بتعبير الشيف شاهين (يابة، شلونكم؟).
فضلت أكتب بالعراقية بدال الفصحة حتى أوصّل كلامي بدون تعب ودوخة راس صياغة الجُمَل.
شصاير بالناس؟ تلكاه يكتب بأسلوب لطيف وبلغة فصحة مضبوطة، بس من تحاججه وتبين له خطأه لو تطالبه بدليل بسرعة يتهجم عليك ويستعمل مفردات كلش بعيدة عن الثقافة.
رح أنطيكم مثالين وانتو احكمو:
1. شخص يكول: "الجامعات العراقية ما قدمت شي للعالم" رديت عليه (الخلل بالنظام السياسي اللي يحارب كل تطوير للجامعات)، ظل يحتج بأن يقارن جامعاتنا المتهالكة بجامعات أوروبا ويكول احنة شعب ما بيه حظ، ويبني نظريته على أسس غلط، أخير شي من حاصرته بالكلام كعد يكلي "انت ثقافتك نص ردن" و"اذا شعب انت مثقفهم مع الأسف أعيش بينهم" كل هذا لأن كلت له (يا أخي لتتفلسف علينا وتجيب كلام غلط علمود تثبت وجهة نظرك وتظل تسقط بالناس وتتجاهل الحقائق).
2. شخص هم مسوي نفسه مثقف يستعمل كلمات نابية مثل "لقيط" ومن حاججته كتله (وينك عن أمثاله لعد؟) كعد يتجاوز علية يكول "آني رجل قانون ومعتدل مو مثلك عقلك متحجر" و "خليني محترمك افتهمت؟".
هذا غيض من فيض من مثقفي الدمج اللي من تسمع كلامهم أول مرة يعجبك، بس جرب تناقشه شوف شيطلع من مصايب.
رد مع اقتباس
المشاركة الأصلية كتبت بواسطة زهرة اللوتس .
