هنا

[دُعےـــآء]

مرحبا درر ..

حبيـت افتح صفحة اشارككم بيهـا البعض من تفكيري ومايجول بخاطري وبعض المواقف الي مريت بيهـا وتركت أثر بداخلي او شي عشته وكان تجربة او درس استفدت منه وراح احاول ابتعد عن النسخ واللصق الا اذا راق لي شيء اقوم بنقله سكرين شوت ..

ومرحبا بـ كل شخص يترك اثراً طيباً هنا ولو كان بـ كلمة

ان أحببتم كونوا بــ القرب

يوم الاحد .. 18 / 9 / 2022

[دُعےـــآء]

خير ماابتدأ به .. ام الكتاب سورة الفاتحة

[انسان ثاني]

الفكرة حلوة كلش
عاشت ايدج ام عبوسي

يلا اعتبريني اول المشاركين وياج و خل نعتبرها مدونة عامة

[دُعےـــآء]

الرحمن الرحيـم

مو مجرد كلمتين عادي لا ..

رب العالمين أرحم بعباده من الام على ولدها
مستحيل اكو شي اسمه الله مايحبنا ..
واحنه زغار تعلمنه ان اذا ماتصلي الله يذبك بالنار
اذا كذبت الله يعذبك اذا سويت فلان شي مو زين الله ينتقم منك .. ماكو احد سولفلنا على رحمة رب العالمين وعلى حنانه وحبه .. تعلمنا نعمل العبادات خشية من عذاب الله مو حب لرب العالمين ..
دائما علمونه على مبدا الجزاء والعقاب العطاء والاخذ .. بس اذا نرجع للحقيقة نشوف رب العالمين ينطي بدون مايحاسب الشخص شنو مسوي.. يرزق من يشاء بدون حساب..

لمن كبرت تجيني افكار اني ليش لازم اصلي او اصوم هو احنه اول وتالي راح نروح للنار
هاي الافكار تجيني نتيجة تراكمات افكار خاطئة علمونه عليها واحنه زغار ..
وهذا الشي كلش خطأ .. الله يحاسب بس هو عادل مو على ذنوب ممكن تروح من نستغفر ونتوب يشمرنا ويحرقنا بنار جهنم .. يحاسبنا عتاب .. عتاب بين حبيبين .. اني خلقتك ورزقتك ونطيتك الصحة والعافية ومانسيتك بيوم من الايام بس تدعوني استجيب لك ليش تعصيني ليش تبتعد عني .. عتاب يخجّلنا كلش گدام الرحمن .. بس هالشي راح يكون اشد عقاب لنا ..
الحمد لله بفضل الله واهل البيت دلوني على أُناس اتابعهم واستمع لكلامهم .. هم علموني ان الله حب .. الله رحمة مطلقة.. الله حنون على عباده .. وغيرولي افكاري .. اني من اعمل العبادات واتقرب لله حبا له لا طمع بجنة ولا خوف من نار .. صرت مااگول احنه اول وتالي بالنار .. اصلي واصوم واني مقتنعة تماما ان اني احب الله ولازم اشكره على عطاياه ونعمه وحبه لنا ..

[دُعےـــآء]

الفكرة حلوة كلش
عاشت ايدج ام عبوسي

يلا اعتبريني اول المشاركين وياج و خل نعتبرها مدونة عامة

ميـة هلا بيك .. والله علواه كلش افرح اذا شاركتوني افكاري ..

[دُعےـــآء]

اللهم عجّل لـ وليك الفرج

الشي الثاني الي تغيرت طريقة تفكيري بيه ..
طريقة اهلنا القديمة الي عرفونا بيها على الامام المهدي عجل الله فرجه الشريف كانت جدا خاطئة
انت ان لم تصلي يقتلك الامام المهدي بسيفه عندما يظهر، انت ان كذبت سوف يشطرك الامام المهدي بسيفه، وكم كنت احلم برجل ممسك بسيفه ويريد ان يقتلني عندما كنت صغيرة بسبب اقوالهم تلك كنت ألوذ ابحث عن احضان امي بسبب الخوف.، ولكن الان عرفت ان الامام المهدي هو الحب هو الامان هو السلام لا يستخدم سيفه الا ليقيم به عدلا،على رغم اعمالنا المخجلة والفقيرة عندما نتوسل به الى الله تُقضى حوائجنـا،الامام المهدي روحي فداه محتوينــا بحبه ورحمته وهو غائب فكيف اذا ظهر،
اللهم عجّل لوليك الفرج واجعلنا من انصاره وممن ينعمون بحبه ورضاه

[انسان ثاني]

الرحمن الرحيـم

مو مجرد كلمتين عادي لا ..

رب العالمين أرحم بعباده من الام على ولدها
مستحيل اكو شي اسمه الله مايحبنا ..
واحنه زغار تعلمنه ان اذا ماتصلي الله يذبك بالنار
اذا كذبت الله يعذبك اذا سويت فلان شي مو زين الله ينتقم منك .. ماكو احد سولفلنا على رحمة رب العالمين وعلى حنانه وحبه .. تعلمنا نعمل العبادات خشية من عذاب الله مو حب لرب العالمين ..
دائما علمونه على مبدا الجزاء والعقاب العطاء والاخذ .. بس اذا نرجع للحقيقة نشوف رب العالمين ينطي بدون مايحاسب الشخص شنو مسوي.. يرزق من يشاء بدون حساب..

لمن كبرت تجيني افكار اني ليش لازم اصلي او اصوم هو احنه اول وتالي راح نروح للنار
هاي الافكار تجيني نتيجة تراكمات افكار خاطئة علمونه عليها واحنه زغار ..
وهذا الشي كلش خطأ .. الله يحاسب بس هو عادل مو على ذنوب ممكن تروح من نستغفر ونتوب يشمرنا ويحرقنا بنار جهنم .. يحاسبنا عتاب .. عتاب بين حبيبين .. اني خلقتك ورزقتك ونطيتك الصحة والعافية ومانسيتك بيوم من الايام بس تدعوني استجيب لك ليش تعصيني ليش تبتعد عني .. عتاب يخجّلنا كلش گدام الرحمن .. بس هالشي راح يكون اشد عقاب لنا ..
الحمد لله بفضل الله واهل البيت دلوني على أُناس اتابعهم واستمع لكلامهم .. هم علموني ان الله حب .. الله رحمة مطلقة.. الله حنون على عباده .. وغيرولي افكاري .. اني من اعمل العبادات واتقرب لله حبا له لا طمع بجنة ولا خوف من نار .. صرت مااگول احنه اول وتالي بالنار .. اصلي واصوم واني مقتنعة تماما ان اني احب الله ولازم اشكره على عطاياه ونعمه وحبه لنا ..

[عضوية محجوبه]

افتتاخ موفق حبيبتي وانشاء الله الي رجعة هنا اكيد والمشاركة ايضا
ممممم متابعة

[وسـام]

متواجد وبقوة هنا

[دُعےـــآء]

تدري بچيت ؟ .. كلام يسوي احساس للماعنده احساس ويهزه هز ..