دم
ترس حلگي
وجرت عيني نياح
طاحت الگمره وطفت
سودة عليه
صاحت امي
لحگو يمكن ابني طاح
وكون طايح
گبل لا اخذ نفس
من الجگاير
ولا طلع بيه الصباح
ورجع ضمني
ولفلف براسه حياتي
ونام شارد من عملته
خاتل
بنص المقابر
وأيست منه رباح.
وسرب غربان اليشيعني
برحيلي
وصوت ناي لشخص كافر
كون يعزف من جهنم
وكلشي اسود
كلشي اظلم
والألوان تتفل بظهري حقدها
والبلابل بيه تشتم
والسماء تمطر
شماته
والهلاهل من الارحام الطرية
غمه غمه بظهري ترسم
جي طلع اسمي بقرابين
الاله وهي عاشت
اه هنياله الورقته
طاحت من اول نبتها
ومادرت شنهي القلق
لو عرفت اتهم!
اخ يمه
كون طاح ابنج
وقتها
ولا فتح عينه
وبقى بسنينه حاير
وكلمة ال الله الحنينه
كون وياها( ويرحمه)
وما سمعها وهو شاعر
وما
سمعها
وهو
شاعر
سجاد محمد
http://
رد مع اقتباس
المشاركة الأصلية كتبت بواسطة ايٰوشه
