان داريته و اعتزيت بي تاليها يطلع مجرد سبيرتو لا بربري ولا حتى كالونيا >__< ....

[انسان ثاني]

تره من الطبيعي الناس تكون وياك وانت عندك فلوس وانت مشهور وانت ناجح بعملك بس مو طبيعي هو الي يبقى وياك وانت مكتئب وانت مكسور وانت گاعد تمشي بعز البرد بشارعكم و يگلك اصعد ويايه اوصلك بطريقي ، سوي لسته بحياتك و حط بيها خانات للصديق و المعرفة و الحبيب و القريب ....الخو حاول تنطي عليها درجات من ١٠ ، لا تعامل الصديق على انه حبيب ولا تعامل المعرفة على انه صديق ولا تعامل مو الثقة على انه ثقة لازم تعرف تقييم ناسك حتى لا تتندم بعدين

صدگني ياصديقي الطريق طويل وما يحتاج حمل زايد اختار بعناية و بالنهاية تذكر ما يبقى وياك غير ابن الاصول لذلك اعرف شون تختار ناسك .....

[دُعےـــآء]

صحيح كلامك صديقي .. الانسان وهو بقوته وبحيله ينسى ان وراه اخرة وحساب والله صحيح غفور رحيم لكنه عادل لا يساوي بين الذي قدم اخرته على دنياه وبين من آثر الدنيا ونسي الاخرة .. تشوفه بشبابه ينسى رب العالمين يگولك اني من اكبر استغفر ربي واصير اصلي واصوم هسه بعدني شباب والدنيا زاهيتلي خليني اتونس هسه وعود من اكبر الله كريم .. ينسى ان الموت مايعرف عمر محدد ولا وقت محدد ممكن وهو بصحته وعافيته ينام يلگونه الصبح ميت .. ومن يكبر اكيد راح يضعف بدنه وصحته ومراح يگدر يعوض الفات .. كل الي جمعه بالدنيا من اموال وملذات زائلة مراح ياخذها وياه حتى ابناءه والناس الي يحبهم مايرحون وياه يبقى بالقبر بس هو وعمله هناك راح يتندم بس بعديش بعد مافات الاوان .. مانگولك لا تعيش وتستمع بالعكس عيش ايامك بسعادة واستمتع بس لا تنسى ان وراك موت واخره ورب يعاتبك ويحاسبك .. وبالاخير نگول اعمل لدنياك كانك تعيش ابدا واعمل لاخرتك كأنك تموت غدا ..

[دُعےـــآء]

مو كلشي سيء يصير لنه نخليه يكسرنا وعبالك انتهت الدنيا ونضل ندك ونلطم العمر كله .. بالعكس مرات الاشياء الموزينه الي تصير بحياتنا تعتبر درس لنا ولازم نتعلم منه ونگوم على حيلنه مادام الي صار مايأثر على علاقتنا برب العالمين فماكو داعي نبقى مكسورين ليرحل من يرحل
اعرف بنيه اختارت شريك لحياتها بس كان اختيارها خطأ وكلها گالتلها يابه اختيارج خطأ بس الحب اعمى وهي صارت ماتشوف العيوب الي بيه واصرت واتحدت اهلها وبالاخير تزوجت.. رب العالمين شگد دزلها اشارات ينبها ان هالشخص مو زين بس هي مااستلمتها كانت مغيبة عن الوعي تماما ماتشوف احد بس هو وبس .. من تزوجت بقت شهرين وياه ورجعت خائبة لاهلها بالعِشره عرفت مو نفس الشخص الي تعرفت عليه قبل وبعد الخطوبه طلع على حقيقته تماما بعد ماضمنها صارت له .. ومن عرفت حقيقته رادت تنفصل بس رجعلها يستجدي عاطفتها ونطته فرصه ثانيه واسبوع بس وهم رجعت لاهلها وهالمرة تيقنت تماما ان مو هذا الشخص الي يستحق الي تكمل حياتها وياه وقدمت طلب خلع للمحكمه واطلگت تنازلت عن كل حقوقها بس علمود تشتري ايامها الباقيه وتشتري راحة اهلها الي اكلهم التفكير والقلق علمودها .. والحمد لله هسه هي متعينه وعايشه بضل اهلها بخير .. مااگوللكم ماانكسرت بالعكس انتكست كلش بس بعدين گامت على حيلها وكملت حياتها واحس صار عقلها انضج وفاهمه الحياه صح .. اتمنالها رب يوفقها بحياتها ويسعدها ويرزقها الشخص الي يستحق ان تكمل حياتها وياه

[دُعےـــآء]

ليش اكو ناس عدهم كسر الخواطر شي هيّن .. يشوف الشخص گدامه ساكت ومتحمل ويضل يستهزء ويسخر..
يمعود خطيه ليش هيج تحچي عليه .. اوو فلان ؟! . لا هذا مايزعل روحه رياضية .. ليش ماياخذ بخاطره مثلا
تشوفه يضحك يمك ويعبّرلك بس علمود شايفك فد شي بحياته ومايريد يخسرك ..

ممكن تلگيه ابتسم يمك ومن يروح من يمك تبقى حجايتك تطحن بروحه وتأذيه ..

هله هله بالناس الي ماتزعل منكم .. مو معناها مايحسون ولا ينجرحون .. بس يسكتون ويسايروك بس علمود لا يخسرونك .. هيج اشخاص احتفظ بيهم وراعيهم گد ماتگدر ..

[prïnċë häïdër]

متابع ..

[دُعےـــآء]

خل اسولفلكم موقف صار وياي واگوللكم تصبحون على خير

قبل لا ادخل للكلية نظري صار ضعيف بحيث مااشوف گدامي الصوره ضبابية كلش ..
من دخلت للكلية سببلي هالشي مواقف محرجة وي هواي ناس اعبر من يمهم مااسلم لان مو واضحة معالمهم عندي .. ويجون يعاتبوني واكو بيهم يزعلون ...

اني بيتنا بعيد عن الكلية ساعة ونص بالطريق بالسيارة يله اوصل فـ اطلع من بيتنا الساعه ب 6 وربع ومرات وونص نهاية الشارع التقي بصديقتي وننتظر السيارة تجي علينه..

المهم مرة طلعت من بيتنا جاي امشي بالشارع
واني من امشي بالشارع منزلة راسي وامشي استحي .. المهم بسبب ضعف نظري شفت شي ابيض من بعيد عبالي زلمة لابس دشداشه بيضه وگاعد .. استحيت وصرت افكر شلون راح اعبر من يمه وماكلني الخجل ومنزلة راسي مااباوع
وصلت يمه جان اشوف گونية مال طحين بيضه مخلين بيها زباله وعساس تجي البلدية تشيلها
مااسولفكم على الصدمة الصارت عندي
ضليت 3 ايام اضحك على روحي عبالك مخبلة اصفن واتذكر الموقف واضحك

غير مرة طلعت من بيتنا وهم شفت شي ابيض من بعيد .. عاد هنا گلت المؤمن لايُلدغ من جحر مرتين مانزلت راسي وصرت امشي ومركزة بالشي الابيض وصلت وطلع هالمرة صدگ رجال لابس ابيض وگاعد .. لو بس تشوفون شلون انحرجت وكتها واستحيت لان من لمحته صرت مركزه بيه لمن وصلت يله شفته رجال .. الله لا يحطكم بهيج موقف .. صدگ إحراج ..

المهم سمعت اكو عمليات ليزك تسوه للعيون وتقوي النظر خفت منها گلت خاف انعمي او شي خليني نظري ضعيف ولا مااشوف كلش ..

لمن ذاك اليوم اجه ابن عمي زغير عمره 3 ونص وكتها اني جنت لابسه نظارات لان جنت اقره
طلعنا اني واختي نسلم عليهم گلوله منو هاي على اختي گللهم بـ اسمها .. وزين منو هاي اشروله علية .. گللهم بيبي هههه اني سمعته لو تخبلت
الا تسوولي العملية وميخالف خلي انعمي قابلة

سويتها والحمد لله تحسن نظري وصارت الصورة واضحة عندي وماكو غواش .. الحمد لله على نعمة النظر ..

هواية نِعم الله منعم علينه بيها نحسها شي طبيعي بس هي لازم نشكر الله ابد الابدين عليها
اني جنت موعميه نضري ضعيف وكرهت الدنيا لان مغوشه بعيوني بس من سويت العملية حسيت بهـ النعمة .. الحمد لله دائما وابدا على كل النِعم

[دُعےـــآء]

متابع ..

كل الهلا أخويه .. تسعدني متابعتك

[عضوية محجوبه]

خل اسولفلكم موقف صار وياي واگوللكم تصبحون على خير

قبل لا ادخل للكلية نظري صار ضعيف بحيث مااشوف گدامي الصوره ضبابية كلش ..
من دخلت للكلية سببلي هالشي مواقف محرجة وي هواي ناس اعبر من يمهم مااسلم لان مو واضحة معالمهم عندي .. ويجون يعاتبوني واكو بيهم يزعلون ...

اني بيتنا بعيد عن الكلية ساعة ونص بالطريق بالسيارة يله اوصل فـ اطلع من بيتنا الساعه ب 6 وربع ومرات وونص نهاية الشارع التقي بصديقتي وننتظر السيارة تجي علينه..

المهم مرة طلعت من بيتنا جاي امشي بالشارع
واني من امشي بالشارع منزلة راسي وامشي استحي .. المهم بسبب ضعف نظري شفت شي ابيض من بعيد عبالي زلمة لابس دشداشه بيضه وگاعد .. استحيت وصرت افكر شلون راح اعبر من يمه وماكلني الخجل ومنزلة راسي مااباوع
وصلت يمه جان اشوف گونية مال طحين بيضه مخلين بيها زباله وعساس تجي البلدية تشيلها
مااسولفكم على الصدمة الصارت عندي
ضليت 3 ايام اضحك على روحي عبالك مخبلة اصفن واتذكر الموقف واضحك

غير مرة طلعت من بيتنا وهم شفت شي ابيض من بعيد .. عاد هنا گلت المؤمن لايُلدغ من جحر مرتين مانزلت راسي وصرت امشي ومركزة بالشي الابيض وصلت وطلع هالمرة صدگ رجال لابس ابيض وگاعد .. لو بس تشوفون شلون انحرجت وكتها واستحيت لان من لمحته صرت مركزه بيه لمن وصلت يله شفته رجال .. الله لا يحطكم بهيج موقف .. صدگ إحراج ..

المهم سمعت اكو عمليات ليزك تسوه للعيون وتقوي النظر خفت منها گلت خاف انعمي او شي خليني نظري ضعيف ولا مااشوف كلش ..

لمن ذاك اليوم اجه ابن عمي زغير عمره 3 ونص وكتها اني جنت لابسه نظارات لان جنت اقره
طلعنا اني واختي نسلم عليهم گلوله منو هاي على اختي گللهم بـ اسمها .. وزين منو هاي اشروله علية .. گللهم بيبي هههه اني سمعته لو تخبلت
الا تسوولي العملية وميخالف خلي انعمي قابلة

سويتها والحمد لله تحسن نظري وصارت الصورة واضحة عندي وماكو غواش .. الحمد لله على نعمة النظر ..

هواية نِعم الله منعم علينه بيها نحسها شي طبيعي بس هي لازم نشكر الله ابد الابدين عليها
اني جنت موعميه نضري ضعيف وكرهت الدنيا لان مغوشه بعيوني بس من سويت العملية حسيت بهـ النعمة .. الحمد لله دائما وابدا على كل النِعم

ههههههه يفدوا اضحك بس بداخلي انقهرت عليج همزين سويته وارتاحيتي منهه يعمري كل ماتنشرين أتابعچ وردة