اني وحده من الناس گلبي مينطيني اشوف شخص متأذي واكون اني السبب .. بس مشكلة طبعي هيج .. الشخص الي يغلط ويخدعني انطي فرصة ثانية لان مايهون علية ومااگدر انهي كلشي بسبب غلطه وحده لان الانسان مو معصوم وخطاء بس لمن وره هالفرصة يستغفلني ويخدعني .. مستحيل اسامح بعد ... انسحب بكل هدوء .. تبقى غصة بگلبي لان هالشخص ماكان شي بسيط .. بس افضل من امثل عليه اني مسامحته ونسيت كلشي واجامل واني مو هيج ..
دائما اكرر واگول هالكلام .. الحكومات ماتمثل شعوبها .. لمن نضوج ونكره سياسة دولة معينة مانعمم ونگول الشعب الفلان مايحبنا وحاقد علينا .. مثل ماصار البارحة بالافتتاح لمن الوفد الكويتي طلع زعلان .. احنه ماندري شنو الصار والقيل والقال مراح يوضح الحقيقة .. بس هم طلعوا وصرحوا بسوء التنظيم وكلام مو حلو الصراحة من دولة شقيقة نكن لها كل الاحترام
وجماعتنا هم ماقصروا .. الصفحات والبيجات نشروا بان الشعب الكويتي مايحبنا وحاقد علينا ومن هالامور ..
بس اجت فديوهات من شعب الكويت تنتقد بيها تصرفات الوفد مالهم هالشي يخجل الصراحة انو احنه نعمم ونكول الشعب الفلاني ميحبنا ..
اتمنى بعد مانحكم على شعب كامل من خلال تصرف سياسي او تصرف شخصي من افراد
خلونا نرتقي ونتفادى هيج تصرفات ودائما خلونا نعكس صورة حلوة عن العراق وطيبة ورقي اهل العراق ..
واهلا وسهلا ومرحبا بالشعب الكويتي الطيب والمحب وكل الشعوب اهلنا وناسنا
وحكومات العراق ماتمثل شعب العراق ..
حكوماتنا بوادي واحنه كشعب بوادي ثاني تماما ...
صرت اختصر بالكلام و بطلت اشرح تفاصيل ، الي يعرفني راح يفهمني على طول ، صرت احترم المسافات و احترم رغبات الناس بالبعد بالانسحاب أو البقاء ...
كل واحد يشوف المناسب اله و يسوي ، بس كل واحد يتحمل مسؤولية اي قرار ...
صرت اصدك كل احساس احسه ، صرت اكثر صلابة ، و اكثر تقدير للناس الطيبة الصافية ، صرت مؤمنة تماماً انه الي يبيع راح ينباع و الي يقدر راح يتقدر ...
ممستعدة ابرر لاي احد و اي شيء راح اسوي راح يكون ضمن طاقتي و قدرتي ، مستحيل و من سابع المستحيلات اسوي شيء فوگ مجهودي
م
القساوة ما تجي عبث تجي من ايام هواي سامحنا بيها و حبينا و انطينا كل شي حلو و ما لگينه التقدير الحلو و الي نستاهله من المقابل ...
احنه مو مختلين عقلياً نتغير فجأه و نقسي و خلوها بعلمكم اكو بداخل كل انسان شخصيتين وحدة متروسه حنيه و طيبة و وحدة قساوه و لا مبالاة و برود
و الشخص المقابل يحكم أي شخصية يريد بتصرفاته و افعاله
م
ومرات ياخذني الهوا لأيامنا الراحن .. واحن
كلش اشتاق لايامنا اني وبنات عمي قبل لا نتزوج ونتطشر كلمن بمحافظة .. من چنا نلتم ابيتنا او او واحد من بيت عمامي ونسهر سوه نطبخ وناكل ونلعب ونسولف ونتشاقه ..
اذا بنيه عايشه بهيج عمر وقرت هذا كلامي اتمنى تعيشين هاي اللحظات بكل وجدانج كل لحظه بلحظتها لان بعدين راح تشتاقين وكلش لهيج ايام
دائماً تجي إشارة
من ربنا بوكتها تكلك اوكف ! عوف كلشي من أيدك وارجع .. الطريق هذا غلط ، الناس هذوله ما يناسبوك؛ الشغل هذا راح يضرك
دائماً تجي إشارة تهز الطمأنينة بداخلك، تقبض قلبك وتخليك تعيد التفكير من اول وجديد ....... لمن تجي الإشارة هـاي لتغمّض عيونك منها ؛ وارجع لأنو هذا الطريق مو طريقك!
م
إنك دائمًا في نِعَم، في صحة، في اتّساع، في خيرٍ وهباتٍ لا مُنتهية، تأكل متى شئت، تنام متى شئت، تستمع، تقرأ، تتعلم، تبتسم وتتبادل الحديث مع أهلك وأصدقائك، لا يُزلزلُ الفقد والفجع روحك وجنباتِ قلبك، مُباركًا ومحفوظًا أينما كُنت. أنت دائمًا بخير ومُحاطٍ بالنّّعم. فالحمدلله
م
احب الناس السهلة ... سهل تضحك معاهم ..وسهل تكون معاهم وما اتحس بينك وبينهم ثقل او تعقيدات...زعلهم وعتابهم خفيف ... حياتهم بسيطة ويعيشون اليوم بيومه ويحاولون دائما يأثرون على اللي حولهم بشكل إيجابي...
م
رد مع اقتباس