هنا

[دُعےـــآء]

[دُعےـــآء]

جدول عبوسي .. خاف امسحه بالغلط ويضيع مني

[دُعےـــآء]

اكبر خطأ اسويه بحق نفسي من اجي اقارن روحي بغير شخص لا المكان ولا الزمان ممكن ولا الاوضاع، البيئة، القدرة البدنية والصحية والاقتصادية تكون متشابهة بكل الاوقات ..
الله رازقني شغلات مامنطيها لغيري ومنطي لغيري شغلات ماموجودة عندي ممكن فمو صحيح انو اني اجي اسوي مقارنة بيني وبين احد الاشخاص مهما كان ..

اشوف الافضل انو اقارن روحي وي روحي شلون ؟!!

اني اگوللكم .. اجي اقارن نفسي بين الماضي والحاضر واشوف اني شنو سويت ماسويت طورت نفسي او بنيت شخصيتي وعقلي للافضل؟!
اسوي مقارنة شاملة انو اني يمته كنت افضل بالماضي لو بالحاضر اللي جاي اعيشه واحاول اصحح اخطائي اذا لگيت شي خطأ

[دُعےـــآء]

بس خلي يخلص المونديال واني راح اترك متابعة كرة القدم او اقلل منها .. احس احاسيسي المرهفة بكتابة الخواطر جاي تروح اريد اكتب سطر واحد مااگدر ..

والشعر كنت قبل لا اتابع الرياضة اخلي السماعات واسمع شعر ومرات اكتب هسه ماكو صايره انفر منه ..

مستعدة اشوف مباراتين وره بعض ولا اسمع شعر نص ساعة ..
حتى مسلسلات صايره مااحب اتابع

مشاعري الجياشة في خطر ياجماعة

[دُعےـــآء]

إن رأيتَ أنّ الله' لَم يعجّل في الإجابة، فَداوِم قليلاً لا تَخَف، اثبَت، قُل : اللهُمّ اصفَح عَنّي .. وَترَبّص
و سيقولُ لكَ الله': أنتَ في عَيني

تصبحون على لطف الرحمن الرحيم ..

[عضوية محجوبه]

QUOTE=أم عبوسي;9149296]الحمد لله حمدا كثيرا على النعمة الي منطيني اياها ..

صارلي سبع سنوات متزوجة ولامرة رايحة لبيت اهلي زعلانة ولاخمس دقايق حتى ولا اخابر امي واشتكي لها ابدا .. صحيح بيناتنا حب واحترام متبادل بس هم مرات يصير خلاف بسيط فــ اني مخلية ابالي انو هذا بيتي وبيت اطفالي وهذا زوجي الي مهما يصير مادام احبه ومافد يوم بدر منه اساءة لي راح ارجعله فـ اني ليش اخلي فجوة بيناتنا بروحتي لاهلي والشكوى
مشاكلنا مادام بسيطة نحلها بيناتنا والحمد لله ماتعبر الساعة اذا مامتصافين وگلب على گلب ونرجع حبايب ولا كأنما شي صاير لان من طرفي ما كبرت السالفة وتركت البيت ومن طرفه متفاهم وهي المشاكل لحظة عصبية وتروح او سوء فهم وينحل ..

من نعم الله انو رزقني هذا الشخص الي يعرف حقوق زوجته ومتفهم ومتعاون .. يعني من اني مريضة هو يروح يسوي الاكل من يشوفني مشغولة بالشغل هو يهتم بالاطفال حتى مرات يلبسهم ملابسهم ومن يشوفني ابچي يدور خاطري ويهتم بية .. من تزوجني مايعاملني معاملة اني اني زوجته يعني شغلي اخدمه وبس بالعكس

هواي ازواج مو كلهم يشوفون الزوجة على انو هي جاية تخدمه وبس ولو اني عليمن اعتب اذا هي اكو امهات من تريد ابنها يتزوج تگوله اني تعبت اغسل ملابسك وانظف غرفتك خلي ازوجك حتى مرتك تخدمك فتبني بتفكيره انو المرأة الي يتزوجها علمود الخدمة وبس ..

ماتقنعه بطريقة انو الزوجة أُنس وراحة تسكن لها من ترجع لبيتك تعبان تداريك بحب وحنان من تتمرض تعينك على امور الحياة الصعبة اذا كان بمقدورها وتخفف عنك حزنك وتوگف وياك بالشدة قبل الفرح ... فواجبك ان انت تحترمها وتقدرها وتبادلها الحب وتعينها وتكون متعاون وياها على امور البيت وامور الحياة بصورة عامة

فــ تحية حب وعشق واحترام كبير جداً للرجل اللي مشاركني حياتي [/QUOTE]



امممم يروحي صارلي هواية ما داخلة لمدونتج الراقية استمتع ماتكتبين ماأروع كلامچ الحلووو ربي يحفظج حبيبتي ويحفظكم جميعا

[دُعےـــآء]

امممم يروحي صارلي هواية ما داخلة لمدونتج الراقية استمتع ماتكتبين ماأروع كلامچ الحلووو ربي يحفظج حبيبتي ويحفظكم جميعا

يــ عمري ايوشتي الغاليــة .. احبج واحب تواجدج

[دُعےـــآء]

نحن كَبشر تمت برمجتنا على عدم الرضا

اذا شخص ما دارس يگول (والله لو دارس چان ما صار حالي هيچ)
واللي دارس ومخلص اعدادية (يگول والله لو مكمل كلية چان ما صار حالي هيچ)

واللي يكمل كلية (يگول والله لو رايح غير قسم چان ما صار حالي هيچ)

ومن يخلص دراسة يگول لو لاگيلي شغلة ومشتغلهه بالسوگ افضل من سنيني الضايعة الراحت بالدراسة وتالي ما اتعينت..

مو بس بالدراسة ..
مثلاً واحد عنده جارجر يگول (والله لو عندي جكسارة)
ويجيب الجكسارة (ورة سنة ) : (والله لو عندي رانج)
بأختصار (كلما ذاق جديداً .. طلب مزيداً)

ونادراً ما يشعر الانسان بحياته باللذة الفعلية..
نبقى مملوكين للأشياء اللي المفروض احنه نملكه مو هية تملكنه.

راقت لي

[دُعےـــآء]

الشيخ علي المياحي الله يحفظك شيخنا

[دُعےـــآء]

جدّتي لأمّي لم تكن فيلسوفةً؛ لكنّها كانت تقول: "الكلمات ليس لها عظام، لكنّها تستطيع أن تكسرَ العظام"؛ كانت تدرك ما نعرفه جميعًا، إنّ كلمة واحدة قد تسبّب ألمًا وضررًا أشدّ وقعًا من أكثر السّكاكين حدّةً..

- ثيودور كاليفاتيس من رواية حياة اخرى.