مراااحب
طبختنا اليوم عن القيمة النجفية
شاركنا وساهمنا بتقديم الثواب لزوار الامام الحسين عليه السلام وحبيت اشرحلكم طريقة عمل القيمة النجفية .
نبدأ بالمقادير :
اللحم 30 كيلو
الحمص : 30 كيلو
التمن : 90 كيلو
اضافات القيمة :
معجون 14 كيلو
نومي بصرة كيلو
دارسين 500 غرام
هيل ربع كيلو
بصل ب 5000 دينار
بهارات قيمة ب 3000 دينار
طريقة العمل :
اول شي ننكع الحمص قبل طبخه ب 6 ساعات حتى يسهل طبخه .
نغسل اللحم جيدا
بعدها نضعه على النار ( اني قسمته قسمين بجدرين حتى اخلط الحمص معاه واسلكهن سوية اللحم والحمص ) حتى نستفاد من الماء مال السلك نضعه مع القيمة
ننتظره يفور حتى الزفرة مال اللحم تصير فوك ونزيلها
بعدها الحمص واللحم يفورن عالنار نخليهم لمدة خمسة الى ست ساعات الى ان اللحم والحمص يستون
من نشوف اللحم والحمص استوى نصفيهم ونبدي مرحلة الهرس
ندكهن ( نمردهن ) بحيث اللحم والحمص يصيرن مثل العجين
بعدها نحمس المعجون بالدهن
ونضع اللحم والحمص المهروس ونظيف اليهن الماء اللي سلكنا بي اللحم والحمص ونظيف له ماء ايضا
ونبدأ بالخلط والدرخ المستمر بالمدراخة حتى لا تحترق من الاسفل
حتى تكون بهكذا صورة
بعدها نحمس البصل بالدهن ونظيفه للقيمة
والاستمرار بالدرخ
ثم بعدها نبدأ بأضافة النومي بصرة
بعدها بقليل نظيف الدارسين والهيل
اخر الاضافات هو الملح وهاي الكمية حسب الرغبة
استمرت اعداد القيمة طبخها على النار لمدة 3:30 تقريبا
بهاي تكون خلصنا اعداد القيمة
هذا احد قدور التمن (الرز)
والطعم
رد مع اقتباس
المشاركة الأصلية كتبت بواسطة sawsanmahmoud
