هنا

[ارجع يازمان]

عراقيين
ماشفنه العداله ابيوم
من طبرت ابو الحسنيين!
القضاء أفسد امن الفاسد,, واليحكمونه خسرانيين!
المناصب تنشره وتنباع!,, يعني اشنرتجي بعدين!!
مضلومين!
ماكو بالعمر فرحه
شعبنه حاير ابجرحه!
ومحتاريين!!
يندار الوجه ليويين!
كلمن حَظر اسلاحه
المنه وبينه
ذباحه!
دجاله انعَرفهم زين
غشونه ابشعار الدين!!
ابدم اركابنه امعزبين!!
عود اسلام
منهم رحمه مالاكين!
والكفار
عدهم رحمه مدري امنين!!
اهل النفط معتازيبين!
بالدين
ونسد الدين.
عراق ابلا عداله اليوم,,ياشعبي وصرت مكبوت!
الفايز صفه خسران!... وصار الحكم للطاغوت!
حتى اطفالك الحلوين
مدري اشبيهم امشيبين!
اذيوول اليحكومنك,, وعليك اتصدقوا بالقوت!!
بعد مااظن تعثرهم ,,
الملح مستوردينه وصار ما مبخوت!
لا تحتار
هسه اختار
لا تنتظر من عصاة موسى اتصلح المو زين!!
أرسملك ادروب اثنين ,,
وبواحد عليك اتفوت !
تحدوك ابعلاة الصوت
.ما ضل الحجي ابسكوت!
اذا ما تطلع ابثورة , وبيدك شايل التابوت
رايح
بالمذله اتعيش
اذا مو بالكرامه اتموت!
اذا مو بالكرامه اتعيش!
حسين االساعدي

[دُرر الطائي]

استمر