هنا

[الملاذ الاخير]

يارايحين الروح مهدوده
شيعود خدر الراح شيعوده
ياتجوتي بلا حيل عفتوني
ويا وكفت الخوان مريوده..
دهري ما عافاني .. من مشو خواني

كسروا لزينب گلب .. والله ونخيت الناگة
رايحة بلا رايه والشماته هوايه
كصري يا ناگة الدرب عن زينب المشتاگة
يارايحين الروح مهدودة ..

وصلنا الشام ايا الشام.. ماينحمل طاريها
يريت موسده بگبري ولا طبيت واديها
يخويه يگصر لساني .. على اهوال الشفت بيها

يارايحين الروح ملجومة
رديت بس رديت مهظومة
طول الدرب ما افكر بروحي
ضل بالي يم حسين وهدومة

انه اخت حيرانه .. مدوهنة وتعبانه
ركضت وشبعت ركض بس الركض ما جانه
الماي اذا مر بالها يحتي طول خيالها
تذكر الطاح وكسر ظهر الحسين غيابه

خويه والخرابه شلون اوصفلك مصايبها
مهدومة وبلايه فراش .. نتوسد ترايبها
وماتت فاطمة بيها .. ومحد من گرايبها

المثلي بعراضه يصير ملگاها
ومن تمشي تمشي اخوانها وياها
بس اختك بلاياك مشوها
ماخوذه كوة وطال ممشاها

من التعب كبرانه .. شبعوها امتانه
ودورت عن الگمر ما رد گمرها العالي
الوادم محيرها .. ردت لواليها
الله ينطي السبي الخلاهن ابلا والي

صاحت من علة الناگة وتبعتها خوات حسين
تتعثر وهي تنادي يخوي حسين گبرك وين
جيتك باليتامة اكعد تلكانه ينور العين

رديت يم گبور خواني
محد گعدلي وگام لاگاني
هواي اربعين وگلبي لاجمني
هم يله تكعدون هاي اني

انه اختكم حايره .. ع الطرايف دايره
جيت اريد اشكي الحزن وارتاح يمكم ساعه
ساعه بس گومولي .. ع الدلال حجولي
لا تذكروني بمصاب العاشر وبوداعه

يبو السجاد ماتنهض هالعيله وصلت بيها
محفوظة كرامتها دوم محافظه عليها
درب وعره ترى وغربه خويه من يقاسيها



كلمات : قاسم رضا





للاستماع الصوتي
MP3



تدوين حصري لمنتديات درر العراق
احمد الگرعاوي

[sawsanmahmoud]

شكراً أحمد عل مجهود

[عضوية محجوبه]

شكرا جزيلا أحمد

[دُرر الطائي]

شكرا على المجهود ..

لـَبـَيـڪ يـَا حـسـَيـَن

[الملاذ الاخير]

ست سوسن
ايوشه العنزيه
درر الشمري

ممتن جداً لحضوركم العبق .. شكراً جزيلاً ورود

[زهرة اللوتــس]

ساعد الله گلب مولاتي زينب ..

عاشت ايدك خويه في ميزان حسناتك ان شاء الله